ਮੁੰਬਈ(ਬਿਊਰੋ)— ਦੱਖਣੀ ਭਾਰਤ (ਤੇਲੁਗੂ) ਐਕਟਰ ਨਾਗਾਅਰਜੁਨ ਅੱਕੀਨੇਨੀ ਦੇ ਹੈਦਰਾਬਾਦ ਸਥਿਤ ਅੰਨਪੂਰਣਾ ਸਟੂਡੀਓ 'ਚ ਸੋਮਵਾਰ ਨੂੰ ਅੱਗ ਲੱਗ ਗਈ। ਜਾਣਕਾਰੀ ਮੁਤਾਬਕ ਇਸ ਅੱਗ 'ਚ ਤੇਲੁਗੂ ਫਿਲਮਾਂ ਦੇ ਸੈੱਟ ਲਪੇਟ 'ਚ ਆ ਗਏ।
ਹਾਲਾਂਕਿ ਫਿਲਹਾਲ ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗਾ ਹੈ। ਅੱਗ ਦੇ ਬਾਰੇ 'ਚ ਪਤਾ ਲੱਗਦੇ ਹੀ ਅੱਗ ਬੁਝਾਊ ਗੱਡੀਆਂ ਦੇ ਕਰਮਚਾਰੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਅੱਗ ਬੁਝਾਈ। ਜ਼ਿਕਰਯੋਗ ਹੈ ਕਿ ਅਜੇ ਤੱਕ ਹਾਦਸੇ ਦੇ ਕਾਰਨਾਂ ਦਾ ਪਤਾ ਨਹੀਂ ਚੱਲ ਪਾਇਆ ਹੈ ਪਰ ਅੰਦਾਜ਼ੇ 'ਚ ਇਸ ਨੂੰ ਸ਼ਾਰਟ ਸਰਕਟ ਦੱਸਿਆ ਜਾ ਰਿਹਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇਹ ਸਟੂਡੀਓ ਅੱਕੀਨੇਨੀ ਨਾਗਾਅਰਜੁਨ ਦੇ ਪਰਿਵਾਰ ਦਾ ਹੈ ਤੇ ਇੱਥੇ ਫਿਲਮਾਂ ਤੋਂ ਇਲਾਵਾ ਟੀ. ਵੀ. ਤੇ ਰਿਐਲਿਟੀ ਸ਼ੋਅ ਦੀ ਸ਼ੂਟਿੰਗ ਹੁੰਦੀ ਰਹਿੰਦੀ ਹੈ। ਹਾਲਾਂਕਿ ਜਾਣਕਾਰੀ ਮੁਤਾਬਕ ਚੰਗੀ ਗੱਲ ਇਹ ਹੈ ਕਿ ਅੱਗ ਲੱਗਣ ਦੇ ਸਮੇਂ ਉੱਥੇ ਕੋਈ ਵੀ ਸ਼ੂਟ ਨਹੀਂ ਚੱਲ ਰਿਹਾ ਸੀ, ਜਿਸ ਨਾਲ ਕਿਸੇ ਵੀ ਵਿਅਕਤੀ ਦੇ ਜ਼ਖਮੀ ਹੋਣ ਜਾਂ ਮੌਤ ਦੀ ਖਬਰ ਸਾਹਮਣੇ ਨਹੀਂ ਆਈ ਹੈ।