ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਈਸ਼ਾ ਦਿਓਲ ਇਨ੍ਹੀਂ ਦਿਨੀਂ ਆਪਣੀ ਮਾਂ ਹੇਮਾ ਮਾਲਿਨੀ, ਪਤੀ ਭਰਤ ਤਖਤਾਨੀ ਅਤੇ ਬੇਟੀ ਰਾਧਿਆ ਨਾਲ ਨਿਊਯਾਰਕ 'ਚ ਛੁੱਟੀਆਂ ਦਾ ਆਨੰਦ ਮਨਾ ਰਹੀ ਹੈ। ਹਾਲ ਹੀ 'ਚ ਉਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਸ ਟ੍ਰਿਪ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ 'ਚ ਈਸ਼ਾ ਆਪਣੇ ਪਤੀ ਭਰਤ ਅਤੇ ਬੇਟੀ ਰਾਧਿਆ ਨਾਲ ਨਜ਼ਰ ਆ ਰਹੀ ਹੈ। ਉੱਥੇ ਹੀ ਨਵੀਆਂ ਤਸਵੀਰਾਂ 'ਚ ਈਸ਼ਾ ਪਹਿਲਾਂ ਨਾਲੋਂ ਕਾਫੀ ਫਿੱਟ ਨਜ਼ਰ ਆ ਰਹੀ ਹੈ। ਪ੍ਰੈਗਨੈਂਸੀ ਤੋਂ ਬਾਅਦ ਵੱਧੇ ਭਾਰ ਨੂੰ ਘੱਟ ਕਰ ਚੁੱਕੀ ਈਸ਼ਾ ਪਹਿਲੇ ਦੀ ਤਰ੍ਹਾਂ ਕਾਫੀ ਸਲਿਮ ਲੱਗ ਰਹੀ ਹੈ।
ਉੱਥੇ ਹੀ ਈਸ਼ਾ ਨੇ ਆਪਣੇ ਚਚੇਰਾ ਭਰਾ ਅਭੈ ਦਿਓਲ ਨਾਲ ਲੰਚ ਕਰਦਿਆਂ ਦੀ ਤਸਵੀਰ ਸ਼ੇਅਰ ਕੀਤੀ ਹੈ। ਈਸ਼ਾ ਅਤੇ ਅਭੈ ਨੂੰ ਬਹੁਤ ਘੱਟ ਮੌਕਿਆਂ 'ਤੇ ਇਕੱਠੇ ਦੇਖਿਆ ਗਿਆ।
ਦੱਸਣਯੋਗ ਹੈ ਕਿ ਈਸ਼ਾ ਹਿੰਦੀ ਸ਼ਾਰਟ ਫਿਲਮ 'ਕੇਕਵਾਕ' ਨਾਲ ਫਿਲਮੀ ਦੁਨੀਆ 'ਚ ਵਾਪਸੀ ਕਰ ਰਹੀ ਹੈ। ਰਾਜ ਕਮਲ ਮੁਖਰਜੀ ਇਸ ਫਿਲਮ ਦਾ ਨਿਰਦੇਸ਼ਨ ਕਰ ਰਹੇ ਹਨ।
