ਮੁੰਬਈ— ਕੁਝ ਦਿਨ ਪਹਿਲਾਂ ਈਸ਼ਾ ਦਿਓਲ ਦੀ ਗੋਦ ਭਰਾਈ ਦੀ ਰਸਮ 'ਚ ਉਸ ਦੀ ਬੈਸਟ ਫਰੈਂਡ ਚੀਨੂ ਨੂੰ ਦੇਖਿਆ ਗਿਆ ਸੀ। ਇਸ ਵਾਰ ਚੀਨੂ ਦੀ ਗੋਦ ਭਰਾਈ ਦੀ ਰਸਮ 'ਚ ਈਸ਼ਾ ਨੂੰ ਉਸ ਦੇ ਨਾਲ ਦੇਖਿਆ ਗਿਆ ਹੈ। ਈਸ਼ਾ ਦੇ ਪਤੀ ਭਰਤ ਤਖਤਾਨੀ ਵੀ ਇਸ ਸਮਾਰੋਹ 'ਚ ਮੌਜੂਦ ਸਨ। ਈਸ਼ਾ ਨੇ ਸੋਸ਼ਲ ਮੀਡੀਆ 'ਤੇ ਸਮਾਰੋਹ ਦੀਆਂ ਕੁਝ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ ਨਾਲ ਈਸ਼ਾ ਨੇ ਲਿਖਿਆ, 'ਮੇਰੀ ਬੈਸਟ ਫਰੈਂਡ ਚੀਨੂ ਦਾ ਹੈਪੀ ਬੇਬੀ ਸ਼ਾਵਰ। ਖੂਬਸੂਰਤ ਰਾਤ, ਬਿਹਤਰੀਨ ਲੋਕ।' ਦੱਸਣਯੋਗ ਹੈ ਕਿ ਚੀਨੂ ਨੇ ਵੀ ਸਮਾਰੋਹ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ ਨਾਲ ਚੀਨੂ ਨੇ ਲਿਖਿਆ, 'ਦੋਸਤਾਂ ਤੋਂ ਮਿਲ ਰਹੀ ਸੁਪੋਰਟ ਤੋਂ ਬੇਹੱਦ ਖੁਸ਼ ਹਾਂ। ਸਭ ਤੋਂ ਬਿਹਤਰੀਨ ਬੇਬੀ ਸ਼ਾਵਰ। ਧੰਨਵਾਦ ਦੋਸਤੋਂ ਇਸ ਸਮਾਰੋਹ 'ਚ ਆਉਣ ਲਈ ਤੇ ਸਾਨੂੰ ਸੁਪੋਰਟ ਕਰਨ ਲਈ।' ਦੱਸਣਯੋਗ ਹੈ ਕਿ ਈਸ਼ਾ ਦਿਓਲ ਤੇ ਉਸ ਦੀ ਬੈਸਟ ਫਰੈਂਡ ਚੀਨੂ ਪ੍ਰੈਗਨੈਂਟ ਹੈ। ਦੋਵੇਂ ਸਮੇਂ-ਸਮੇਂ 'ਤੇ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ।