ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਡਿੰਪਲ ਕਪਾੜੀਆ ਨੇ 80-90 ਦੇ ਦਹਾਕੇ 'ਚ ਆਪਣੇ ਗਲੈਮਰਸ ਅੰਦਾਜ਼ ਨਾਲ ਬੀ-ਟਾਊਨ ਦੀਆਂ ਕਈ ਅਭਿਨੇਤਰੀਆਂ ਨੂੰ ਮਾਤ ਦਿੱਤੀ ਸੀ। ਹਾਲ ਹੀ 'ਚ ਡਿੰਪਲ ਨੂੰ ਮੁੰਬਈ ਜੁਹੂ 'ਚ ਸਪੌਟ ਕੀਤਾ ਗਿਆ, ਜਿਥੇ ਉਹ ਹਮੇਸ਼ਾ ਦੀ ਤਰ੍ਹਾਂ ਕਾਫੀ ਸੁੰਦਰ ਲੱਗ ਰਹੀ ਸੀ।
ਉਸ ਨੂੰ ਦੇਖ ਉਸ ਦੀ ਉਮਰ ਦਾ ਅੰਦਾਜ਼ਾ ਲਾਉਣਾ ਔਖਾ ਹੋ ਰਿਹਾ ਹੈ। ਉਸ ਨੂੰ ਦੇਖ ਕੇ ਬਿਲਕੁਲ ਨਹੀਂ ਲੱਗ ਰਿਹਾ ਕਿ ਉਹ 61 ਸਾਲ ਦੀ ਹੋ ਚੁੱਕੀ ਹੈ।
ਡਿੰਪਲ ਮੀਡੀਆ ਸਾਹਮਣੇ ਕਾਫੀ ਸਮੇਂ ਬਾਅਦ ਆਈ ਤਾਂ ਸਹੀ ਪਰ ਮੀਡੀਆ ਨੂੰ ਬਿਨ੍ਹਾਂ ਕੋਈ ਪੋਜ਼ ਦਿੱਤੇ ਹੀ ਚਲੇ ਗਈ।
ਡਿੰਪਲ ਸਾਲ 2017 'ਚ ਸੰਨੀ ਦਿਓਲ ਨਾਲ ਨਜ਼ਰ ਆਈ ਸੀ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋਈਆਂ ਸਨ। ਦੋਵਾਂ ਦੀਆਂ ਤਸਵੀਰਾਂ ਲੰਡਨ ਦੀਆਂ ਸਨ।
ਦੱਸ ਦੇਈਏ ਕਿ ਡਿੰਪਲ ਨੇ 15 ਸਾਲ ਦੀ ਉਮਰ 'ਚ ਫਿਲਮ 'ਬੌਬੀ' ਨਾਲ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਵਿਆਹ ਤੋਂ ਬਾਅਦ ਡਿੰਪਲ ਨੇ ਫਿਲਮਾਂ ਤੋਂ ਦੂਰੀ ਬਣਾ ਲਈ ਸੀ।
ਉਸ ਨੇ 15 ਸਾਲ ਵੱਡੇ ਐਕਟਰ ਰਾਜੇਸ਼ ਖੰਨਾ ਨਾਲ ਵਿਆਹ ਕਰਵਾਇਆ ਸੀ ਤੇ ਜਲਦੀ ਹੀ ਵੱਖ ਵੀ ਹੋ ਗਈ ਸੀ। ਡਿੰਪਲ ਨੇ ਦੋ ਧੀਆਂ ਦੇ ਜਨਮ ਤੋਂ ਬਾਅਦ ਇਕ ਵਾਰ ਫਿਰ ਫਿਲਮਾਂ 'ਚ ਆਪਣੀ ਕਿਸਮਤ ਅਜ਼ਮਾਈ ਸੀ।
