ਮੁੰਬਈ (ਬਿਊਰੋ) — ਡਿੰਪਲ ਕਪਾੜੀਆ ਨੇ ਬਾਲੀਵੁੱਡ ਨੂੰ ਕਈ ਬਿਹਤਰੀਨ ਫਿਲਮਾਂ ਦਿੱਤੀਆਂ ਹਨ। ਉਸ ਨੇ ਅਦਾਕਾਰੀ ਦੇ ਜਲਵੇ ਬਿਖੇਰਨ ਦੇ ਨਾਲ-ਨਾਲ ਫਿਲਮ ਇੰਡਸਟਰੀ 'ਚ ਐਕਟਰੈੱਸ ਦੀ ਇਮੇਜ਼ ਨੂੰ ਬਦਲਣ ਦਾ ਕੰਮ ਵੀ ਕੀਤਾ ਹੈ। ਡਿੰਪਲ ਦਾ ਜਨਮ 8 ਜੂਨ ਨੂੰ ਇਕ ਗੁਜਰਾਤੀ ਪਰਿਵਾਰ 'ਚ ਹੋਇਆ ਸੀ।
ਉਸ ਨੂੰ ਫਿਲਮ ਇੰਡਸਟਰੀ 'ਚ ਲਿਆਉਣ ਦਾ ਸਿਹਰਾ ਰਾਜ ਕਪੂਰ ਦੇ ਸਿਰ ਬੱਝਦਾ ਹੈ। ਡਿੰਪਲ ਨੇ 16 ਸਾਲ ਦੀ ਉਮਰ 'ਚ 'ਬੌਬੀ' ਫਿਲਮ 'ਚ ਕੰਮ ਕੀਤਾ ਅਤੇ ਰਾਤੋਂ-ਰਾਤ ਸਟਾਰ ਬਣ ਗਈ। ਹੁਣ ਉਹ ਹਾਲੀਵੁੱਡ ਫਿਲਮ ਕਰਨ ਜਾ ਰਹੀ ਹੈ। ਉਸ ਨੇ 'ਬੌਬੀ' 'ਚ ਬਿਕਨੀ ਪਹਿਨ ਕੇ ਸਾਰਿਆਂ ਨੂੰ ਹੈਰਾਨ ਕਰਨ ਦਿੱਤਾ ਸੀ। ਇਸ ਫਿਲਮ ਲਈ ਉਸ ਨੂੰ ਬੈਸਟ ਐਕਟਰੈੱਸ ਦਾ ਫਿਲਮਫੇਅਰ ਐਵਾਰਡ ਨਾਲ ਨਵਾਜਿਆ ਗਿਆ ਸੀ।
'ਬੌਬੀ' ਫਿਲਮ ਦੀ ਸ਼ੂਟਿੰਗ ਦੌਰਾਨ ਡਿੰਪਲ ਨੇ ਆਪਣੇ ਤੋਂ 15 ਸਾਲ ਵੱਡੇ ਸੁਪਰਸਟਾਰ ਰਾਜੇਸ਼ ਖੰਨਾ ਨਾਲ ਵਿਆਹ ਕਰਵਾਇਆ ਸੀ। 'ਬੌਬੀ' ਦੀ ਸ਼ੂਟਿੰਗ ਸਮੇਂ ਹੀ ਡਿੰਪਲ ਕਪਾੜੀਆ ਪ੍ਰੈਗਨੈਂਟ ਵੀ ਹੋ ਗਈ ਸੀ।
ਇਸ ਗੱਲ ਦਾ ਖੁਲਾਸਾ ਰਿਸ਼ੀ ਕਪੂਰ ਨੇ ਆਪਣੇ ਟਵਿਟਰ ਅਕਾਊਂਟ ਤੋਂ ਇਕ ਟਵੀਟ ਕਰਕੇ ਦਿੱਤਾ ਸੀ। ਉਨ੍ਹਾਂ ਨੇ ਦੱਸਿਆ ਸੀ ਕਿ ਜਿਸ ਸਮੇਂ 'ਬੌਬੀ' ਦੀ ਸ਼ੂਟਿੰਗ ਚੱਲ ਰਹੀ ਸੀ, ਉਸ ਸਮੇਂ ਟਵਿੰਕਲ ਖੰਨਾ ਉਸ ਦੇ ਪੇਟ 'ਚ ਸੀ।
ਬੀ ਟਾਊਨ 'ਚ ਇਸ ਗੱਲ ਦੀ ਚਰਚਾ ਵੀ ਰਹੀ ਕਿ ਡਿੰਪਲ ਦਾ ਦਿਲ ਵਿਆਹੁਤਾ ਸੰਨੀ ਦਿਓਲ 'ਤੇ ਵੀ ਆਇਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਦੋਵੇਂ 11 ਸਾਲ ਤੱਕ ਰਿਲੇਸ਼ਨਸ਼ਿਪ 'ਚ ਰਹੇ ਅਤੇ ਬਾਅਦ 'ਚ ਵੱਖ ਹੋ ਗਏ।
ਕਈ ਸਾਲਾਂ ਬਾਅਦ ਡਿੰਪਲ ਨੇ 'ਜ਼ਖਮੀ ਸ਼ੇਰ' ਫਿਲਮ ਨਾਲ ਵਾਪਸੀ ਕੀਤੀ। ਇਸ ਤੋਂ ਬਾਅਦ 'ਸਾਗਰ' ਫਿਲਮ ਕੀਤੀ, ਜਿਸ 'ਚ ਡਿੰਪਲ ਨੇ ਪਹਿਲੀ ਵਾਰ ਟਾਪਲੈੱਸ ਸੀਨ ਦਿੱਤਾ ਸੀ, ਜੋ ਕਿ ਉਸ ਸਮੇਂ ਕਾਫੀ ਸੁਰਖੀਆਂ 'ਚ ਰਿਹਾ।
ਹੁਣ ਡਿੰਪਲ ਕਪਾੜੀਆ ਹਾਲੀਵੁੱਡ ਦੇ ਮਸ਼ਹੂਰ ਡਾਇਰੈਕਟਰ ਕ੍ਰਿਸਟੋਫਰ ਨੋਲਨ ਨਾਲ ਕੰਮ ਕਰਨ ਜਾ ਰਹੀ ਹੈ। ਨੋਲਨ 'ਇੰਸਪੇਸ਼ਨ', 'ਦਿ ਪ੍ਰੈਸਟਿਜ' ਤੇ 'ਇੰਟਰਸਟੇਲਰ' ਵਰਗੀਆਂ ਬਿਹਤਰੀਨ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ।
ਡਿੰਪਲ ਆਖਰੀ ਵਾਰ ਫਿਲਮ 'ਵੈੱਲਕਮ ਬੈਕ' 'ਚ ਨਜ਼ਰ ਆਈ ਸੀ। ਇਹ ਫਿਲਮ ਸਾਲ 2015 'ਚ ਰਿਲੀਜ਼ ਹੋਈ ਸੀ। ਇਸ 'ਚ ਜਾਨ ਅਬਰਾਹਿਮ, ਨਾਨਾ ਪਾਟੇਕਰ ਤੇ ਅਨਿਲ ਕਪੂਰ ਵਰਗੇ ਸਿਤਾਰੇ ਨਜ਼ਰ ਆਏ ਸਨ।
