ਜਲੰਧਰ (ਬਿਊਰੋ) — ਵੀਰਵਾਰ ਸ਼ਾਮ 4 ਵਜੇ ਦੇ ਕਰੀਬ ਬੋਰਵੈੱਲ 'ਚ ਡਿੱਗੇ ਫਹਿਤਵੀਰ ਨੂੰ ਅੱਜ ਤੜਕੇ ਬੋਰਵੈੱਲ 'ਚੋਂ ਬਾਹਰ ਕੱਢਿਆ ਗਿਆ, ਜਿਸ ਤੋਂ ਬਾਅਦ ਉਸ ਨੂੰ ਚੰਡੀਗੜ੍ਹ ਪੀ. ਜੀ. ਆਈ. ਲਿਜਾਇਆ ਗਿਆ। ਜਿਥੇ ਪੀ. ਜੀ. ਆਈ. ਦੇ ਡਾਕਟਰਾਂ ਨੇ ਫਤਿਹਵੀਰ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ, ਜਿਸ ਤੋਂ ਬਾਅਦ ਲੋਕ 'ਚ ਸੜਕਾਂ 'ਤੇ ਰੋਸ ਪ੍ਰਦਰਸ਼ਨ ਕਰ ਰਹੇ ਹਨ ਅਤੇ ਪ੍ਰਸ਼ਾਸ਼ਨ ਸਿਸਟਮ ਨੂੰ ਲਾਹਨਤਾਂ ਵੀ ਪਾ ਰਹੇ ਹਨ। ਉਥੇ ਹੀ ਪੰਜਾਬੀ ਸਿਤਾਰੇ ਵੀ ਫਤਿਹਵੀਰ ਦੀ ਮੌਤ ਤੋਂ ਬਾਅਦ ਉਸ ਨੰਨ੍ਹੇ ਬੱਚੇ ਦੀ ਆਤਮਾ ਦੀ ਸ਼ਾਂਤੀ ਲਈ ਅਰਦਾਸ ਕਰ ਰਹੇ ਹਨ ਅਤੇ ਮਾੜੇ ਸਿਸਟਮ ਪ੍ਰਤੀ ਆਪਣਾ ਗੁੱਸਾ ਜਾਹਿਰ ਕਰ ਰਹੇ ਹਨ।
ਰੁਪਿੰਦਰ ਹਾਂਡਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਫਤਿਹਵੀਰ ਦੀ ਪੋਸਟ ਸ਼ੇਅਰ ਕਰਦਿਆ ਕੈਪਸ਼ਨ 'ਚ ਲਿਖਿਆ, ''ਗੰਦੇ ਸਿਸਟਮ ਦੀ ਬਲੀ ਚੜ੍ਹ ਗਈ ਇਕ ਨਿੱਕੀ ਜਿਹੀ ਜਾਨ। ਦਿਲ ਬਹੁਤ ਦੁੱਖੀ ਹੈ ਅੱਜ।''
ਉਥੇ ਹੀ ਗਿੱਪੀ ਗਰੇਵਾਲ ਨੇ ਫਤਿਹਵੀਰ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਪੋਸਟ 'ਚ ਲਿਖਿਆ, ''Rest In Peace fatehveer ਕੌਣ ਜਿੰਮੇਵਾਰ ਹੈ?''।
ਇਸ ਤੋਂ ਇਲਾਵਾ ਕੁਲਵਿੰਦਰ ਬਿੱਲਾ ਨੇ ਲਿਖਿਆ, ''ਅਲਵਿਦਾ ਫਹਿਤ ਸਿਆਂ ਮੁਆਫ ਕਰੀਂ ਤੇਰੇ ਨਾਲ ਲਹੂ ਦਾ ਰਿਸ਼ਤਾ ਤਾਂ ਨਹੀਂ ਸੀ ਕੋਈ ਪਰ ਅੱਜ ਦਿਲ ਰੌਦਾਂ ਤੈਨੂੰ ਅਲਵਿਦਾ ਕਹਿਣ ਲੱਗਿਆ। ਜੋ ਤੇਰੇ ਨਾਲ ਹੋਇਆ ਰੱਬ ਕਿਸੇ ਨਾਲ ਨਾਂ ਕਰੇ। ਪ੍ਰਮਾਤਮਾ ਸਭ ਦੇ ਮਾਪਿਆਂ ਦੀ ਗੋਦ ਦਾ ਨਿੱਘ ਬਖਸ਼ੇ ਅਤੇ ਉਨ੍ਹਾਂ ਦਾ ਵਿਹੜਾ ਇਨਾਂ ਅਨਮੁੱਲੇ ਹੀਰਿਆਂ ਨਾਲ ਸੱਜਿਆ ਰਹੇ। ਲੱਖ ਲਾਹਨਤਾਂ ਉਸ ਡਿਜੀਟਲ ਸਿਸਟਮ ਦੇ ਜੋ ਤੇਰੇ ਕੰਮ ਨਾ ਆ ਸਕਿਆ।''
