ਜਲੰਧਰ(ਬਿਊਰੋ)— ਸੰਜੈ ਲੀਲਾ ਭੰਸਾਲੀ ਫਿਲਮ ਇੰਡਸਟਰੀ ਦੀ ਇਕ ਅਜਿਹੀ ਸ਼ਖਸੀਅਤ ਹਨ ਜਿਨ੍ਹਾਂ ਦਾ ਆਪਣਾ ਇਕ ਇਤਿਹਾਸ ਹੈ। ਉਸ ਇਤਿਹਾਸ 'ਚ ਕਈ ਸੱਚੀਆਂ ਅਤੇ ਕੋੜੀਆਂ ਕਹਾਣੀਆਂ ਹਨ। ਉਨ੍ਹਾਂ ਕਹਾਣੀਆਂ ਨੂੰ ਤੁਸੀਂ ਭੰਸਾਲੀ ਦੀਆਂ ਫਿਲਮਾਂ 'ਚ ਦੇਖ ਸਕਦੇ ਹੋ। ਬਾਲੀਵੁੱਡ ਨੂੰ 'ਪਦਮਾਵਤ' ਵਰਗੀ ਜ਼ਬਰਦਸਤ ਡਾਇਰੈਕਸ਼ਨ ਵਾਲੀ ਫਿਲਮ ਦੇਣ ਵਾਲੇ ਡਾਇਰੈਕਟਰ ਸੰਜੈ ਲੀਲਾ ਭੰਸਾਲੀ ਦਾ ਅੱਜ ਆਪਣਾ 56 ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ ਮੁੰਬਈ 'ਚ ਹੋਇਆ। ਉਥੇ ਹੀ ਉਨ੍ਹਾਂ ਨੇ ਆਪਣੀ ਪੜ੍ਹਾਈ ਪੁਣੇ ਦੇ ਫਿਲਮ ਐਂਡ ਟੈਲੀਵਿਜਨ ਇੰਸਟੀਚਿਊਟ ਆਫ ਇੰਡੀਆ ਤੋਂ ਪੂਰੀ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਐਡੀਟਿੰਗ ਦਾ ਕੋਰਸ ਵੀ ਕੀਤਾ। ਸੰਜੈ ਨੇ ਸਾਲ 1996 'ਚ ਫਿਲਮ 'ਖਾਮੋਸ਼ੀ' ਨਾਲ ਬਾਲੀਵੁੱਡ 'ਚ ਡਾਇਰੈਕਟਰ ਡੈਬਿਊ ਕੀਤਾ। ਸੰਜੈ ਇਕ ਮਲਟੀਟਾਸਕਰ ਹਨ, ਉਹ ਫਿਲਮ ਡਾਇਰੈਕਟਰ ਹੋਣ ਤੋਂ ਇਲਾਵਾ ਪ੍ਰੋਡਿਊਸਰ, ਮਿਊਜਿਕ ਡਾਇਰੈਕਟਰ ਅਤੇ ਸਕਰੀਨ ਰਾਇਟਰ ਵੀ ਹਨ। ਆਪਣੇ ਨਾਂ ਨਾਲ ਜੋੜਿਆ ਮਾਂ ਦਾ ਨਾਂ ਸੰਜੈ ਨੇ ਆਪਣੇ ਨਾਮ ਨਾਲ ਆਪਣੀ ਮਾਂ ਦਾ ਨਾਮ ਜੋੜਿਆ ਹੋਇਆ ਹੈ। ਦਰਅਸਲ ਲੀਲਾ ਸੰਜੈ ਦੀ ਮਾਂ ਦਾ ਨਾਮ ਹੈ। ਉਥੇ ਹੀ ਸੰਜੈ ਨੇ ਆਪਣੀ ਮਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਆਪਣੇ ਨਾਮ ਨਾਲ ਆਪਣੀ ਮਾਂ ਲੀਲਾ ਦਾ ਨਾਮ ਜੋੜ ਦਿੱਤਾ। ਭੰਸਾਲੀ ਨੇ ਬਿਧੂ ਨਾਲ '1942 ਏ ਲਵ ਸਟੋਰੀ' ਅਤੇ 'ਪਰਿੰਦਾ' ਵਿਚ ਕੰਮ ਕੀਤਾ ਸੀ। ਸਾਲ 2002 'ਚ ਭੰਸਾਲੀ ਦੀ ਫਿਲਮ 'ਦੇਵਦਾਸ' ਆਈ। ਇਹ ਫਿਲਮ ਉਸ ਸਮੇਂ ਦੀ ਸਭ ਤੋਂ ਮਹਿੰਗੀ ਫਿਲਮ ਸੀ। ਇਸ ਫਿਲਮ ਨੂੰ ਬਣਾਉਣ 'ਚ ਉਸ ਵੇਲੇ 50 ਕਰੋੜ ਰੁਪਏ ਖਰਚ ਕੀਤੇ ਗਏ ਸਨ। ਉਥੇ ਹੀ ਫਿਲਮ ਨੇ 100 ਕਰੋੜ ਰੁਪਏ ਕਮਾਏ ਸਨ। ਸੰਜੈ ਦੀ ਇਸ ਫਿਲਮ ਨੇ ਕੁੱਲ 5 ਰਾਸ਼ਟਰ ਪੁਰਸਕਾਰ ਜਿੱਤੇ ਅਤੇ 10 ਫਿਲਮਫੇਅਰ ਐਵਾਰਡਸ ਲਏ ਸਨ। ਇਸ ਤੋਂ ਪਹਿਲਾਂ ਸੰਜੈ ਲੀਲਾ ਭੰਸਾਲੀ ਨੇ ਫਿਲਮ 'ਹਮ ਦਿਲ ਦੇ ਚੁੱਕੇ ਸਨਮ' ਵੀ ਬਣਾਈ ਸੀ। ਇਹ ਫਿਲਮ ਵੀ ਦਰਸ਼ਕਾਂ ਨੂੰ ਬਹੁਤ ਪਸੰਦ ਆਈ ਸੀ। ਸੰਜੈ ਨੇ ਆਪਣੇ ਕਰਿਅਰ ਵਿਚ ਇਕ ਤੋਂ ਬਾਅਦ ਇਕ ਚੰਗੀਆਂ ਫਿਲਮਾਂ ਦਾ ਨਿਰਮਾਣ ਕੀਤਾ। ਭੰਸਾਲੀ ਨੇ ਫਿਲਮ 'ਬਲੈਕ', 'ਗੁਜਾਰਿਸ਼','ਰਾਮ ਲੀਲਾ' ਅਤੇ 'ਪਦਮਾਵਤ' ਵਰਗੀਆਂ ਫਿਲਮਾਂ ਬਣਾਈਆਂ। ਭੰਸਾਲੀ ਦੁਆਰਾ ਬਣਾਈਆਂ ਗਈਆਂ ਕਈ ਫਿਲਮਾਂ ਨੂੰ ਰਿਲੀਜ਼ ਹੋਣ ਤੋਂ ਪਹਿਲਾਂ ਲੋਕਾਂ ਦੇ ਵਿਰੋਧਾਂ ਦਾ ਸਾਹਮਣਾ ਵੀ ਕਰਨਾ ਪਿਆ ਪਰ ਫਿਰ ਵੀ ਸੰਜੈ ਲੀਲਾ ਭੰਸਾਲੀ ਨੇ ਹਾਰ ਨਾ ਮੰਨੀ। ਉਨ੍ਹਾਂ ਦੀਆਂ ਫਿਲਮਾਂ ਨੇ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕਰਦੀਆਂ ਹਨ।