ਜਲੰਧਰ(ਬਿਊਰੋ)— ਬਾਲੀਵੁੱਡ ਦੇ ਸੀਰੀਅਲ ਕਿੱਸਰ ਇਮਰਾਨ ਹਾਸ਼ਮੀ ਅੱਜ ਆਪਣਾ 40ਵਾਂ ਜਨਮਦਿਨ ਮਨਾ ਰਹੇ ਹਨ। ਬਾਲੀਵੁੱਡ 'ਚ ਅਦਾਕਾਰ ਨੇ 2003 'ਚ 'ਫੁੱਟਪਾਥ' ਫਿਲਮ ਤੋਂ ਡੈਬਿਊ ਕੀਤਾ ਸੀ। ਜਿਸ 'ਚ ਇਨ੍ਹਾਂ ਦੇ ਆਓਜਿਟ ਬਿਪਾਸ਼ਾ ਬਾਸੂ ਨੇ ਅਦਾਕਾਰੀ ਕੀਤੀ ਸੀ। ਉੱਥੇ ਹੀ ਉਨ੍ਹਾਂ ਦੀ ਨਿੱਜ਼ੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਅਦਾਕਾਰ ਫੈਮਿਲੀਮੈਨ ਹਨ। ਫਿਲਮ ਜਗਤ 'ਚ ਕਦਮ ਰੱਖਣ ਤੋਂ ਪਹਿਲਾਂ ਹੀ ਉਹ ਜਿਨ੍ਹਾਂ ਦੇ ਪਿਆਰ 'ਚ ਸਨ ਉਹੀ ਬਾਅਦ 'ਚ ਉਨ੍ਹਾਂ ਦੀ ਪਤਨੀ ਬਣੀ। ਫਿਲਮ 'ਫੁੱਟਪਾਥ' ਤੋਂ ਪਹਿਲਾਂ ਹੀ ਉਹ ਇਕ ਕੁੜੀ ਦੇ ਪਿਆਰ 'ਚ ਪਏ ਸਨ ਜਿਸ ਦਾ ਨਾਮ ਪਰਵੀਨ ਸੀ। ਉਸ ਸਮੇਂ ਪਰਵੀਨ ਇਕ ਸਕੂਲ 'ਚ ਅਧਿਆਪਕ ਹੋਇਆ ਕਰਦੀ ਸੀ। ਦੋਵਾਂ ਨੇ 12 ਦਸੰਬਰ, 2006 ਨੂੰ ਵਿਆਹ ਕਰਵਾ ਲਿਆ। ਰਿਪੋਰਟ ਮੁਤਾਬਕ ਇਮਰਾਨ ਨੇ ਇਕ ਇੰਟਰਵਿਊ 'ਚ ਦੱਸਿਆ ਸੀ ਕਿ ਉਹ ਕਦੇ ਨਹੀਂ ਚਾਹੁਣਗੇ ਕਿ ਕਿਸਿੰਗ ਸੀਨ ਕਰਦੇ ਹੋਏ ਉਨ੍ਹਾਂ ਦੀ ਪਤਨੀ ਉੱਥੇ ਮੌਜੂਦ ਹੋਵੇ। ਅਦਾਕਾਰ ਨੇ ਕਿਹਾ ਉਹ ਸਮਾਂ ਉਨ੍ਹਾਂ ਲਈ ਅਜੀਬ ਹੋ ਜਾਵੇਗਾ। ਹਾਲਾਂਕਿ 2010 'ਚ ਕਪਲ ਦਾ ਇਕ ਪੁੱਤਰ ਹੋਇਆ ਜਿਸ ਦਾ ਨਾਮ ਅਯਾਨ ਹੈ। ਅਯਾਨ ਹਾਲ ਹੀ 'ਚ ਪੂਰੀ ਤਰ੍ਹਾਂ ਨਾਲ ਕੈਂਸਰ ਫਰੀ ਹੋਏ ਹਨ। ਜਿਸ ਦੀ ਜਾਣਕਾਰੀ ਖੁਦ ਅਦਾਕਾਰ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਦਿੱਤੀ ਸੀ। ਇਮਰਾਨ ਹਾਸ਼ਮੀ ਨੇ ਲਗਭਗ ਆਪਣੀ ਹਰ ਫਿਲਮ 'ਚ ਜ਼ਬਰਦਸਤ ਐਕਟਿੰਗ ਕੀਤੀ ਹੈ। ਉੱਥੇ ਹੀ ਪਰਦੇ 