ਮੁੰਬਈ— ਬਾਲੀਵੁੱਡ ਅਭਿਨੇਤਰੀ ਈਸ਼ਾ ਦਿਓਲ ਛੇਤੀ ਹੀ ਮਾਂ ਬਣਨ ਵਾਲੀ ਹੈ। ਕੁਝ ਦਿਨ ਪਹਿਲਾਂ ਮੁੰਬਈ 'ਚ ਉਸ ਦੀ ਗੋਦ ਭਰਾਈ ਦੀ ਰਸਮ ਹੋਈ ਸੀ, ਜਿਸ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਸਨ। ਕੱਲ ਈਸ਼ਾ ਦੀ ਭੈਣ ਅਹਾਨਾ ਦਿਓਲ ਨੇ ਵੀ ਉਸ ਲਈ ਇਕ ਸਰਪ੍ਰਾਈਜ਼ ਗੋਦ ਭਰਾਈ ਪਾਰਟੀ ਰੱਖੀ। ਅਹਾਨਾ ਨੇ ਇਸ ਬਾਰੇ ਦੱਸਿਆ ਕਿ ਉਸ ਨੇ ਇਸ ਸਰਪ੍ਰਾਈਜ਼ ਪਾਰਟੀ ਲਈ ਈਸ਼ਾ ਦੇ ਪਤੀ ਭਰਤ ਦਾ ਸਹਿਯੋਗ ਮਿਲਿਆ। ਈਸ਼ਾ ਲਈ ਉਸ ਦੇ ਮਨਪਸੰਦ ਰੰਗ ਦਾ ਗਾਊਨ ਮੰਗਵਾਇਆ ਗਿਆ ਸੀ। ਗਾਊਨ ਨੂੰ ਡਿਜ਼ਾਈਨਰ ਰਾਕੀ ਐੱਸ. ਨੇ ਡਿਜ਼ਾਈਨ ਕੀਤਾ ਸੀ। ਇਸ ਗਾਊਨ 'ਚ ਈਸ਼ਾ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਅਹਾਨਾ ਨੇ ਦੱਸਿਆ ਕਿ ਜਦੋਂ ਉਹ ਗਰਭਵਤੀ ਸੀ ਤਾਂ ਈਸ਼ਾ ਨੇ ਵੀ ਉਸ ਲਈ ਇਕ ਸਰਪ੍ਰਾਈਜ਼ ਪਾਰਟੀ ਰੱਖੀ ਸੀ।