ਨਵੀਂ ਦਿੱਲੀ (ਬਿਊਰੋ) — ਪੰਜਾਬੀ ਗਾਇਕ ਤੇ ਐਕਟਰ ਦਿਲਜੀਤ ਦੋਸਾਂਝ ਰਿਐਲਿਟੀ ਟੀ. ਵੀ. ਸਟਾਰ ਕਾਇਲੀ ਜੇਨਰ ਦੀ ਅੰਡੇ ਵਾਲੀ ਵਾਇਰਲ ਹੋ ਰਹੀ ਤਸਵੀਰ ਦੇ ਦੀਵਾਨੇ ਹੋ ਗਏ, ਜਿਸ 'ਚ ਸੁਪਰਸਟਾਰ ਦੇ ਚਿਹਰੇ ਦੀ ਛਾਪ ਇਕ ਅੰਡੇ 'ਤੇ ਬਣੀ ਹੋਈ ਹੈ। ਭੂਰੇ ਅੰਡੇ ਦੀ ਵਾਇਰਲ ਤਸਵੀਰ ਇਸ ਤੋਂ ਪਹਿਲਾ ਹੀ ਇੰਸਟਾਗ੍ਰਾਮ 'ਤੇ ਸਭ ਤੋਂ ਜ਼ਿਆਦਾ ਲਾਈਕ ਹਾਸਲ ਕਰਨ ਦਾ ਰਿਕਾਰਡ ਤੋੜ ਚੁੱਕੀ ਹੈ।
ਟੌਕ ਸ਼ੋਅ ਦੀ ਹੋਸਟ ਏਲੇਨ ਡੀਜੇਨਰਸ ਨੇ ਆਪਣੀ ਰਚਨਾਤਮਕਤਾ ਦਾ ਪ੍ਰਯੋਗ ਕਰਕੇ ਕੁਝ ਦਿਨ ਪਹਿਲਾਂ ਹੀ ਕਾਇਲੀ ਦੇ ਚਿਹਰੇ 'ਤੇ ਅੰਡੇ ਦੀ ਤਸਵੀਰ ਨਾਲ ਫੋਟੋਸ਼ੌਪ ਕਰ ਦਿੱਤਾ। ਡੀਜੇਨਰਸ ਨੇ ਤਸਵੀਰ ਦੇ ਕੈਪਸ਼ਨ 'ਚ ''ਮੇਰੇ ਹਿਸਾਬ ਨਾਲ ਇਹ ਇੰਸਟਾਗ੍ਰਾਮ ਦੀ ਹੁਣ ਤੱਕ ਦੀ ਸਭ ਤੋਂ ਜ਼ਿਆਦਾ ਲਾਈਕ ਕੀਤੀ ਜਾਣ ਵਾਲੀ ਪੋਸਟ ਬਣ ਗਈ ਹੈ। 'ਦਿ ਐੱਗ ਪਲੱਸ ਕਾਇਲੀ ਜੈਨਰ ਘੱਟੋ-ਘੱਟ 5.1 ਕਰੋੜ ਲਾਈਕਸ।'' ਕਾਇਲੀ ਦੀ ਇਸ ਤਸਵੀਰ ਨੂੰ ਸਿਰਫ 3 ਦਿਨਾਂ 'ਚ 40 ਲੱਖ ਤੋਂ ਜ਼ਿਆਦਾ ਲਾਈਕਸ ਮਿਲ ਚੁੱਕੇ ਸਨ।
ਅਜਿਹੇ 'ਚ ਅੰਡੇ 'ਤੇ ਕਾਇਲੀ ਜੇਨਰ ਦੀ ਫੋਟੋਸ਼ੌਪ ਤਸਵੀਰ 'ਤੇ ਦਿਲਜੀਤ ਦੋਸਾਂਝ ਦੇ ਕੁਮੈਂਟ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਉਨ੍ਹਾਂ ਨੇ ਪੋਸਟ ਲਈ ਏਲੇਨ ਦੀ ਪ੍ਰਸ਼ੰਸਾਂ ਕੀਤੀ ਤੇ ਕਿਹਾ ਕਿ ''ਤੁਹਾਡਾ ਦਾ ਦਿਮਾਗ ਫੇਰਾਰੀ ਕਾਰ ਤੋਂ ਵੀ ਤੇਜ਼ ਚੱਲਦਾ ਹੈ।'' ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ 'ਪ੍ਰੋਪਰ ਪਟੋਲਾ' ਗਾਇਕ ਨੂੰ ਕਾਇਲੀ ਨਾਲ ਸਬੰਧਿਤ ਪੋਸਟਾਂ ਤੇ ਤਸਵੀਰਾਂ 'ਤੇ ਕੁਮੈਂਟ ਕਰਦੇ ਦੇਖਿਆ ਗਿਆ ਹੋਵੇ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ 'ਤੇ ਅਕਸਰ ਕਾਇਲੀ ਦੀ ਪ੍ਰਸ਼ੰਸਾਂ ਕਰਦੇ ਹੀ ਦੇਖਿਆ ਗਿਆ। ਹਾਲ ਹੀ 'ਚ ਉਨ੍ਹਾਂ ਨੇ 'ਕੌਫੀ ਵਿਦ ਕਰਨ' ਦੇ ਸੀਜ਼ਨ 6 ਦੇ ਇਕ ਐਪੀਸੋਡ 'ਚ ਕਾਇਲੀ ਪ੍ਰਤੀ ਆਪਣੀ ਫੀਲਿੰਗਸ ਸਾਰਿਆਂ ਸਾਹਮਣੇ ਸ਼ੇਅਰ ਕੀਤੀ ਸੀ, ਜਿਥੇ ਉਨ੍ਹਾਂ ਨੇ ਸਵੀਕਾਰ ਕੀਤਾ ਸੀ ਕਿ ਮੈਂ ਉਸ ਨੂੰ ਪਸੰਦ ਕਰਦਾ ਹਾਂ।