ਨਵੀਂ ਦਿੱਲੀ (ਬਿਊਰੋ)— ਫਿਲਮ 'ਸਤ੍ਰੀ' ਦੇ ਪ੍ਰੋਡਿਊਸਰ ਦਿਨੇਸ਼ ਵਿਜਾਨ, ਪਰਮਿਤਾ ਤੰਵਰ ਨਾਲ ਬੀਤੇ ਦਿਨੀਂ ਵਿਆਹ ਦੇ ਬੰਧਨ 'ਚ ਬੱਝ ਗਏ ਹਨ। ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਵਿਆਹ 'ਚ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।
ਵਿਆਹ 'ਚ ਕ੍ਰਿਤੀ ਸੇਸਨ, ਸੁਸ਼ਾਂਤ ਸਿੰਘ ਰਾਜਪੂਤ, ਸ਼ਰਧਾ ਕਪੂਰ, ਕਾਰਤਿਕ ਆਰਿਅਨ, ਰਵੀਨਾ ਟੰਡਨ, ਅਮਰ ਕੌਸ਼ਿਕ ਸਮੇਤ ਹੋਰ ਸਿਤਾਰੇ ਪਹੁੰਚੇ।
ਰਵੀਨਾ ਟੰਡਨ ਆਪਣੇ ਪਤੀ ਨਾਲ ਪਹੁੰਚੀ ਸੀ। ਇਸ ਦੌਰਾਨ ਉਸ ਨੇ ਬਲੈਕ ਕਲਰ ਦੀ ਆਊਟਫਿੱਟ ਪਾਈ ਸੀ।
ਇਸ ਲੁੱਕ 'ਚ ਉਹ ਕਾਫੀ ਸ਼ਾਨਦਾਰ ਲੱਗ ਰਹੀ ਸੀ।
ਦੱਸ ਦੇਈਏ ਕਿ ਦਿਨੇਸ਼ ਵਿਜਾਨ ਨੇ ਫਿਲਮ 'ਬੀਇੰਗ ਸਾਈਰਸ' ਨਾਲ ਫਿਲਮਾਂ ਦਾ ਨਿਰਮਾਣ ਸ਼ੁਰੂ ਕੀਤਾ।
ਇਸ ਤੋਂ ਬਾਅਦ ਉਨ੍ਹਾਂ ਨੇ 'ਲਵ ਆਜ ਕੱਲ', 'ਕੌਕਟੇਲ', 'ਬਦਲਾਪੁਰ', 'ਹਿੰਦੀ ਮੀਡਿਯਮ' ਤੇ 'ਸਤ੍ਰੀ' ਸਮੇਤ ਕਈ ਫਿਲਮਾਂ ਬਣਾਈਆਂ।