ਮੁੰਬਈ (ਭਾਸ਼ਾ)- ਡਾਂਸ ਡਾਇਰੈਕਟਰ ਫਰਾਹ ਖਾਨ ਅਤੇ ਅਦਾਕਾਰਾ ਰਵੀਨਾ ਟਡੰਨ ਨੇ ਰੋਮਨ ਕੈਥੋਲਿਕ ਚਰਚ ਦੇ ਭਾਰਤੀ ਕਾਰਡੀਨਲ ਓਸਵਾਲਡ ਗ੍ਰੇਸੀਅਸ ਨਾਲ ਮੁਲਾਕਾਤ ਕਰ ਕੇ ਮੁਆਫੀ ਮੰਗੀ। ਉਨ੍ਹਾਂ ਦੋਹਾਂ ਅਤੇ ਕਾਮੇਡੀ ਕਲਾਕਾਰ ਭਾਰਤੀ ਸਿੰਘ ’ਤੇ ਇਕ ਟੀ.ਵੀ. ਸ਼ੋਅ ’ਚ ਕ੍ਰਿਸ਼ਚੀਅਨ ਭਾਈਚਾਰੇ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਲਈ ਮਾਮਲਾ ਦਰਜ ਕੀਤਾ ਗਿਆ ਸੀ। ਇਸ ਤੋਂ ਪਹਿਲਾਂ ਫਰਾਹ ਨੇ ਫਲਿਪਕਾਰਟ ਵੀਡੀਓ ਓਰਿਜਨਲਸ ਦੇ ਕੁਇੱਜ਼ ਸ਼ੋਅ ‘ਬੈਕ ਬੈਂਚਰਜ਼’ ਦੀ ਪੂਰੀ ਟੀਮ ਵੱਲੋਂ ਟਵਿਟਰ ’ਤੇ ਮੁਆਫੀ ਮੰਗੀ ਸੀ।
ਉਹ ਇਸ ਸ਼ੋਅ ਦੀ ਮੇਜ਼ਬਾਨੀ ਕਰਦੀ ਹੈ। ਇਕ ਬਿਆਨ ’ਚ ਉਨ੍ਹਾਂ ਕਿਹਾ ਕਿ ਗ੍ਰੇਸੀਅਸ ਨੇ ਉਨ੍ਹਾਂ ਦੀ ਮੁਆਫੀ ਨੂੰ ਸਵੀਕਾਰ ਕਰ ਲਿਆ ਹੈ ਅਤੇ ਇਸ ਮਾਮਲੇ ਨੂੰ ਖਤਮ ਕਰਨ ਲਈ ਉਨ੍ਹਾਂ ਨੇ ਇਕ ਬਿਆਨ ਵੀ ਜਾਰੀ ਕੀਤਾ ਹੈ।