ਮੁੰਬਈ(ਬਿਊਰੋ)- ਮਸ਼ਹੂਰ ਨਿਰਦੇਸ਼ਕ ਏਕਤਾ ਕਪੂਰ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਆਪਣੇ ਸੀਰੀਅਲਜ਼ ਦੀ ਪ੍ਰਮੋਸ਼ਨ ਤੋਂ ਲੈ ਕੇ ਆਪਣੇ ਬੱਚਿਆਂ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਤੱਕ ਏਕਤਾ ਇੰਸਟਾਗ੍ਰਾਮ 'ਤੇ ਕਾਫੀ ਕੁਝ ਸ਼ੇਅਰ ਕਰਦੀ ਰਹਿੰਦੀ ਹੈ। ਹਾਲ ਹੀ ਵਿਚ ਏਕਤਾ ਨੇ ਆਪਣੇ ਬੇਟੇ ਦੀ ਇਕ ਪਿਆਰੀ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿਚ ਉਹ ਰਵੀ ਦੇ ਵਾਲਾਂ ਪ੍ਰਤੀ ਆਪਣੀ ਚਿੰਤਾ ਜ਼ਾਹਰ ਕਰਦੀ ਦਿਖਾਈ ਦੇ ਰਹੀ ਹੈ ਪਰ ਇਕ ਮਜ਼ਾਕੀਆ ਅੰਦਾਜ਼ ਵਿਚ। ਹਾਲਾਂਕਿ ਇਸ ਵੀਡੀਓ ਵਿਚ ਸਿਰਫ ਰਵੀ ਅਤੇ ਉਸ ਦੀ ਆਯਾ ਹੀ ਦਿਖਾਈ ਦੇ ਰਹੀ ਹੈ ਅਤੇ ਏਕਤਾ ਕਪੂਰ ਦੀ ਸਿਰਫ ਆਵਾਜ਼ ਹੀ ਸੁਣਾਈ ਦਿੰਦੀ ਹੈ। ਇਸ ਵੀਡੀਓ ਵਿਚ ਰਵੀ ਦੇ ਵਾਲ ਬਹੁਤ ਵੱਡੇ ਦਿਖਾਈ ਦੇ ਰਹੇ ਹਨ, ਇਸ ਕਾਰਨ ਏਕਤਾ ਨੇ ਬੇਟੇ ਦੇ ਵਾਲਾਂ ਦੀ ਤੁਲਨਾ ਸਲਮਾਨ ਖਾਨ ਦੀ ਫਿਲਮ 'ਰਾਧੇ' ਵਾਲੇ ਲੁੱਕ ਨਾਲ ਕੀਤੀ ਹੈ।
ਵੀਡੀਓ 'ਚ ਏਕਤਾ ਇਸੇ ਫਿਲਮ ਦਾ ਗੀਤ 'ਤੇਰੇ ਨਾਮ ਹਮ ਨੇ ਕੀਆ ਹੈ ਜੀਵਨ ਅਪਣਾ ਸਾਰ ਸਨਮ' ਗਾ ਰਹੀ ਹੈ। ਇਸ ਦੇ ਨਾਲ ਹੀ ਏਕਤਾ ਨੇ ਵੀਡੀਓ ਸ਼ੇਅਰ ਕਰਦਿਆਂ ਆਪਣੇ ਗੀਤ ਨੂੰ ਬੁਰਾ ਦੱਸਿਆ ਹੈ। ਏਕਤਾ ਨੇ ਲਿਖਿਆ, Lockdown hair...is long ! Mummy sings so bad #wattodowiththismother'। ਏਕਤਾ ਦੀ ਵੀਡੀਓ 'ਤੇ ਲੋਕ ਕੁਮੈਂਟ ਕਰ ਰਹੇ ਹਨ ਅਤੇ ਰਵੀ ਨੂੰ ਬਹੁਤ ਪਿਆਰ ਦੇ ਰਹੇ ਹਨ।