ਮੁੰਬਈ(ਬਿਊਰੋ)— ਪ੍ਰੋਡਿਊਸਰ ਏਕਤਾ ਕਪੂਰ ਦੀ ਗਿਣਤੀ ਫਿਲਮ ਇੰਡਸਟਰੀ ਦੇ ਟੌਪ ਨਿਰਮਾਤਾਵਾਂ 'ਚ ਹੁੰਦੀ ਹੈ। ਟੀ. ਵੀ. ਸ਼ੋਅਜ਼ ਦੇ ਨਾਲ-ਨਾਲ ਉਨ੍ਹਾਂ ਨੇ ਬਾਲੀਵੁੱਡ ਦੀਆਂ ਕਈ ਫਿਲਮਾਂ ਵੀ ਪ੍ਰੋਡਿਊਸ ਕੀਤੀਆਂ ਹਨ। ਏਕਤਾ 42 ਸਾਲ ਦੀ ਹੈ ਪਰ ਹੁਣ ਤੱਕ ਉਨ੍ਹਾਂ ਨੇ ਵਿਆਹ ਨਹੀਂ ਕੀਤਾ। ਹਾਲਾਂਕਿ, ਸਾਲ 2018 ਉਨ੍ਹਾਂ ਦੇ ਲਈ ਲੱਕੀ ਸਾਬਿਤ ਹੋਣ ਵਾਲਾ ਹੈ ਕਿਉਂਕਿ ਉਨ੍ਹਾਂ ਨੂੰ ਆਪਣਾ ਵੈਲੇਂਟਾਇਨ ਮਿਲ ਚੁੱਕਿਆ ਹੈ। ਏਕਤਾ ਨੇ ਇੰਸਟਾਗਰਾਮ 'ਤੇ ਆਪਣੇ ਵੈਲੇਂਟਾਇਨ ਦੀ ਤਸਵੀਰ ਸਾਂਝੀ ਕੀਤੀ ਹੈ, ਜੋ ਆਪਣੇ ਹੱਥਾਂ 'ਚ ਫੁੱਲ ਲੈ ਕੇ ਨਜ਼ਰ ਆ ਰਿਹਾ ਹੈ। ਇਹ ਕੋਈ ਹੋਰ ਨਹੀਂ ਸਗੋਂ ਏਕਤਾ ਕਪੂਰ ਦੇ ਭਤੀਜੇ ਲਕਸ਼ਯ ਕਪੂਰ ਹਨ। ਡੇਢ ਸਾਲ ਦੇ ਹੋ ਚੁੱਕੇ ਲਕਸ਼ਯ ਨੂੰ ਏਕਤਾ ਆਪਣਾ ਵੈਲੇਂਟਾਇਨ ਦੱਸ ਰਹੀ ਹੈ। ਦੱਸ ਦਈਏ ਕਿ ਲਕਸ਼ਯ ਅਭਿਨੇਤਾ ਤੁਸ਼ਾਰ ਕਪੂਰ ਦਾ ਬੇਟਾ ਹੈ, ਜਿਸ ਦਾ ਜਨਮ ਜੂਨ 2016 ਨੂੰ ਸਰੋਗੇਸੀ ਰਾਹੀ ਹੋਇਆ ਸੀ। ਏਕਤਾ ਅਕਸਰ ਇੰਸਟਾਗ੍ਰਾਮ 'ਤੇ ਲਕਸ਼ੈ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੀ ਰਹਿੰਦੀ ਹੈ।