ਜਲੰਧਰ(ਬਿਊਰੋ)- ਫਿਲਮ ਤੇ ਮਿਊਜ਼ਿਕ ਇੰਡਸਟਰੀ ’ਚ ਦਿਨ ਦੁੱਗਣੀ ਤੇ ਰਾਤ ਚੋਗਣੀ ਤਰੱਕੀ ਕਰ ਰਹੇ ਸੁਪਰਸਟਾਰ ਦਿਲਜੀਤ ਦੁਸਾਂਝ ਦਾ ਤਾਜ਼ਾ ਟਰੈਕ ‘ਮੁੱਛ’ ਨੌਜਵਾਨਾਂ ’ਚ ‘ਪੱਗੜੀ ਪਲ’ ਲਿਆਉਣ ਵਾਲਾ ਹੈ। ਹਾਲ ਹੀ ’ਚ ਇਸ ਗੀਤ ਨੂੰ ਸਾਗਾ ਮਿਊਜ਼ਿਕ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਗਿਆ ਸੀ। ਦਿਲਜੀਤ ਦੁਸਾਂਝ ਦੇ ਇਸ ਟਰੈਕ ਨੂੰ ਵੱਖੋ ਵੱਖਰੇ ਤਰੀਕਿਆਂ ਨਾਲ ਦਰਸ਼ਕਾਂ ਅਤੇ ਪ੍ਰਸ਼ੰਸਕਾਂ ਵੱਲੋਂ ਅਨੌਖੇ ਰੰਗਾਂ ਨਾਲ ਪ੍ਰਦਰਸ਼ਿਤ ਕੀਤਾ ਜਾ ਰਿਹਾ ਹੈ।
ਗੀਤ 'ਤੇ ਛੋਟੇ ਵੀਡੀਓਜ਼ ਫੇਸਬੁੱਕ, ਇੰਸਟਾਗ੍ਰਾਮ ਅਤੇ ਟਿਕ ਟੋਕ' ’ਤੇ ਛਾਏ ਹੋਏ ਹਨ। ਭਾਰੀ ਭਾਰ ਭੰਗੜੇ ਦੀ ਪੇਸ਼ਕਾਰੀ ਤੋਂ ਲੈ ਕੇ ਦਸਤਾਰਾਂ ਬੰਨ੍ਹਣ ਤੱਕ ਪੰਜਾਬੀ ਨੌਜਵਾਨਾਂ ਨੇ ਮਾਣ ਨਾਲ ਆਪਣੇ ਡੂੰਘੇ ਜੜ੍ਹਾਂ ਵਾਲੇ ਸਭਿਆਚਾਰ ਨੂੰ ਇਸ ਟਰੈਕ ਨਾਲ ਅਪਣਾ ਲਿਆ ਹੈ। ਪੱਗਾਂ ਬੰਨ੍ਹਣ ਵਾਲੇ ਲੋਕਾਂ ਦੀਆਂ ਲਗਭਗ 2000 ਵੀਡੀਓਜ਼ ਸਿਰਫ 7 ਦਿਨਾਂ ’ਚ ਸਾਹਮਣੇ ਆਈਆਂ ਹਨ।
ਦੱਸ ਦਈਏ ਕਿ ਦਿਲਜੀਤ ਦੋਸਾਂਝ ਆਪਣੇ ਗੀਤਾਂ ਕਰਕੇ ਪੂਰੀ ਦੁਨੀਆਂ 'ਚ ਜਾਣੇ ਜਾਂਦੇ ਹਨ। ਉਨ੍ਹਾਂ ਦਾ ਹਰ ਗੀਤ ਹਿੱਟ ਹੁੰਦਾ ਹੈ। ਪ੍ਰਸ਼ੰਸਕ ਉਨ੍ਹਾਂ ਦੇ ਹਰੇਕ ਗੀਤ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਗਾਇਕੀ ਦੇ ਨਾਲ-ਨਾਲ ਦਿਲਜੀਤ ਦੀ ਅਦਾਕਾਰੀ ਵੀ ਬਾਕਮਾਲ ਹੈ।