ਮੁੰਬਈ(ਬਿਊਰੋ)— ਅੱਜ ਬਾਲੀਵੁੱਡ ਦੇ ਸੁਪਰਸਟਾਰ ਸ਼ਾਹਰੁਖ ਖਾਨ ਦੇ ਨਾਲ-ਨਾਲ ਮਸ਼ਹੂਰ ਮਾਡਲ ਤੋਂ ਅਦਾਕਾਰਾ ਬਣੀ ਡਾਇਨਾ ਪੈਂਟੀ ਦਾ ਵੀ ਆਪਣਾ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਦੱਸ ਦੇਈਏ ਕਿ ਡਾਇਨਾ ਪੈਂਟੀ ਅੱਜ 33 ਸਾਲਾਂ ਦੀ ਹੋ ਗਈ ਹੈ। ਉਸ ਦਾ ਜਨਮ 2 ਨਵੰਬਰ 1985 ਨੂੰ ਹੋਇਆ ਸੀ।
ਇਸ ਮੌਕੇ ਅਸੀਂ ਡਾਇਨਾ ਦੀਆਂ ਅਜਿਹੀਆਂ ਗੱਲਾਂ ਦੱਸਾਂਗੇ, ਜਿਨ੍ਹਾਂ ਬਾਰੇ ਸ਼ਾਇਦ ਤੁਹਾਨੂੰ ਨਾ ਪਤਾ ਹੋਵੇ। ਸਾਲ 2005 ਤੋਂ ਡਾਇਨਾ ਨੇ ਬਤੌਰ ਮਾਡਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਮੈਬਲਿਨ ਇਸ਼ਤਿਹਾਰ ਸਈ ਡਾਇਨਾ ਨੇ ਦੀਪਿਕਾ ਪਾਦੁਕੋਣ ਨੂੰ ਰਿਪਲੇਸ ਕੀਤਾ ਸੀ।
ਨਰਗਿਸ ਫਾਖਰੀ ਤੋਂ ਪਹਿਲਾਂ ਡਾਇਨਾ ਪੈਂਟੀ ਹੀ ਫਿਲਮ 'ਰੌਕਸਟਾਰ' ਲਈ ਪਹਿਲੀ ਪਸੰਦ ਸੀ ਪਰ ਕਿਸੇ ਕਾਰਨਾਂ ਕਰਕੇ ਡਾਇਨਾ ਨੂੰ ਇਹ ਫਿਲਮ ਛੱਡਣੀ ਪਈ ਸੀ। ਫਿਲਮ 'ਕਾਕਟੇਲ' 'ਚ ਮੀਰਾ ਦੇ ਕਿਰਦਾਰ ਲਈ ਡਾਇਨਾ ਨੂੰ 4 ਵਾਰ ਆਡੀਸ਼ਨ ਦੇਣਾ ਪਿਆ ਸੀ।
ਫਿਲਮ 'ਕਾਕਟੇਲ' 'ਚ ਮੀਰਾ ਦੇ ਕਿਰਦਾਰ 'ਚ ਬਿਹਤਰੀਨ ਐਕਟਿੰਗ ਲਈ ਡਾਇਨਾ ਨੂੰ 'ਵੋਗ ਬਿਊਟੀ ਐਵਾਰਡ' ਨਾਲ ਨਵਾਜਿਆ ਗਿਆ ਸੀ।
ਡਾਇਨਾ ਸਭ ਤੋਂ ਪਹਿਲਾਂ ਐਲਿਟੀ ਮਾਡਲ ਏਜੰਸੀ 'ਚ ਨਜ਼ਰ ਆਈ ਸੀ। ਜਦੋਂ ਉਹ ਪੜ੍ਹਦੀ ਸੀ ਤਾਂ ਇੱਥੇ ਪਾਰਟ ਟਾਈਮ ਮਾਡਲਿੰਗ ਦਾ ਕੰਮ ਕਰਦੀ ਸੀ।
ਦੱਸ ਦੇਈਏ ਕਿ ਇਨ੍ਹੀਂ ਦਿਨੀਂ ਡਾਇਨਾ ਪੈਂਟੀ ਆਪਣੀਆਂ ਤਸਵੀਰਾਂ ਨੂੰ ਲੈ ਕੇ ਹਮੇਸ਼ਾ ਚਰਚਾ 'ਚ ਰਹਿੰਦੀ ਹੈ।
ਉਹ ਆਏ ਦਿਨ ਫੈਨਜ਼ ਨਾਲ ਆਪਣੀਆਂ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ।
ਸਮੇਂ ਦੇ ਨਾਲ-ਨਾਲ ਡਾਇਨਾ ਪੈਂਟੀ ਦਾ ਲੁੱਕ ਵੀ ਬਦਲਦਾ ਗਿਆ, ਜਿਸ ਦਾ ਗਵਾਹ ਉਸ ਦਾ ਇੰਸਟਾਗ੍ਰਾਮ ਅਕਾਊਂਟ ਹੈ।
