ਨਵੀਂ ਦਿੱਲੀ(ਬਿਊਰੋ)— ਮਸ਼ਹੂਰ ਐਕਟਰ ਓਮਪੁਰੀ ਦੀ ਪਤਨੀ ਨੰਦਿਤਾ ਨੇ ਅਦਾਕਾਰਾ ਦਿਵਿਆ ਦੱਤਾ, ਜਾਵੇਦ ਸਿੱਦੀਕੀ ਅਤੇ ਅਮਰੀਕ ਗਿੱਲ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੈ। ਮਾਮਲਾ ਹੈ ਇਕ ਪਲੇਅ ਨਾਲ ਜੁੜਿਆ। 'ਤੇਰੀ ਅੰਮ੍ਰਿਤਾ' ਨਾਂ ਦੇ ਪੰਜਾਬੀ ਪਲੇਅ ਦੇ ਕਾਪੀਰਾਈਟ ਦੇ ਅਧਿਕਾਰ ਮਸ਼ਹੂਰ ਐਕਟਰ ਓਮਪੁਰੀ ਦੀ ਕੰਪਨੀ ਕੋਲ ਹੈ। ਦਿਵਿਆ ਦੱਤਾ ਇਸ ਪਲੇਅ ਨੂੰ ਨਵੇਂ ਸਿਰੇ ਤੋਂ ਸ਼ੁਰੂ ਕਰਨ ਲਈ ਇਸ ਦੇ ਅਧਿਕਾਰ ਖਰੀਦਣਾ ਚਾਹੁੰਦੀ ਸੀ ਪਰ ਗੱਲ ਨਾ ਬਣੀ।
ਹੁਣ ਦਿਵਿਆ ਬਿਨਾਂ ਸਹਿਮਤੀ ਦੇ ਹੀ ਅੱਗੇ ਵਧਾਉਣਾ ਚਾਹੁੰਦੀ ਹੈ। ਉਨ੍ਹਾਂ ਨੇ ਗੁਰਦਾਸ ਮਾਨ ਨਾਲ ਇਸ ਦਾ ਪ੍ਰੀਮੀਅਰ 9 ਸਤੰਬਰ ਨੂੰ ਮੁੰਬਈ 'ਚ ਰੱਖਿਆ ਹੈ। ਇਸ 'ਤੇ ਇਤਰਾਜ਼ ਜਤਾਉਂਦੇ ਹੋਏ ਨੰਦਿਤਾ ਨੇ ਇਕ ਸ਼ਿਕਾਇਤ ਦਰਜ ਕਰਵਾਈ ਹੈ। 'ਤੇਰੀ ਅੰਮ੍ਰਿਤਾ' ਨੂੰ ਦਿਵਿਆ ਓਮਪੁਰੀ ਨਾਲ ਕਰ ਚੁੱਕੀ ਹੈ। ਹੁਣ ਉਹ ਇਸ ਨੂੰ ਜਾਰੀ ਰੱਖਣਾ ਚਾਹੁੰਦੀ ਹੈ। ਇਸ ਪੰਜਾਬੀ ਪਲੇਅ ਦਾ ਪਹਿਲਾਂ ਅਡੈਪਟੇਡ ਪ੍ਰੀਮੀਅਰ ਸਾਲ 1992 'ਚ ਹੋਇਆ ਸੀ।
ਇਸ ਦਾ ਮੰਚਨ 20 ਸਾਲ ਤੋਂ ਹੋ ਰਿਹਾ ਹੈ। ਸ਼ਬਾਨਾ ਆਜ਼ਮੀ ਅਤੇ ਫਾਰੂਖ ਸ਼ੇਖ ਵੀ ਇਸ ਨੂੰ ਕਰ ਚੁੱਕੇ ਹਨ। ਹੁਣ ਦੇਖਣਾ ਇਹ ਹੈ ਕਿ ਦਿਵਿਆ ਦਾ 9 ਸਤੰਬਰ ਨੂੰ ਹੋਣ ਵਾਲਾ ਪਲੇਅ ਸੰਭਵ ਹੋਵੇਗਾ ਜਾਂ ਫਿਰ ਇਹ ਕਾਨੂੰਨੀ ਮਾਮਲੇ 'ਚ ਫਸ ਜਾਵੇਗਾ।
ਦਰਅਸਲ ਨੰਦਿਤਾ ਅਤੇ ਦਿਵਿਆ ਕਾਪੀਰਾਈਟ ਨਾਲ ਜੁੜੀਆਂ ਕੁਝ ਗੱਲਾਂ 'ਤੇ ਵੱਖਰੀ-ਵੱਖਰੀ ਰਾਏ ਹੈ। ਓਮਪੁਰੀ ਦੇ ਪਰਿਵਾਰ ਨੇ ਇਸ 'ਤੇ ਇਤਰਾਜ ਜਤਾਇਆ ਹੈ। ਦੱਸ ਦੇਈਏ ਕਿ ਓਮਪੁਰੀ ਦਾ ਪਿਛਲੇ ਸਾਲ ਜਨਵਰੀ 'ਚ ਦਿਹਾਂਤ ਹੋ ਗਿਆ ਸੀ।