ਰਵਨੀਤ ਸਿੰਘ, ''ਬਹੁਤ ਮਾੜਾ ਦਿਨ... ਅਲਵਿਦਾ ਫਹਿਤਵੀਰ, ਅਫਸੋਸ ਇਥੇ ਇਨਸਾਨੀ ਜ਼ਿੰਦਗੀ ਦੀ ਕੀਮਤ ਨਹੀਂ, ਜਿੰਨ੍ਹਾਂ ਚਿਰ ਤੁਸੀਂ ਵੀ. ਆਈ. ਪੀ. ਘਰ ਜਨਮ ਨਹੀਂ ਲੈਂਦੇ। ਵਾਹਿਗੁਰੂ ਜੀ ਪਰਿਵਾਰ ਦੇ ਸਿਰ 'ਤੇ ਹੱਥ ਰੱਖਿਓ''।
ਗੁਰਪ੍ਰੀਤ ਘੁੱਗੀ ਨੇ ਲਿਖਿਆ, ''ਬਹੁਤ ਦੁੱਖੀ ਹਾਂ ਫੁੱਲ ਵਰਗੇ ਬੱਚੇ ਫਤਿਹਵੀਰ ਦਾ ਦੁਨੀਆ ਤੋਂ ਤੁਰ ਜਾਣਾ, ਆਮ ਲੋਕਾਂ ਦੀਆਂ ਖੁੱਲ੍ਹੀਆਂ ਬੋਰਵੈੱਲ ਵਰਗੀਆਂ ਲਾਪਰਵਾਹੀਆਂ 'ਤੇ ਪ੍ਰਸ਼ਾਸਨ ਦੀ ਯੋਗਤਾ ਬਹੁਤ ਅਫਸੋਸ ਵਾਲੀ ਗੱਲ ਹੈ''।
ਮਹਿਤਾਬ ਵਿਰਕ ਨੇ ਫਤਿਹਵੀਰ ਦੀ ਪੋਸਟ ਸ਼ੇਅਰ ਕਰਦਿਆ ਲਿਖਿਆ, ''Rest In Peace fatehveer, ਕੌਣ ਜਿੰਮੇਵਾਰ ਹੈ?''
ਗਾਇਕ ਰਵਿੰਦਰ ਗਰੇਵਾਲ ਨੇ ਪੋਸਟ 'ਤੇ ਲਿਖਿਆ, ''ਅਸੀਂ ਉਸ ਦੇਸ਼ ਦੇ ਵਾਸੀ ਆ, ਜਿਥੇ ਇਨਸਾਨ ਦੀ ਜਾਨ ਦੀ ਕੋਈ ਕੀਮਤ ਨਹੀਂ। ਸੋਰੀ ਫਤਿਹਵੀਰ ਪੁੱਤਰਾ ਤੂੰ ਸਾਡੀ ਨਲਾਇਕੀ ਦਾ ਸ਼ਿਕਾਰ ਹੋ ਗਿਆ...ਵਾਹਿਗੁਰੂ ਵਾਹਿਗੁਰੂ...''।
ਹੈਪੀ ਰਾਏਕੋਟੀ ਨੇ ਲਿਖਿਆ, ''ਅਸੀਂ ਉਸ ਦੇਸ਼ ਦੇ ਵਾਸੀ ਆ ਜਿਥੇ ਬੋਲੇ ਸਾਡੇ ਹਾਕੀਮ ਨੇ ਤੇ ਅੰਨ੍ਹੇ ਸਾਡੇ ਵੋਟਰ ਨੇ''।
ਕਾਦਿਰ ਥਿੰਦ ਨੇ ਲਿਖਿਆ, ''ਰੱਬ ਦਾ ਵਾਸਤਾ ਜ਼ਿੰਦਗੀਆਂ ਨਾਲ ਨਾ ਖੇਡਿਆ ਜਾਵੇ।''
ਪੰਜਾਬੀ ਗਾਇਕਾ ਕੌਰ ਬੀ ਨੇ ਲਿਖਿਆ, ''ਮੈਂ ਲਾਈਫ 'ਚ ਬਹੁਤ ਮਾੜੇ ਟਾਈਮ ਵੇਖੇ ਪਰ ਕਦੇ ਇਨ੍ਹਾਂ ਬੁਰਾ ਫੀਲ ਨਹੀਂ ਹੋਇਆ, ਜਿਨ੍ਹਾਂ ਹੁਣ ਹੋ ਰਿਹਾ ਤੇ ਉਨ੍ਹਾਂ ਦਾ ਕੀ ਹਾਲ ਹੋਵੇਗਾ, ਜਿਨ੍ਹਾਂ ਦੇ ਘਰ ਇਹ ਸਭ ਹੋ ਗਿਆ... ਸਮਾਂ ਬੀਤਣ ਤੇ ਸਭ ਕੁਝ ਠੀਕ ਹੋ ਜਾਣਾ ਪਰ ਇਹ ਦੁੱਖ ਉਹੀ ਸਮਝ ਸਕਦੇ, ਜਿਨ੍ਹਾਂ ਨੂੰ ਲੱਗ ਗਏ, ਅਰਦਾਸ ਉਹ ਸੱਚੇ ਪਾਤਸ਼ਾਹ ਅੱਗੇ ਇਹ ਬੱਚਾ ਇਸੇ ਮਾਂ ਦੇ ਘਰ ਫਿਰ ਜਨਮ ਲਵੇ।''
