ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਇਮਰਾਨ ਹਾਸ਼ਮੀ, ਭੱਟ ਪਰਿਵਾਰ ਦੇ ਨਿਰਮਾਤਾਵਾਂ ਦੀ ਪਹਿਲੀ ਪਸੰਦ ਹੈ। ਵਿਕਰਮ ਭੱਟ ਦੇ ਨਿਰਦੇਸ਼ਨ 'ਚ ਸਾਲ 2003 'ਚ 'ਫੁੱਟਪਾਥ' ਨਾਲ ਇਮਰਾਨ ਨੇ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਉਂਝ ਬਾਲੀਵੁੱਡ 'ਚ ਭੱਟ ਪਰਿਵਾਰ ਦਾ ਨਾਂ ਕਾਫੀ ਮਸ਼ਹੂਰ ਰਿਹਾ ਹੈ। ਭੱਟ ਪਰਿਵਾਰ 'ਚ ਕਈ ਅਦਾਕਾਰ, ਨਿਰਦੇਸ਼ਕ ਤੇ ਨਿਰਮਾਤਾ ਹਨ।
ਇਮਰਾਨ ਹਾਸ਼ਮੀ ਦੀ ਐਂਟਰੀ ਸ਼ਾਨਦਾਰ ਰਹੀ ਤੇ ਉਹ ਆਪਣੀ ਇਕ ਖਾਸ ਇਮੇਜ ਲਈ ਜਾਣੇ ਜਾਂਦੇ ਹਨ। ਆਪਣੀ ਐਕਟਿੰਗ ਦੇ ਦਮ 'ਤੇ ਇਮਰਾਨ ਨੇ ਕਈ ਹਿੱਟ ਫਿਲਮਾਂ ਦਿੱਤੀਆਂ ਤੇ ਅੱਜ ਉਨ੍ਹਾਂ ਦੀ ਗਿਣਤੀ ਬਾਲੀਵੁੱਡ ਦੇ ਟਾਪ ਐਕਟਰਜ਼ 'ਚ ਹੁੰਦੀ ਹੈ।
ਨਿਰਦੇਸ਼ਕਾਂ ਨੂੰ ਵੀ ਉਨ੍ਹਾਂ ਨਾਲ ਕੰਮ ਕਰਨਾ ਚੰਗਾ ਲੱਗਦਾ ਹੈ ਪਰ ਇਸ ਗੱਲ ਦੇ ਬਾਰੇ 'ਚ ਘੱਟ ਹੀ ਲੋਕ ਜਾਣਦੇ ਹੋਣਗੇ ਕਿ ਇਮਰਾਨ ਹਾਸ਼ਮੀ ਦੀ ਭੈਣ ਕਈ ਸਾਲਾਂ ਤੋਂ ਬਾਲੀਵੁੱਡ 'ਚ ਕੰਮ ਕਰ ਰਹੀ ਤੇ ਅੱਜ ਉਹ ਇਕ ਮਸ਼ਹੂਰ ਅਦਾਕਾਰਾ ਬਣ ਚੁੱਕੀ ਹੈ।
ਉਹ ਇੰਨੀ ਖੂਬਸੂਰਤ ਹੈ ਕਿ ਤੁਸੀਂ ਉਨ੍ਹਾਂ ਨੂੰ ਪਸੰਦ ਕਰਦੇ ਹੋਵੋਗੇ ਤੇ ਉਨ੍ਹਾਂ ਦੀਆਂ ਫਿਲਮਾਂ ਜ਼ਰੂਰ ਦੇਖੀਆਂ ਹੋਣਗੀਆਂ। ਅਸਲ 'ਚ ਅਸੀਂ ਗੱਲ ਰਹੇ ਹਾਂ ਆਲੀਆ ਭੱਟ ਦੀ, ਜੋ ਇਮਰਾਨ ਵਾਂਗ ਬਿੰਦਾਸ ਤੇ ਬੋਲਡ ਹੈ।
ਆਲੀਆ, ਇਮਰਾਨ ਦੀ ਕਜ਼ਨ ਸਿਸਟਰ ਹੈ। ਅਸਲ 'ਚ ਇਮਰਾਨ ਹਾਸ਼ਮੀ ਦੀ ਦਾਦੀ ਦੀ ਭੈਣ ਦਾ ਨਾਂ ਸ਼ਿਰੀਨ ਮੁਹੰਮਦ ਅਲੀ ਸੀ। ਸ਼ਿਰੀਨ ਮੁਹੰਮਦ ਅਲੀ, ਮਹੇਸ਼ ਭੱਟ ਤੇ ਮੁਕੇਸ਼ ਭੱਟ ਦੀ ਮਾਂ ਸੀ। ਇਸੇ ਰਿਸ਼ਤੇ ਨਾਲ ਇਮਰਾਨ ਤੇ ਆਲੀਆ ਭਰਾ-ਭੈਣ ਹਨ।
