ਮੁੰਬਈ (ਬਿਊਰੋ) — ਬਾਲੀਵੁੱਡ ਦੇ ਸੁਪਰਸਟਾਰ ਨਾਲ ਫਿਲਮ 'ਦੰਗਲ' ਨਾਲ ਫਿਲਮੀ ਦੁਨੀਆ 'ਚ ਵੱਖਰੀ ਪਛਾਣ ਬਣਾਉਣ ਵਾਲੀ ਅਦਾਕਾਰਾ ਫਾਤਿਮਾ ਸਨਾ ਸ਼ੇਖ ਅੱਜ ਆਪਣਾ 27ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਸ ਦਾ ਜਨਮ 11 ਜਨਵਰੀ 1992 ਨੂੰ ਮੁੰਬਈ 'ਚ ਹੋਇਆ।
ਫਾਤਿਮਾ ਹਮੇਸ਼ਾ ਹੀ ਆਪਣੀਆਂ ਤਸਵੀਰਾਂ ਨੂੰ ਲੈ ਕੇ ਲਾਈਮਲਾਈਟ 'ਚ ਰਹਿੰਦੀ ਹੈ। ਫਾਤਿਮਾ ਨੇ ਸਾਲ 2016 'ਚ ਆਈ ਫਿਲਮ 'ਦੰਗਲ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ।
ਇਸ ਤੋਂ ਬਾਅਦ ਹੁਣ ਫਾਤਿਮਾ ਨੇ ਫਿਲਮ 'ਠੱਗਸ ਆਫ ਹਿੰਦੂਸਤਾਨ' 'ਚ ਕੰਮ ਕੀਤਾ ਪਰ ਇਸ ਫਿਲਮ ਨੇ ਰਿਲੀਜ਼ ਹੁੰਦੇ ਹੀ ਬਾਕਸ ਆਫਿਸ 'ਤੇ ਦਮ ਤੋੜ ਦਿੱਤਾ ਪਰ ਫਾਤਿਮਾ ਆਪਣੀਆਂ ਤਸਵੀਰਾਂ ਤੇ ਅਫੇਅਰ ਨੂੰ ਲੈ ਕੇ ਸੁਰਖੀਆਂ 'ਚ ਵੀ ਰਹਿ ਚੁੱਕੀ ਹੈ।
ਫਾਤਿਮਾ ਦਾ ਨਾਂ ਸਭ ਤੋਂ ਪਹਿਲਾਂ ਉਸ ਦੇ ਆਨ-ਸਕ੍ਰੀਨ ਭਰਾ ਅਪਾਰਸ਼ਕਤੀ ਖੁਰਾਣਾ ਨਾਲ ਜੁੜਿਆ। ਕਿਹਾ ਗਿਆ ਕਿ ਫਾਤਿਮਾ ਤੇ ਅਪਾਰਸ਼ਕਤੀ 'ਚ ਅਫੇਅਰ ਚੱਲ ਰਿਹਾ ਹੈ।
ਦੱਸ ਦਈਏ ਕਿ ਪਿਛਲੇ ਦਿਨੀਂ ਹੀ ਫਾਤਿਮਾ ਤੇ ਅਪਾਰਸ਼ਕਤੀ ਨੂੰ ਇਕ ਕੌਫੀ ਸ਼ੌਪ 'ਚ ਇਕੱਠੇ ਦੇਖਿਆ ਗਿਆ ਸੀ, ਜਿਸ ਤੋਂ ਬਾਅਦ ਦੋਵਾਂ ਦੇ ਅਫੇਅਰ ਦੀਆਂ ਖਬਰਾਂ ਚਰਚਾ 'ਚ ਆਉਣ ਲੱਗੀਆਂ ਪਰ ਫਾਤਿਮਾ ਨੇ ਇਨ੍ਹਾਂ ਅਫੇਅਰ ਦੀਆਂ ਖਬਰਾਂ ਨੂੰ ਸਿਰੇ ਤੋਂ ਨਕਾਰਿਆ ਹੈ।
ਅਪਾਰਸ਼ਕਤੀ ਨੇ ਫਿਲਮ 'ਦੰਗਲ' 'ਚ ਫਾਤਿਮਾ ਉਰਫ ਗੀਤਾ ਫੋਗਾਟ ਦੇ ਭਰਾ ਦਾ ਕਿਰਦਾਰ ਨਿਭਾਇਆ ਸੀ। ਇੰਨ੍ਹਾਂ ਹੀ ਨਹੀਂ ਸਗੋਂ ਫਾਤਿਮਾ ਸਨਾ ਸ਼ੇਖ ਦਾ ਨਾਂ ਬਾਲੀਵੁੱਡ ਦੇ ਖਾਨ ਆਮਿਰ ਖਾਨ ਨਾਲ ਵੀ ਜੁੜ ਚੁੱਕਾ ਹੈ।
ਫਾਤਿਮਾ ਤੇ ਆਮਿਰ ਖਾਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਤਸਵੀਰਾਂ ਵਾਇਰਲ ਹੋਈਆਂ ਸਨ, ਜਿਸ ਤੋਂ ਬਾਅਦ ਮੀਡੀਆ 'ਚ ਇਹ ਵੀ ਖਬਰਾਂ ਆਉਣ ਲੱਗੀਆਂ ਕਿ ਫਾਤਿਮਾ ਤੇ ਆਮਿਰ ਖਾਨ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ।
ਅਫਵਾਹਾਂ ਤਾਂ ਇਹ ਵੀ ਸਨ ਕਿ ਆਮਿਰ ਖਾਨ ਆਪਣੀ ਪਤਨੀ ਕਿਰਨ ਰਾਓ ਨੂੰ ਤਲਾਕ ਦੇ ਕੇ ਫਾਤਿਮਾ ਨਾਲ ਵਿਆਹ ਕਰਵਾਉਣਾ ਚਾਹੁੰਦੇ ਹਨ, ਜੋ ਕਿ ਕਾਫੀ ਹੈਰਾਨੀਜਨਕ ਸੀ ਪਰ ਫਾਤਿਮਾ ਨੇ ਮੀਡੀਆ ਸਾਹਮਣੇ ਆ ਕੇ ਇਨ੍ਹਾਂ ਖਬਰਾਂ ਬੇਬੁਨਿਆਦ ਦੱਸਿਆ।