ਮੁੰਬਈ— ਟੀ. ਵੀ. ਦਾ ਸਟਾਰ ਕੱਪਲ ਦਿਵਿਆਂਕਾ ਤ੍ਰਿਪਾਠੀ ਤੇ ਵਿਵੇਕ ਦਹੀਆ ਛੁੱਟੀਆਂ ਮਨਾ ਕੇ ਵਾਪਸ ਆ ਗਏ ਹਨ। ਦਿਵਿਆਂਕਾ ਤੇ ਵਿਵੇਕ ਆਪਣੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਮਨਾਉਣ ਯੂਰਪ ਪਹੁੰਚੇ ਸਨ। ਦੱਸਣਯੋਗ ਹੈ ਕਿ ਛੁੱਟੀਆਂ ਮਨਾ ਕੇ ਵਾਪਸ ਆਉਣ ਤੋਂ ਬਾਅਦ ਵੀ ਦਿਵਿਆਂਕਾ ਯੂਰਪ 'ਚ ਬਤੀਤ ਕੀਤੀ ਮਸਤੀ ਨੂੰ ਭੁੱਲ ਨਹੀਂ ਪਾ ਰਹੀ। ਦਿਵਿਆਂਕਾ ਨੇ ਇੰਸਟਾਗ੍ਰਾਮ 'ਤੇ ਆਪਣੀਆਂ ਛੁੱਟੀਆਂ ਮਨਾਉਣ ਵੇਲੇ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਉਸ ਨੇ ਇਹ ਵੀ ਲਿਖਿਆ, 'ਵਾਪਸ ਆ ਗਈ ਹਾਂ ਪਰ ਅਜੇ ਵੀ ਉਥੋਂ ਦੀਆਂ ਯਾਦਾਂ 'ਚ ਗੁਆਚੀ ਹਾਂ।' ਦੱਸਣਯੋਗ ਹੈ ਕਿ ਹਾਲ ਹੀ 'ਚ 'ਨੱਚ ਬੱਲੀਏ 8' ਦਾ ਖਿਤਾਬ ਜਿੱਤਣ ਵਾਲੇ ਦਿਵਿਆਂਕਾ ਤੇ ਵਿਵੇਕ ਆਪਣੇ ਵਿਆਹ ਦੀ ਵਰ੍ਹੇਗੰਢ ਮਨਾਉਣ ਲਈ ਯੂਰਪ ਪਹੁੰਚੇ ਸਨ। ਯੂਰਪ 'ਚ ਆਪਣੀ ਮਸਤੀ ਦੀਆਂ ਤਸਵੀਰਾਂ ਨੂੰ ਦਿਵਿਆਂਕਾ ਤੇ ਵਿਵੇਕ ਦੋਵਾਂ ਨੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ। ਦਿਵਿਆਂਕਾ ਤੇ ਵਿਵੇਕ ਦੀ ਮੁਲਾਕਾਤ ਸਟਾਰ ਪਲੱਸ ਦੇ ਮਸ਼ਹੂਰ ਸ਼ੋਅ 'ਯੇ ਹੈ ਮੁਹੱਬਤੇਂ' ਦੇ ਸੈੱਟ 'ਤੇ ਹੋਈ ਸੀ। ਦਿਵਿਆਂਕਾ ਤੇ ਵਿਵੇਕ ਟੀ. ਵੀ. ਦੇ ਸਟਾਰ ਕੱਪਲ ਹਨ ਤੇ ਸੋਸ਼ਲ ਮੀਡੀਆ 'ਤੇ ਦੋਵਾਂ ਦੀ ਵੱਡੀ ਫੈਨ ਫਾਲੋਇੰਗ ਹੈ।