ਨਵੀਂ ਦਿੱਲੀ (ਬਿਊਰੋ) — ਟੀ. ਵੀ. ਅਦਾਕਾਰਾ ਚਾਹਤ ਖੰਨਾ ਲਈ ਹੋਲੀ ਦਾ ਦਿਨ ਕਾਫੀ ਭਿਆਨਕ ਰਿਹਾ। ਹੋਲੀ ਲਈ ਉਸ ਦੇ ਬੁਰੇ ਐਕਸਪੀਰਿਅੰਸ ਲੈ ਕੇ ਆਈ। ਖਬਰਾਂ ਮੁਤਾਬਕ, ਉਨ੍ਹਾਂ ਦੀ ਕਾਰ 'ਤੇ 10-15 ਸ਼ਰਾਬੀਆਂ ਨੇ ਮਿਲ ਕੇ ਹਮਲਾ ਕਰ ਦਿੱਤਾ। ਇਹ ਘਟਨਾ ਮਲਾਡ ਦੇ ਕੋਲ ਸ਼ਾਮ 7 ਵਜੇ ਦੇ ਕਰੀਬ ਹੋਈ। ਸ਼ਰਾਬੀਆਂ ਨੇ ਡਰਾਈਵਰ ਨੂੰ ਵੀ ਮਾਰਿਆ ਅਤੇ ਸਕ੍ਰੀਨ ਸ਼ੀਲਡ ਵੀ ਤੋੜ ਦਿੱਤਾ।
ਚਾਹਤ ਖੰਨਾ ਨੇ ਤੁਰੰਤ ਪੁਲਸ ਨੂੰ ਫੋਨ ਕੀਤੀ, ਕਿਉਂਕਿ ਉਸ ਸਮੇਂ ਉਸ ਨੂੰ ਬਚਾਉਣ ਲਈ ਕੋਈ ਨਹੀਂ ਆਇਆ। ਕਿਸੇ ਨੇ ਉਸ ਦੀ ਮਦਦ ਨਹੀਂ ਕੀਤੀ। ਇਸ ਤੋਂ ਬਾਅਦ ਅਦਾਕਾਰਾ ਡਰਾਈਵਰ ਨੂੰ ਬਚਾਉਣ ਲਈ ਸ਼ਰਾਬੀਆਂ ਨਾਲ ਲੜ ਪਈ। ਉਸ ਨੇ ਸ਼ਰਾਬੀਆਂ ਨੂੰ ਚੱਪਲਾਂ ਨਾਲ ਮਾਰਨਾ ਸ਼ੁਰੂ ਕਰ ਦਿੱਤਾ।
ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਕੁਝ ਸਮੇਂ ਪਹਿਲਾ ਹੀ ਚਾਹਤ ਖੰਨਾ ਦੀ ਮਾਂ ਦਾ ਦਿਹਾਂਤ ਹੋਇਆ ਸੀ। ਚਾਹਤ ਖੰਨਾ ਨੇ ਮਾਂ ਲਈ ਸੋਸ਼ਲ ਮੀਡੀਆ 'ਤੇ ਭਾਵੁਕ ਪੋਸਟ ਵੀ ਲਿਖੀ। ਉਥੇ ਹੀ ਚਾਹਤ ਖੰਨਾ ਸਾਲ 2018 'ਚ ਪਤੀ ਫਰਹਾਨ ਮਿਰਜਾ ਤੋਂ ਵੱਖ ਹੋ ਗਈ ਸੀ। ਉਸ ਨੇ ਫਰਹਾਨ ਤੋਂ ਤਲਾਕ ਲੈ ਲਿਆ। ਉਸ ਨੇ ਪਤੀ ਫਰਹਾਨ 'ਤੇ ਸਰੀਰਕ ਤੇ ਮਾਨਸਿਕ ਸ਼ੋਸ਼ਣ ਕਰਨ ਦੇ ਗੰਭੀਰ ਦੋਸ਼ ਲਾਏ ਸਨ।