'ਤੇ ਬੋਲਡ ਰੋਲ ਕਰਨ ਵਾਲੇ ਇਹ ਅਦਾਕਾਰ ਅਸਲ ਜ਼ਿੰਦਗੀ 'ਚ ਥੋੜੇ ਸ਼ਰਮੀਲੇ ਹਨ। ਦਰਅਸਲ ਫਿਲਮ ਜਗਤ 'ਚ ਆਉਣ ਤੋਂ ਬਾਅਦ ਲਗਭਗ ਹਰ ਦੂਜੀ ਫਿਲਮ 'ਚ ਉਨ੍ਹਾਂ ਨੇ ਅਦਾਕਾਰਾਂ ਦੇ ਨਾਲ ਇੰਟੀਮੇਟ ਸੀਨ ਦਿੱਤੇ ਪਰ ਅੱਜ ਤੱਕ ਉਨ੍ਹਾਂ ਦਾ ਨਾਮ ਕਿਸੇ ਨਾਲ ਅਫੇਅਰ 'ਚ ਸਾਹਮਣੇ ਨਹੀਂ ਆਇਆ। ਇਸ ਗੱਲ ਤੋਂ ਇਹੀ ਪਤਾ ਲੱਗਦਾ ਹੈ ਕਿ ਅਦਾਕਾਰ ਇਕ ਪ੍ਰਫੈਕਟ ਫੈਮਿਲੀਮੈਨ ਹਨ। ਦੱਸ ਦੇਈਏ ਕਿ ਜਿੱਥੇ ਇਕ ਪਾਸੇ ਬਾਕੀ ਦੇ ਸਿਤਾਰੇ ਕਦੇ ਵਿਆਹ ਤਾਂ ਕਦੇ ਹਨੀਮੂਨ ਦੀਆਂ ਖਬਰਾਂ ਕਾਰਨ ਕਰਕੇ ਚਰਚਾ 'ਚ ਰਹਿੰਦੇ ਹਨ। ਉੱਥੇ ਹੀ ਇਮਰਾਨ ਆਪਣੀ ਲਾਈਫ ਬਾਰੇ 'ਚ ਪਬਲਿਕ 'ਚ ਕਦੇ ਡਿਸਕਸ ਨਹੀਂ ਕਰਨਾ ਚਾਹੁੰਦੇ। ਇਸ ਲਈ ਉਹ ਬਹੁਤ ਘੱਟ ਹੀ ਪਰਿਵਾਰ ਨਾਲ ਜਾਂ ਪਤਨੀ ਨਾਲ ਕਿਤੇ ਬਾਹਰ ਸਪਾਟ ਹੁੰਦੇ ਹਨ। ਆਪਣੇ ਕਰੀਅਰ ਦੇ ਸ਼ੁਰੂਆਤੀ ਦੌਰ 'ਚ ਇਮਰਾਨ ਹਾਸ਼ਮੀ ਨੇ ਬਹੁਤ ਵਾਹਵਾਹੀ ਖੱਟੀ ਪਰ ਸ਼ਾਇਦ ਕਿਸਮਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ। ਸਾਲ 2010 'ਚ ਅਦਾਕਾਰ ਦੇ ਘਰ ਇਕ ਛੋਟੇ ਮਹਿਮਾਨ ਅਯਾਨ ਨੇ ਜਨਮ ਲਿਆ ਅਤੇ ਇਸ ਤੋਂ ਬਾਅਦ 2014 'ਚ ਸਿਰਫ ਚਾਰ ਸਾਲ ਦੀ ਉਮਰ 'ਚ ਉਸ ਨੂੰ ਕੈਂਸਰ ਹੋਣ ਦੀ ਗੱਲ ਪਤਾ ਲੱਗੀ। ਉਸ ਦੇ ਟਰੀਟਮੈਂਟ ਦੇ ਚਲਦੇ ਅਦਾਕਾਰ ਆਪਣੇ ਫਿਲਮੀ ਕਰੀਅਰ 'ਤੇ ਧਿਆਨ ਨਹੀਂ ਦੇ ਪਾਏ ਅਤੇ ਇਕ ਤੋਂ ਬਾਅਦ ਇਕ ਫਲਾਪ ਫਿਲਮਾਂ ਦੇਣ ਲੱਗੇ। ਉੱਥੇ ਹੀ ਹਾਲ ਹੀ 'ਚ ਜਨਵਰੀ ਦੇ ਮਹੀਨੇ 'ਚ ਅਦਾਕਾਰ ਨੇ ਬੇਟੇ ਦੇ ਕੈਂਸਰ ਤੋਂ ਪੂਰੀ ਤਰ੍ਹਾਂ ਠੀਕ ਹੋਣ ਦੀ ਜਾਣਕਾਰੀ ਦਿੱਤੀ।