ਮੁੰਬਈ (ਬਿਊਰੋ)— ਬੀਤੇ ਦਿਨ ਮੁੰਬਈ 'ਚ ਅਨਿਲ ਕਪੂਰ, ਐਸ਼ਵਰਿਆ ਰਾਏ ਬੱਚਨ ਅਤੇ ਰਾਜਕੁਮਾਰ ਰਾਓ ਸਟਾਰਰ ਫਿਲਮ 'ਫੰਨੇ ਖਾਂ' ਦੀ ਸਪੈਸ਼ਲ ਸਕ੍ਰੀਨਿੰਗ ਦਾ ਆਯੋਜਨ ਕੀਤਾ ਗਿਆ, ਜਿਸ 'ਚ ਫਿਲਮ ਦੀ ਪੂਰੀ ਸਟਾਰ ਕਾਸਟ ਨਜ਼ਰ ਆਈ।
'ਫੰਨੇ ਖਾਂ' 'ਚ 'ਰਾਕਸਟਾਰ' ਦਾ ਕਿਰਦਾਰ ਨਿਭਾ ਰਹੀ ਐਸ਼ਵਰਿਆ ਇਸ ਮੌਕੇ ਬਲੈਕ ਕਲਰ ਦੇ ਲਾਂਗ ਸ਼ਰੱਗ 'ਚ ਨਜ਼ਰ ਆਈ, ਜੋ ਚਰਚਾ 'ਚ ਬਣਿਆ ਰਿਹਾ।
ਬਲੈਕ ਸ਼ਰੱਗ 'ਚ ਐਸ਼ਵਰਿਆ ਦਾ ਸਟਾਈਲ ਫਿਲਮ ਦੇ ਕਿਰਦਾਰ ਮੁਤਾਬਕ ਹੀ ਨਜ਼ਰ ਆਇਆ। ਇਸ ਫਿਲਮ 'ਚ ਐਸ਼ਵਰਿਆ ਦੀ ਸਕ੍ਰੀਨ 'ਤੇ ਮੌਜੂਦਗੀ ਕੁਝ ਸਮੇਂ ਲਈ ਹੀ ਹੈ।
ਫਿਲਮ 'ਚ ਅਹਿਮ ਕਿਰਦਾਰ ਨਿਭਾ ਰਹੀ ਅਦਾਕਾਰਾ ਪੀਹੂ ਸੰਦ ਨੇ ਐਸ਼ਵਰਿਆ ਨਾਲ ਕੰਮ ਕਰਨ ਨੂੰ ਲੈ ਕੇ ਗੱਲ ਵੀ ਕੀਤੀ। ਉਨ੍ਹਾਂ ਨੇ ਕਿਹਾ, ''ਮੈਨੂੰ ਹਮੇਸ਼ਾ ਇਸ ਗੱਲ ਦਾ ਦੁੱਖ ਰਹੇਗਾ ਕਿ ਉਨ੍ਹਾਂ ਨੂੰ ਫਿਲਮ 'ਚ ਐਸ਼ਵਰਿਆ ਰਾਏ ਨਾਲ ਕੰਮ ਕਰਨ ਦਾ ਮੌਕਾ ਨਹੀਂ ਮਿਲਿਆ।''
ਦੱਸ ਦੇਈਏ ਕਿ ਇਸ ਫਿਲਮ 'ਚ ਪੀਹੂ ਸੰਦ ਇਕ ਸਟ੍ਰਲਿੰਗ ਸਿੰਗਰ ਦਾ ਰੋਲ ਅਦਾ ਕਰ ਰਹੀ ਹੈ ਅਤੇ ਉਨ੍ਹਾਂ ਨੂੰ 'ਰਾਕਸਟਾਰ' ਬਣੀ ਐਸ਼ਵਰਿਆ ਦੀ ਵੱਡੀ ਫੈਨ ਦਿਖਾਇਆ ਗਿਆ ਹੈ।
ਸਕ੍ਰੀਨਿੰਗ 'ਤੇ ਡੈਸ਼ਿੰਗ ਲੁੱਕ 'ਚ ਪਹੁੰਚੇ ਅਨਿਲ ਕਪੂਰ ਫਿਲਮ 'ਚ ਬੇਹੱਦ ਆਮ ਵਿਅਕਤੀ ਦੇ ਕਿਰਦਾਰ 'ਚ ਨਜ਼ਰ ਆ ਰਹੇ ਹਨ।
ਫਿਲਮ 'ਚ ਉਹ ਇਕ ਟੈਕਸੀ ਡਰਾਈਵਰ ਬਣੇ ਹਨ, ਜੋ ਕਿ ਕਦੇ ਆਪਣੀ ਬੇਟੀ (ਪੀਹੂ ਸੰਦ) ਵਾਂਗ ਸਿੰਗਰ ਬਣਨ ਦਾ ਸੁਪਨਾ ਦੇਖਦੇ ਸਨ।
'Everybody’s Famous' ਨਾਂ ਦੀ ਫਿਲਮ 'ਤੇ ਬੇਸਡ 'ਫੰਨੇ ਖਾਂ' 3 ਅਗਸਤ ਨੂੰ ਰਿਲੀਜ਼ ਹੋ ਰਹੀ ਹੈ।
ਫਿਲਮ 'ਚ ਐਸ਼ਵਰਿਆ ਅਤੇ ਅਨਿਲ ਕਪੂਰ ਤੋਂ ਇਲਾਵਾ ਰਾਜਕੁਮਾਰ ਰਾਓ ਅਤੇ ਦਿਵਿਆ ਦੱਤਾ ਵੀ ਅਹਿਮ ਕਿਰਦਾਰਾਂ 'ਚ ਹਨ।
