ਜਲੰਧਰ— ਪੰਜਾਬੀ ਗਾਇਕ ਤੇ ਮਿਊਜ਼ਿਕ ਪ੍ਰੋਡਿਊਸਰ ਡਾ. ਜ਼ਿਊਸ ਆਪਣੇ ਨਵੇਂ ਸਿੰਗਲ ਟਰੈਕ ਨਾਲ ਦਰਸ਼ਕਾਂ ਦੀ ਕਚਿਹਰੀ 'ਚ ਹਾਜਰ ਹੋਏ ਹਨ। ਟੀ-ਸੀਰੀਜ਼ ਵਲੋਂ ਜਾਰੀ ਕੀਤੇ ਗਏ ਗੀਤ ਦਾ ਨਾਂ 'Yalla Yalla' ਹੈ। ਇਸ ਗੀਤ 'ਚ ਮਿਰਾਯਾ ਨੇ ਵੀ ਆਵਾਜ਼ ਦਾ ਜਾਦੂ ਬਿਖੇਰਿਆ ਹੈ।
'Yalla Yalla' ਗੀਤ ਪੂਰੀ ਤਰ੍ਹਾਂ ਪੰਜਾਬੀ ਗੀਤ ਹੈ, ਜੋ ਨੂਰਾ ਫਤੇਹੀ 'ਤੇ ਫਿਲਮਾਇਆ ਗਿਆ ਹੈ। ਨੂਰਾ ਫਤੇਹੀ ਮੋਰਕਨ-ਕਨੇਡੀਅਨ ਮੂਲ ਦੀ ਮਾਡਲ ਹੈ। ਉਸ ਦਾ ਭਾਰਤ ਨਾਲ ਵੀ ਸੰਬੰਧ ਹੈ। ਉਹ ਕਈ ਬਾਲੀਵੁੱਡ ਫਿਲਮਾਂ 'ਚ ਵੀ ਆਈਟਮ ਡਾਂਸ ਕਰਦੀ ਨਜ਼ਰ ਆ ਚੁੱਕੀ ਹੈ। ਇਸ ਗੀਤ 'ਚ ਡਾ. ਜ਼ਿਊਸ ਨੇ ਆਪਣਾ ਰੈਪ ਵੀ ਦਿੱਤਾ ਹੈ।
ਦੱਸਣਯੋਗ ਹੈ ਕਿ ਇਸ ਗੀਤ ਦੇ ਬੋਲ ਮਾਰਸ਼ਲ ਸਹਿਗਲ ਤੇ ਮਹੁਮੰਦ ਅਲਵਧ ਨੇ ਲਿਖੇ ਹਨ। ਉਂਝ ਤਾਂ ਡਾ. ਜ਼ਿਊਸ ਇਸ ਸਾਲ ਕਾਫੀ ਸਰਗਰਮ ਰਹੇ ਹਨ। ਇਸ ਸਾਲ ਉਨ੍ਹਾਂ ਦੇ ਹੁਣ ਤੱਕ ਦਰਜਨਾਂ ਤੋਂ ਵੱਧ ਸਿੰਗਲ ਟਰੈਕ ਰਿਲੀਜ਼ ਹੋਏ ਹਨ।