ਵੀਤ ਬਲਜੀਤ ਨੇ ਲਿਖਿਆ, ''ਇਸ ਤੋਂ ਕਾਲਾ ਦਿਨ ਹੋਰ ਨੀ ਹੋ ਸਕਦਾ, ਮੁਆਫ ਕਰਦੀ ਪੁੱਤ ਫਹਿਤਵੀਰ ਸਿਓ ਏਥੇ ਅੰਨ੍ਹੀਆਂ ਪੀਦੀਆਂ ਕੁੱਤੇ ਚੱਟ ਦੇ ਆ ਅਸੀਂ ਸਾਰੇ ਤੇਰੇ ਕਾਤਲ ਹਾਂ।''
ਗਗਨ ਕੋਕਰੀ ਨੇ ਲਿਖਿਆ, ''Feeling sorry for FATEHVEER 🙏 I wish we had a proper rescue unit to save this soul and now I hope our govt learn from this and get some good rescue units to avoid these type of tragedies 🙏 Wahguru bhana mannan da Val bakshe parivaar nu''।
ਅੰਮ੍ਰਿਤ ਮਾਨ ਨੇ ਲਿਖਿਆ ''ਇਹ ਨਹੀਂ ਸੀ ਹੋਣਾ ਚਾਹੀਦਾ''।
ਦਿਲਪ੍ਰੀਤ ਢਿੱਲੋਂ ਨੇ ਲਿਖਿਆ, ''ਆਰ. ਆਈ. ਪੀ. #ਫਤਿਹਵੀਰ...''।
ਰੇਸ਼ਮ ਸਿੰਘ ਅਨਮੋਲ ਨੇ ਸੋਸ਼ਲ ਮੀਡੀਆ 'ਤੇ ਫਤਿਹਵੀਰ ਦੀ ਪੋਸਟ ਸ਼ੇਅਰ ਕਰਦਿਆ ਲਿਖਿਆ, ''ਨਹੀਂ ਬੱਚ ਪਾਇਆ ਫਤਿਹਵੀਰ। ਕਾਸ਼ ਤੂੰ ਕਿਸੇ ਲੀਡਰ ਮਿਨਸਟਰ ਦੀ ਔਲਾਦ ਹੁੰਦਾ...24 ਘੰਟਿਆਂ 'ਚ ਬਾਹਰ ਹੋਣਾ ਸੀ''।
ਦਿਲਜੀਤ ਦੋਸਾਂਝ ਨੇ ਫਤਿਹਵੀਰ ਦੀ ਪੋਸਟ ਸ਼ੇਅਰ ਕਰਦਿਆ ਲਿਖਿਆ, ''Oh Waheguru 🙏 #FatehVeerSingh RIP''।
ਪੰਜਾਬੀ ਅਦਾਕਾਰ ਤੇ ਗਾਇਕ ਕਰਮਜੀਤ ਅਨਮੋਲ ਨੇ ਲਿਖਿਆ, ''ਨਹੀਂ ਬਚ ਪਾਇਆ ਫਤਿਹਵੀਰ...ਕਾਸ਼ ਤੂੰ ਕਿਸੇ ਲੀਡਰ ਜਾਂ ਮਿਨਸਟਰ ਦੀ ਔਲਾਦ ਹੁੰਦਾ...24 ਘੰਟਿਆਂ 'ਚ ਬਾਹਰ ਹੋਣਾ ਸੀ #ਆਰ.ਆਈ.ਪੀ ਫਤਿਹਵੀਰ।''
ਬੰਟੀ ਬੈਂਸ ਨੇ ਲਿਖਿਆ, ''RIP #fatehveer''।