ਮੁੰਬਈ (ਬਿਊਰੋ)— ਟੀ. ਵੀ. ਦੀ ਮਸ਼ਹੂਰ ਨੂੰਹ 'ਸਿਮਰ' ਭਾਵ ਦੀਪਿਕਾ ਕੱਕੜ ਦਾ ਕੁਝ ਮਹੀਨੇ ਪਹਿਲਾਂ ਐਕਟਰ ਸ਼ੋਏਬ ਇਬ੍ਰਾਹਿਮ ਨਾਲ ਵਿਆਹ ਹੋਇਆ ਸੀ। ਦੀਪਿਕਾ ਅੱਜਕਲ ਟੀ. ਵੀ. ਇੰਡਸਟਰੀ ਤੋਂ ਦੂਰ ਆਪਣੀ ਫੈਮਿਲੀ ਨਾਲ ਸਮਾਂ ਬਿਤਾ ਰਹੀ ਹੈ। ਦੀਪਿਕਾ ਦੇ ਫੈਨ ਪੇਜ਼ ਤੋਂ ਇੰਸਟਾਗਰਾਮ 'ਤੇ ਪਰਿਵਾਰ ਨਾਲ ਇਫਤਾਰ ਕਰਦੇ ਹੋਏ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
ਦੀਪਿਕਾ ਨੇ ਇੰਟਰਵਿਊ 'ਚ ਦੱਸਿਆ ਕਿ ਵਿਆਹ ਤੋਂ ਬਾਅਦ ਜ਼ਿੰਦਗੀ 'ਚ ਸ਼ਾਂਤੀ ਆ ਗਈ ਹੈ। ਮੈਂ ਸ਼ੋਏਬ ਲਈ ਖਾਣਾ ਬਣਾਉਂਦੀ ਹਾਂ। ਘਰ 'ਚ ਸ਼ੋਏਬ ਦੀ ਮਾਂ ਅਤੇ ਭੈਣ ਨਾਲ ਸਮਾਂ ਬਿਤਾਉਂਦੀ ਹਾਂ। ਦੀਪਿਕਾ ਨੇ ਸ਼ੋਏਬ ਦੇ ਪਰਿਵਾਰ ਨਾਲ ਕਈ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ। ਦੀਪਿਕਾ ਰਮਜ਼ਾਨ ਦੇ ਮਹੀਨੇ 'ਚ ਰੋਜ਼ੇ ਵੀ ਰੱਖ ਰਹੀ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਰੋਜ਼ਾ ਰੱਖਣਾ ਇੰਨਾ ਮੁਸ਼ਕਿਲ ਨਹੀਂ ਹੈ, ਜਿੰਨਾ ਮੈਂ ਵਿਆਹ ਤੋਂ ਪਹਿਲਾਂ ਸੋਚਦੀ ਸੀ।'' ਈਦ ਦੀਆਂ ਤਿਆਰੀਆਂ 'ਤੇ ਦੀਪਿਕਾ ਨੇ ਦੱਸਿਆ, ''ਮੈਂ ਗ੍ਰੀਨ ਕਲਰ ਦਾ ਸ਼ਰਾਰਾ ਪਾਉਣ ਵਾਲੀ ਹਾਂ। ਮੇਰੀ ਪੂਰੀ ਵਾਰਡਰੋਬ ਤਿਆਰ ਹੈ। ਪਰਿਵਾਰ ਦੇ ਸਾਰੇ ਲੋਕ ਬਹੁਤ ਉਤਸੁਕ ਹਨ।
ਰਿਪੋਰਟਸ ਮੁਤਾਬਕ ਲੰਬੇ ਸਮੇਂ ਤੋਂ ਲਿਵ ਇਨ ਰਿਲੇਸ਼ਨ 'ਚ ਰਹਿਣ ਤੋਂ ਬਾਅਦ ਦੀਪਿਕਾ ਨੇ ਸ਼ੋਏਬ ਨਾਲ ਵਿਆਹ ਕਰਕੇ ਆਪਣਾ ਧਰਮ ਬਦਲ ਲਿਆ ਸੀ। ਵਿਆਹ ਤੋਂ ਬਾਅਦ ਦੀਪਿਕਾ ਕੱਕੜ ਨੇ ਆਪਣਾ ਨਾਂ ਫੈਜ਼ਾ ਰੱਖ ਲਿਆ ਸੀ।
ਇਸਲਾਮਿਕ ਰੀਤੀ-ਰਿਵਾਜ਼ ਨਾਲ ਵਿਆਹ ਕਰਨ ਅਤੇ ਧਰਮ ਬਦਲਣ ਨੂੰ ਲੈ ਕੇ ਦੀਪਿਕਾ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋਈ ਸੀ।
ਬਾਅਦ 'ਚ ਇਕ ਇੰਟਰਵਿਊ 'ਚ ਦੀਪਿਕਾ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਆਪਣੇ ਫੈਸਲੇ 'ਤੇ ਮਾਣ ਹੈ। ਦੀਪਿਕਾ ਨੇ ਇਸ ਬਾਰੇ ਕਿਹਾ ਸੀ, ''ਮੇਰਾ ਪਰਿਵਾਰ ਮੇਰੇ ਇਸ ਫੈਸਲੇ ਨਾਲ ਹੈ। ਇਹ ਮੇਰੀ ਜ਼ਿੰਦਗੀ ਦਾ ਨਿੱਜੀ ਮਾਮਲਾ ਹੈ। ਕਿਸੇ ਨੂੰ ਇਸ 'ਚ ਦਖਲ ਦੇਣ ਦੀ ਅਨੁਮਤੀ ਨਹੀਂ ਹੈ।''