ਮੁੰਬਈ(ਬਿਊਰੋ)- ਬਾਲੀਵੁੱਡ ਦੇ ਮਸ਼ਹੂਰ ਐਕਟਰ ਫਰਹਾਨ ਅਖਤਰ ਅੱਜ ਆਪਣਾ 46ਵਾਂ ਜਨਮਦਿਨ ਮਨਾ ਰਹੇ ਹਨ। ਗੱਲ ਚਾਹੇ ਐਕਟਿੰਗ ਦੀ ਹੋਵੇ, ਡਾਇਰੈਕਸ਼ਨ ਦੀ ਹੋਵੇ ਜਾਂ ਫਿਰ ਸਿੰਗਿੰਗ ਦੀ, ਫਰਹਾਨ ਨੇ ਇਨ੍ਹਾਂ ਸਾਰੇ ਕੰਮਾਂ ਵਿਚ ਮੁਹਾਰਤ ਹਾਸਲ ਕੀਤੀ ਹੈ। ਟੈਲੇਂਟ ਦੇ ਮਾਮਲੇ ਵਿਚ ਫਰਹਾਨ ਆਪਣੇ ਪਿਤਾ ਜਾਵੇਦ ਅਖਤਰ ’ਤੇ ਗਏ ਹਨ। ਉਨ੍ਹਾਂ ਦੇ ਜਨਮਦਿਨ ਮੌਕੇ ਜਾਣਦੇ ਹਾਂ ਉਨ੍ਹਾਂ ਦੀਆਂ ਹੀ ਕੁੱਝ ਅਜਿਹੀਆਂ ਗੱਲਾਂ ਬਾਰੇ, ਜਿਸ ਦੇ ਬਾਰੇ ਵਿਚ ਕਾਫੀ ਘੱਟ ਲੋਕਾਂ ਨੂੰ ਪਤਾ ਹੋਵੇਗਾ।
ਫਰਹਾਨ ਨੂੰ ਲੱਗਦਾ ਹੈ Cockroaches ਕੋਲੋਂ ਡਰ
ਫਿਲਮਾਂ ਵਿਚ ਸਕਾਈ ਡਾਈਵਿੰਗ ਵਰਗੇ ਖਤਰਨਾਕ ਸਟੰਟ ਕਰਨ ਵਾਲੇ ਫਰਹਾਨ ਅਖਤਰ ਨੂੰ ਅਸਲ ਜ਼ਿੰਦਗੀ ਵਿਚ Cockroaches ਤੋਂ ਡਰ ਲੱਗਦਾ ਹੈ। ਜੀ ਹਾਂ, ਜਦੋਂ ਵੀ ਉਹ Cockroach ਨੂੰ ਦੇਖਦੇ ਹਨ ਤਾਂ ਉੱਥੋਂ ਭੱਜ ਨਿਕਲਦੇ ਹਨ।
ਇਸ ਫਿਲਮ ਲਈ ਫਰਹਾਨ ਨੂੰ ਹੈ ਅੱਜ ਵੀ ਅਫਸੋਸ
ਇਕ ਇੰਟਰਵਿਊ ਦੌਰਾਨ ਫਰਹਾਨ ਨੇ ਫਿਲਮ ‘ਰੰਗ ਦੇ ਬਸੰਤੀ’ ਨੂੰ ਲੈ ਕੇ ਅਫਸੋਸ ਜ਼ਾਹਿਰ ਕੀਤਾ ਸੀ। ਉਨ੍ਹਾਂ ਨੇ ਕਿਹਾ ਕਿ ਓਮ ਪ੍ਰਕਾਸ਼ ਮੇਹਰਾ ਨੇ ਇਹ ਫਿਲਮ ਆਮਿਰ ਖਾਨ ਤੋਂ ਪਹਿਲਾਂ ਮੈਨੂੰ ਆਫਰ ਕੀਤੀ ਸੀ ਪਰ ਮੈਂ ਮਨਾ ਕਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਅੱਜ ਵੀ ਇਸ ਗੱਲ ਦਾ ਬੇਹੱਦ ਅਫਸੋਸ ਹੈ ਕਿ ਮੈਂ ਕਿਉਂ ਇਸ ਫਿਲਮ ਲਈ ਮਨਾ ਕੀਤਾ।
ਅਧੁਨਾ ਭਬਾਨੀ ਨਾਲ ਵਿਆਹ
ਫਰਹਾਨ ਨੇ ਆਪਣੀ ਉਮਰ ਤੋਂ 6 ਸਾਲ ਵੱਡੀ ਹੇਅਰ ਸਟਾਈਲਿਸਟ ਅਧੁਨਾ ਭਬਾਨੀ ਨਾਲ ਸਾਲ 2000 ਵਿਚ ਵਿਆਹ ਕੀਤਾ ਸੀ। ਉਨ੍ਹਾਂ ਦੀਆਂ ਦੋ ਧੀਆਂ ਵੀ ਹਨ। ਅਪ੍ਰੈਲ 2017 ਵਿਚ ਦੋਵਾਂ ਨੇ ਆਪਣੇ 16 ਸਾਲ ਪੁਰਾਣੇ ਰਿਸ਼ਤੇ ਨੂੰ ਆਪਸੀ ਸਹਿਮਤੀ ਨਾਲ ਖਤਮ ਕਰ ਦਿੱਤਾ ਸੀ। ਉਥੇ ਹੀ ਇਨ੍ਹੀਂ ਦਿਨੀਂ ਫਰਹਾਨ ਆਪਣੀ ਗਰਲਫਰੈਂਡ ਸ਼ਿਬਾਨੀ ਦਾਂਡੇਕਰ ਨਾਲ ਲਗਾਤਾਰ ਖਬਰਾਂ ਵਿਚ ਬਣੇ ਰਹਿੰਦੇ ਹਨ। ਖਬਰਾਂ ਤਾਂ ਇਹ ਵੀ ਹਨ ਕਿ ਦੋਵੇਂ ਇਸ ਸਾਲ ਵਿਆਹ ਦੇ ਬੰਧਨ ਵਿਚ ਬੱਝਣ ਲਈ ਪੂਰੀ ਤਰ੍ਹਾਂ ਨਾਲ ਤਿਆਰ ਹਨ।