ਸ਼ੋਅ ਦੌਰਾਨ ਭਾਵੁਕ ਹੋਏ ਧਰਮਿੰਦਰ, ਦੇਖੋ ਵੀਡੀਓ

ਮੁੰਬਈ(ਬਿਊਰੋ)- ਹਿੰਦੀ ਸਿਨੇਮਾ ਦੇ ਸੁਪਰਸਟਾਰ ਧਰਮਿੰਦਰ ਆਪਣੇ ਪੋਤੇ ਕਰਨ ਦਿਓਲ ਦੀ ਆਉਣ ਵਾਲੀ ਨਵੀਂ ਫਿਲਮ ਦੇ ਪ੍ਰਮੋਸ਼ਨ ‘ਚ ਪੂਰੀ ਤਰ੍ਹਾਂ ਰੁੱਝੇ ਹੋਏ ਹਨ। ਕਰਨ ਦਿਓਲ ਦੀ ਡੈਬਿਊ ਫਿਲਮ ‘ਪਲ ਪਲ ਦਿਲ ਕੇ ਪਾਸ’ 20 ਸਤੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ। ਇਸ ਦੌਰਾਨ ਧਰਮਿੰਦਰ, ਸੰਨੀ ਦਿਓਲ ਅਤੇ ਕਰਨ ਦਿਓਲ ਸੋਨੀ ਟੀ. ਵੀ. ਦੇ ਸ਼ੋਅ ਸੁਪਰਸਟਾਰ ਡਾਂਸਰ ‘ਚ ਪਹੁੰਚੇ।

ਸ਼ੋਅ ’ਚ ਧਰਮਿੰਦਰ ਨੂੰ ਬੇਹੱਦ ਖਾਸ ਵੀਡੀਓ ਦਿਖਾਇਆ ਗਿਆ, ਜਿਸ ਨੂੰ ਦੇਖ ਕੇ ਧਰਮਿੰਦਰ ਭਾਵੁਕ ਹੋ ਗਏ। ਵੀਡੀਓ ’ਚ ਉਨ੍ਹਾਂ ਦਾ ਪਿੰਡ ਸਾਨ੍ਹੇ ਵਾਲ ਸੀ। ਇਸ ਵੀਡੀਓ ‘ਚ ਉਨ੍ਹਾਂ ਦੇ ਪਿੰਡ ਦੇ ਸਕੂਲ, ਪਿੰਡ ਦੇ ਲੋਕਾਂ ਤੇ ਉਸ ਪੁਲੀ ਨੂੰ ਦਿਖਾਇਆ ਗਿਆ ਜਿੱਥੇ ਬੈਠ ਕੇ ਧਰਮਿੰਦਰ ਮੁੰਬਈ ਆ ਕੇ ਸਟਾਰ ਬਣਨ ਦੇ ਸੁਪਨੇ ਦੇਖਿਆ ਕਰਦੇ ਸਨ।

ਇਸ ਵੀਡੀਓ ਨੇ ਧਰਮਿੰਦਰ ਦੀਆ ਪੁਰਾਣੀਆਂ ਯਾਦਾਂ ਤਾਜ਼ੀਆਂ ਕਰ ਦਿੱਤੀਆਂ। ਉਨ੍ਹਾਂ ਦੇ ਪਿੰਡ ਦੇ ਲੋਕ ਇਸ ਵੀਡੀਓ ‘ਚ ਦੱਸਦੇ ਨਜ਼ਰ ਆਏ ਕਿ ਧਰਮਿੰਦਰ ਨੂੰ ਜਦੋਂ ਵੀ ਉਨ੍ਹਾਂ ਦੇ ਪਿੰਡ ਦੇ ਲੋਕ ਮਿਲਦੇ ਹਨ ਤਾਂ ਉਹ ਹਰ ਤਰ੍ਹਾਂ ਦੀ ਮਦਦ ਕਰਦੇ ਹਨ। ਲੋਕਾਂ ਦਾ ਕਹਿਣਾ ਸੀ ਕਿ ਸਾਨੂੰ ਦੱਸਣ ‘ਚ ਮਾਣ ਮਹਿਸੂਸ ਹੁੰਦਾ ਹੈ ਕਿ ਧਰਮਿੰਦਰ ਸਾਡੇ ਪਿੰਡ ਦੇ ਰਹਿਣ ਵਾਲੇ ਹਨ।

ਇਹ ਵੀਡੀਓ ਦੇਖਣ ਤੋਂ ਬਾਅਦ ਧਰਮਿੰਦਰ ਦਾ ਕਹਿਣਾ ਸੀ ਕਿ ‘ਇਹ ਕੀ ਦਿਖਾ ਦਿੱਤਾ, ਹਾਂ ਇਹ ਉਹ ਹੀ ਸਕੂਲ ਹੈ ਉਹ ਹੀ ਪੁਲੀ ਹੈ, ਜਿੱਥੇ ਬੈਠ ਮੈਂ ਖੁਆਬ ਦੇਖੇ ਸੀ। ਮੈਂ ਹੁਣ ਵੀ ਜਦੋਂ ਉਸ ਪੁਲੀ ‘ਤੇ ਜਾਂਦਾ ਹੈ ਤਾਂ ਉਸ ਪੁਲੀ ਨੂੰ ਦੱਸਦਾ ਹਾਂ ਕਿ ਮੇਰੇ ਖੁਆਬ ਪੂਰੇ ਹੋ ਗਏ ਮੈਂ ਐਕਟਰ ਬਣ ਗਿਆ। ਸ਼ੋਅ ‘ਚ ਉਨ੍ਹਾਂ ਦੇ ਨਾਲ ਮੌਜੂਦ ਪੁੱਤਰ ਸੰਨੀ ਦਿਓਲ ਅਤੇ ਕਰਨ ਦਿਓਲ ਲਈ ਵੀ ਇਹ ਭਾਵੁਕ ਪਲ ਸਨ।

 

 

 

 

 

View this post on Instagram

 

 

 

 

 

 

 

 

 

Dharmendra ji couldn't stop his tears when the #SuperstarSinger stage showed the world his journey and struggle to the film industry. Watch him and the #DhamakedarDeols this weekend on #SuperstarSinger at 8 PM

A post shared by Sony Entertainment Television (@sonytvofficial) on Sep 11, 2019 at 11:51pm PDT