ਜਲੰਧਰ (ਬਿਊਰੋ)— 18 ਅਕਤੂਬਰ ਨੂੰ ਰਿਲੀਜ਼ ਹੋਏ ਦਿਲਜੀਤ ਦੁਸਾਂਝ ਦੇ ਗੀਤ 'ਐਲ ਸੁਏਨੋ' ਨੂੰ ਯੂਟਿਊਬ 'ਤੇ 2 ਕਰੋੜ 50 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਗੀਤ ਲਈ ਦਿਲਜੀਤ ਨੇ ਆਪਣੀ ਲੁੱਕ ਤੇ ਸਟਾਈਲ ਨਾਲ ਕਾਫੀ ਐਕਸਪੈਰੀਮੈਂਟ ਕੀਤੇ ਸਨ। ਇਸ ਗੀਤ ਲਈ ਦਿਲਜੀਤ ਨੇ ਪ੍ਰੇਰਣਾ ਕਿਥੋਂ ਲਈ, ਇਹ ਸਾਰੇ ਜਾਣਨ ਲਈ ਬੇਤਾਬ ਸਨ, ਜਿਸ ਬਾਰੇ ਦਿਲਜੀਤ ਨੇ ਸੋਸ਼ਲ ਮੀਡੀਆ 'ਤੇ ਖੁਲਾਸਾ ਕਰ ਦਿੱਤਾ ਹੈ।
ਦਿਲਜੀਤ ਨੇ ਸੋਸ਼ਲ ਮੀਡੀਆ 'ਤੇ ਹਾਲੀਵੁੱਡ ਐਕਟਰ ਟੋਮੀ ਸ਼ੈਲਬੀ ਦੀ ਤਸਵੀਰ ਸਾਂਝੀ ਕੀਤੀ ਹੈ ਤੇ ਉਨ੍ਹਾਂ ਨੂੰ 'ਐਲ ਸੁਏਨੋ' ਗੀਤ ਲਈ ਆਪਣੀ ਪ੍ਰੇਰਣਾ ਦੱਸਿਆ ਹੈ। ਟੋਮੀ ਸ਼ੈਲਬੀ ਨੇ 'ਪਿਕੀ ਬਲਾਈਂਡਰਸ' ਟੀ. ਵੀ. ਸੀਰੀਅਲ ਲਈ ਜਿਹੜੀ ਲੁੱਕ ਰੱਖੀ ਸੀ, ਉਹੀ ਦਿਲਜੀਤ ਨੇ 'ਐਲ ਸੁਏਨੋ' ਲਈ ਚੁਣੀ। ਕੁਝ ਵੀ ਹੋਵੇ ਦਿਲਜੀਤ ਦੀ ਇਹ ਵੱਖਰੀ ਲੁੱਕ ਕਾਫੀ ਪਸੰਦ ਕੀਤੀ ਗਈ ਹੈ।