ਮੁੰਬਈ (ਬਿਊਰੋ)— ਏਕਤਾ ਕਪੂਰ ਦੇ ਲੋਕਪ੍ਰਿਯ ਟੀ. ਵੀ. ਸੀਰੀਅਲ 'ਕਸੌਟੀ ਜ਼ਿੰਦਗੀ ਕੀ' ਦੇ ਦੂਜੇ ਸੀਜ਼ਨ ਦੀ ਚਰਚਾ ਪਿਛਲੇ ਕਾਫੀ ਦਿਨਾਂ ਤੋਂ ਚੱਲ ਰਹੀ ਹੈ।
'ਕਸੌਟੀ ਜ਼ਿੰਦਗੀ ਦੇ ਦੂਜੇ ਭਾਗ ਦਾ ਪ੍ਰੋਮੋ ਸੋਸ਼ਲ ਮੀਡੀਆ 'ਤੇ ਪਹਿਲਾਂ ਵੀ ਵਾਇਰਲ ਹੋ ਚੁੱਕਾ ਹੈ।
ਦੱਸ ਦੇਈਏ ਕਿ ਇਹ ਸ਼ੋਅ ਸਟਾਰ ਪਲੱਸ 'ਤੇ 10 ਸਤੰਬਰ ਤੋ ਪ੍ਰਸਾਰਿਤ ਹੋਵੇਗਾ। ਇਹ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 8 ਵਜੇ ਆਵੇਗਾ।
ਸ਼ੋਅ 'ਚ 'ਪ੍ਰੇਰਣਾ' ਦਾ ਕਿਰਦਾਰ ਨਿਭਾਉਣ ਲਈ ਏਰਿਕਾ ਫਰਨਾਂਡੀਜ਼ ਨੂੰ ਪਹਿਲਾਂ ਹੀ ਫਾਈਨਲ ਕਰ ਲਿਆ ਗਿਆ ਹੈ।
ਉੱਥੇ ਦੂਜੇ ਪਾਸੇ ਹੁਣ ਤੱਕ ਅਨੁਰਾਗ ਬਾਸੂ ਦਾ ਕਿਰਦਾਰ ਨਿਭਾਉਣ ਵਾਲੇ ਕਲਾਕਾਰ ਦਾ ਨਾਂ ਲੁਕਾ ਕੇ ਰੱਖਿਆ ਗਿਆ ਸੀ।
ਹੁਣ ਸ਼ੋਅ ਦੀ ਸ਼ੂਟਿੰਗ ਦੀਆਂ ਕੁਝ ਤਸਵੀਰਾਂ ਲੀਕ ਹੋਈਆਂ ਹਨ, ਜਿਨ੍ਹਾਂ ਤੋਂ ਇਹ ਫਾਈਨਲ ਹੋ ਗਿਆ ਹੈ ਕਿ 'ਅਨੁਰਾਗ' ਦਾ ਕਿਰਦਾਰ ਪਾਰਥ ਸਮਥਾਨ ਹੀ ਨਿਭਾਉਣਗੇ।
'ਅਨੁਰਾਗ ਬਾਸੂ' ਦੇ ਕਿਰਦਾਰ ਨੂੰ ਨਿਭਾ ਰਹੇ ਪਾਰਥ ਦੀ ਸ਼ੂਟਿੰਗ ਦੌਰਾਨ ਲਈਆਂ ਗਈਆਂ ਕੁਝ ਤਸਵੀਰਾਂ ਲੀਕ ਹੋ ਗਈਆਂ ਹਨ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
ਇਨ੍ਹਾਂ ਤਸਵੀਰਾਂ 'ਚ ਪਾਰਥ ਰੈੱਡ ਸ਼ਰਟ ਪਹਿਨੇ ਸ਼ੂਟਿੰਗ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ, ਜਿੱਥੇ ਉਹ ਰੇਲਵੇ ਸਟੇਸ਼ਨ 'ਤੇ ਨਜ਼ਰ ਆ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਇਸ ਸ਼ੋਅ 'ਚ 'ਕੋਮੋਲਿਕਾ' ਦਾ ਕਿਰਦਾਰ ਹਿਨਾ ਖਾਨ ਨਿਭਾਉਂਦੀ ਨਜ਼ਰ ਆਵੇਗੀ।