ਜਲੰਧਰ— ਏਕਤਾ ਕਪੂਰ ਦੇ ਬਾਲਾਜੀ ਮੋਸ਼ਨ ਪਿਚਰਸ ਯਾਨੀ ਅਨੁਰਾਗ ਸਿੰਘ ਅਤੇ ਪਵਨ ਗਿੱਲ ਦੀ ਬ੍ਰੈਟ ਫਿਲਮਸ ਵਲੋਂ ਨਿਰਦੇਸ਼ਿਤ 'ਸੁਪਰ ਸਿੰਘ' ਫਿਲਮ 'ਚ ਦਿਲਜੀਤ ਦੋਸਾਂਝ ਨਾਲ ਅਭਿਨੇਤਰੀ ਸੋਨਮ ਬਾਜਵਾ ਮੁੱਖ ਭੂਮਿਕਾ 'ਚ ਹੈ।
ਫਿਲਮ ਦਾ ਨਿਰਦੇਸ਼ਨ ਨੈਸ਼ਨਲ ਐਵਾਰਡ ਦੇ ਜੇਤੂ ਅਤੇ ਬਲਾਕਬਸਟਰ ਪੰਜਾਬੀ ਨਿਰਦੇਸ਼ਕ ਅਨੁਰਾਗ ਸਿੰਘ ਨੇ ਕੀਤਾ ਹੈ। ਦਿਲਜੀਤ ਦੋਸਾਂਝ ਅਤੇ ਸੋਨਮ ਬਾਜਵਾ ਦੀ ਫਿਲਮ 'ਸੁਪਰ ਸਿੰਘ' ਨੂੰ ਕਾਫੀ ਸ਼ਾਨਦਾਰ ਪ੍ਰਤੀਕਿਰਿਆ ਮਿਲ ਰਹੀ ਹੈ।
ਫੈਨਜ਼ ਆਪਣੇ ਸਟਾਰ ਨਾਲ ਇੱਕ ਪਲ ਮਿਲਣ ਦਾ ਹਰਦਮ ਮੌਕਾ ਭਾਲਦੇ ਹਨ, ਜੇਕਰ ਆਪਣੇ ਖਾਸ ਸਟਾਰ ਦੇ ਫਿਲਮ ਦੇ ਕਿਰਦਾਰ ਜਾਂ ਫਿਲਮ ਦੀ (ਮਰਚਨਡਾਇਜ਼) ਵਸਤੂ ਮਿਲ ਜਾਵੇ ਤਾਂ ਸੋਨੇ 'ਤੇ ਸੁਹਾਗਾ।
ਇਸ ਨੂੰ ਦੇਖ ਹੋਏ ਫਿਲਮ ਦੇ ਨਿਰਮਾਤਾਵਾਂ ਨੇ ਫਿਲਮ ਦੇ ਮਰਚਨਡਾਇਜ਼ ਲਾਂਚ ਕੀਤੇ ਹਨ। ਇਨ੍ਹਾਂ ਸਾਰੇ ਮਰਚਨਡਾਇਜ਼ ਨੂੰ ਫੈਨਜ਼ ਦੁਆਰਾ ਬਹੁਤ ਹੀ ਪਸੰਦ ਕੀਤਾ ਜਾ ਰਿਹਾ ਹੈ।
ਇਹ ਕਹਿਣਾ ਸਹੀ ਹੋਵੇਗਾ ਕਿ ਫਿਲਮ ਨੂੰ ਲੈ ਕੇ ਲੋਕਾਂ ਦੀ ਦੀਵਾਨਗੀ ਇੰਨੀ ਹੈ ਕਿ ਫੈਨਜ਼ ਲਈ 'ਸੁਪਰ ਸਿੰਘ' ਦਾ ਇਹ ਸਪੈਸ਼ਲ ਫੈਸ਼ਨ ਲਾਈਨ ਲਾਂਚ ਕੀਤਾ ਗਿਆ ਹੈ ਅਤੇ ਫੈਨਜ਼ ਕਾਫੀ ਉਤਸ਼ਾਹਿਤ ਹਨ।
ਦੱਸ ਦਈਏ 'ਸੁਪਰ ਸਿੰਘ' 16 ਜੂਨ 2016 ਨੂੰ ਵਰਲਡਵਾਈਡ ਰਿਲੀਜ਼ ਕੀਤੀ ਜਾਵੇਗੀ।