ਮੁੰਬਈ(ਬਿਊਰੋ)— ਮਸ਼ਹੂਰ ਫਿਲਮ 'ਜਾਨੇ ਭੀ ਦੋ ਯਾਰਾਂ' ਦੇ ਡਾਇਰੈਕਟਰ ਦਾ ਬੀਤੇ ਦਿਨੀਂ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਬੇਟੀ ਨੇ ਇਸ ਖਬਰ ਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਸ਼ਨੀਵਾਰ ਨੂੰ ਦਾਦਰ ਸਥਿਤ ਸ਼ਵਦਾਹ ਸ਼ਮਸ਼ਾਨਘਾਟ 'ਚ ਕੀਤਾ ਗਿਆ।
ਅੰਮਿਤ ਸੰਸਕਾਰ 'ਤੇ ਬਾਲੀਵੁੱਡ ਦੀਆਂ ਕਈ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਬਾਲੀਵੁੱਡ 'ਚੋਂ ਨਸੀਰੂਦੀਨ ਸ਼ਾਹ ਪਤਨੀ ਪਾਠਕ ਸ਼ਾਹ ਨਾਲ ਪੁੱਜੇ।
ਇਸ ਤੋਂ ਇਲਾਵਾ ਅਨਿਲ ਕਪੂਰ, ਸਤੀਸ਼ ਸ਼ਾਹ, ਪਵਨ ਮਲਹੋਤਰਾ ਤੇ ਡਾਇਰੈਕਟਰ ਸੁਧੀਰ ਮਿਸ਼ਰਾ ਪੁੱਜੇ।
ਹਾਲਾਂਕਿ ਕੋਈ ਵੱਡਾ ਸਟਾਰ ਅੰਮਿਤ ਵਿਦਾਈ 'ਤੇ ਨਹੀਂ ਪਹੁੰਚਿਆ।
ਕੁੰਦਨ ਸ਼ਾਹ ਉਸ ਸਮੇਂ ਕਾਫੀ ਚਰਚਾ 'ਚ ਆਇਆ ਸੀ, ਜਦੋਂ ਨਵੰਬਰ 2015 'ਚ ਉਨ੍ਹਾਂ ਨੇ ਦੇਸ਼ 'ਚ ਅਸਹਿਣਸ਼ੀਲਤਾ ਖਿਲਾਫ 23 ਹੋਰ ਡਾਇਰੈਕਟਰਾਂ ਨਾਲ ਮਿਲ ਕੇ ਨੈਸ਼ਨਲ ਐਵਾਰਡ ਵਾਪਸ ਦੇਣ ਦੀ ਗੱਲ ਕੀਤੀ ਸੀ।
ਦੱਸਣਯੋਗ ਹੈ ਕਿ ਕੁੰਦਨ ਸ਼ਾਹ ਨੇ ਟੀ. ਵੀ. ਸ਼ੋਅ 'ਨੁਕੱੜ' ਤੇ 'ਵਾਗਲੇ ਕੀ ਦੁਨੀਆ' ਨੂੰ ਡਾਇਰੈਕਟ ਕੀਤਾ ਸੀ। ਆਖਿਰੀ ਰਿਲੀਜ਼ ਫਿਲਮ ਸਾਲ 2014 'ਚ ਆਈ 'ਪੀ ਸੇ ਪੀਐੱਮ ਤੱਕ' ਸੀ।
