ਮੁੰਬਈ(ਬਿਊਰੋ)— ਫਿਲਮਮੇਕਰ ਇੰਦਰ ਕੁਮਾਰ ਦੀ ਆਉਣ ਵਾਲੀ ਫਿਲਮ 'ਟੋਟਲ ਧਮਾਲ' 'ਚ ਸਟਾਰਸ ਦੀ ਗਣਿਤੀ ਵਧਦੀ ਹੀ ਜਾ ਰਹੀ ਹੈ। ਜੀ ਹਾਂ, ਫਿਲਮ ਪਹਿਲਾਂ ਹੀ ਮਲਟੀ ਸਟਾਰਰ ਹੈ, ਅਜਿਹੇ 'ਚ ਹੁਣ ਇਸ 'ਚ ਇਕ ਹੋਰ ਅਦਾਕਾਰਾ ਦੀ ਐਂਟਰੀ ਹੋ ਰਹੀ ਹੈ, ਜਿਸ ਦਾ ਨਾਂ ਈਸ਼ਾ ਗੁਪਤਾ ਹੈ। ਖਬਰਾਂ ਮੁਤਾਬਕ ਇਸ ਫਿਲਮ 'ਚ ਗਲੈਮਰਸ ਅਦਾਕਾਰਾ ਈਸ਼ਾ ਗੁਪਤਾ ਵੀ ਮੁੱਖ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ਜਦੋਂ ਕਿ ਇਸ ਬਾਰੇ ਅਜੇ ਕੋਈ ਆਫਸ਼ੀਅਲ ਅਨਾਉਂਸਮੈਂਟ ਨਹੀਂ ਹੋਈ ਪਰ ਕਿਹਾ ਜਾ ਰਿਹਾ ਹੈ ਕਿ ਇਸ ਦਾ ਐਲਾਨ ਮੇਕਰਸ ਜਲਦੀ ਹੀ ਕਰ ਸਕਦੇ ਹਨ। ਫਿਲਮ 'ਚ ਅਜੇ ਦੇਵਗਨ, ਅਨਲਿ ਕਪੂਰ, ਮਾਧੁਰੀ ਦੀਕਸ਼ਿਤ, ਰਿਤੇਸ਼ ਦੇਸ਼ਮੁੱਖ, ਅਰਸ਼ਦ ਵਾਰਸੀ, ਜਾਵੇਦ ਜਾਫਰੀ ਪਹਿਲਾਂ ਹੀ ਲੀਡ ਕਿਰਦਾਰ ਪਲੇਅ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ਫਿਲਮ 7 ਦਸੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ। ਫਿਲਮ 'ਚ ਉਂਝ ਤਾਂ ਕਾਫੀ ਕੁਝ ਖਾਸ ਹੈ ਪਰ ਇਸ ਵਾਰ ਫਿਲਮ 'ਚ ਖਾਸ ਗੱਲ ਹੈ ਅਨਲਿ ਕਪੂਰ ਤੇ ਮਾਧੁਰੀ ਦੀਕਸ਼ਿਤ ਦੀ ਲੰਬੇ ਸਮੇਂ ਬਾਅਦ ਸਕ੍ਰੀਨ 'ਤੇ ਵਾਪਸੀ। ਫਿਲਮ ਦਾ ਥ੍ਰੀ ਡੀ 'ਚ ਰਿਲੀਜ਼ ਹੋਣਾ ਵੀ ਇਸ ਲਈ ਖਾਸ ਗੱਲ ਹੈ। ਉਮੀਦ ਹੈ ਕਿ ਇੰਦਰ ਕੁਮਾਰ ਦੀ ਟੋਟਲ ਧਮਾਲ ਬਾਕਸ ਆਫਿਸ 'ਤੇ ਧਮਾਲ ਮਚਾਉਣ 'ਚ ਕਾਮਯਾਬ ਰਹੇਗੀ।