ਮੁੰਬਈ— 6 ਆਸਕਰ ਐਵਾਰਡਜ਼ ਜਿੱਤਣ ਵਾਲੀ 'ਲਾ ਲਾ ਲੈਂਡ' ਦੀ ਲੀਡ ਅਦਾਕਾਰਾ ਐਮਾ ਸਟੋਨ ਨੂੰ ਫੋਰਬਸ ਮੈਗਜ਼ੀਨ ਨੇ ਦੁਨੀਆ ਦੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਅਦਾਕਾਰ ਐਲਾਨ ਕੀਤਾ ਹੈ। 28 ਸਾਲ ਦੀ ਇਸ ਹਾਲੀਵੁੱਡ ਅਦਾਕਾਰਾ ਨੇ ਪਿਛਲੇ ਇਕ ਸਾਲ 'ਚ 2.6 ਕਰੋੜ ਡਾਲਰ (166.4 ਕਰੋੜ ਰੁਪਏ) ਕਮਾਏ ਹਨ।
![Punjabi Bollywood Tadka](http://static.jagbani.com/multimedia/11_31_064320000bollywood najara in (4)-ll.jpg)
ਐਮਾ ਸਟੋਨ 'ਲਾ ਲਾ ਲੈਂਡ' 'ਚ ਬਿਹਤਰੀਨ ਅਭਿਨੈ ਲਈ ਸਰਾਹੀ ਗਈ ਸੀ। ਉਨ੍ਹਾਂ ਨੇ ਇਸ ਸਾਲ ਲਿੰਗ ਬਰਾਬਰੀ ਲਈ ਆਵਾਜ਼ ਚੁੱਕੀ ਸੀ। ਐਮਾ ਸਟੋਨ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦੇ ਮੇਲ ਸਟਾਰ ਦੀ ਸੈਲਰੀ ਘੱਟ ਕੀਤੀ ਗਈ ਸੀ, ਤਾਂ ਕਿ ਐਮਾ ਅਤੇ ਉਨ੍ਹਾਂ ਨੂੰ ਬਰਾਬਰ ਸੈਲਰੀ ਮਿਲ ਸਕੇ।
![Punjabi Bollywood Tadka](http://static.jagbani.com/multimedia/2017_8image_11_30_503210000841184852e6cfb4387eb05b-ll.jpg)
ਜਾਣਕਾਰੀ ਮੁਤਾਬਕ ਇਸ ਲਿਸਟ 'ਚ ਦੂਜੇ ਨੰਬਰ 'ਤੇ ਜੈਨੇਫਰ ਐਨਿਸਟਨ ਹੈ। ਉਨ੍ਹਾਂ ਨੇ ਪਿਛਲੇ ਇਕ ਸਾਲ 'ਚ 2.55 ਕਰੋੜ ਡਾਲਰ ਕਮਾਏ ਹਨ। ਉਹ ਅਮਰੀਕਨ ਸਿਟਕਾਮ ਫ੍ਰੈਂਡਸ ਤੋਂ ਲਗਾਤਾਰ ਰਾਇਲਟੀ ਪਾ ਰਹੀ ਹੈ। ਡਰਾਮਾ ਫਿਲਮ 'ਦਿ ਯਲੋ ਬਰਥਡੇ' 'ਚ ਵੀ ਨਜ਼ਰ ਆਈ।
![Punjabi Bollywood Tadka](http://static.jagbani.com/multimedia/2017_8image_11_30_470270000maxresdefault-ll.jpg)
ਇਸ ਤੋਂ ਇਲਾਵਾ ਉਹ ਅਮੀਰਾਤ ਏਅਰਲਾਈਨਜ਼ ਦੀ ਬ੍ਰੈਂਡ ਅੰਬੈਸਡਰ ਵੀ ਹੈ। ਇਸ ਲਿਸਟ 'ਚ ਜੈਨੇਫਰ ਲਾਰੇਸ ਤੀਜੇ ਨੰਬਰ 'ਤੇ ਆ ਗਈ ਹੈ, ਜਦਕਿ ਪਿਛਲੇ 2 ਸਾਲਾਂ 'ਚੋਂ ਉਹ ਟਾਪ 'ਤੇ ਬਣੀ ਹੋਈ ਸੀ। ਲਾਰੇਸ ਨੇ ਪਿਛਲੇ ਇਕ ਸਾਲ 'ਚ 2.4 ਕਰੋੜ ਡਾਲਰ ਕਮਾਏ ਹਨ। ਇਹ ਉਸ ਰਕਮ ਤੋਂ ਠੀਕ ਅੱਧਾ ਹੈ, ਜੋ ਉਨ੍ਹਾਂ ਨੇ 2016 'ਚ ਕਮਾਈ ਸੀ।
![Punjabi Bollywood Tadka](http://static.jagbani.com/multimedia/2017_8image_11_30_4396600001392032766-jennifer-ani-ll.jpg)
2016 'ਚ ਉਨ੍ਹਾਂ ਨੇ 4.6 ਕਰੋੜ ਡਾਲਰ ਕਮਾਏ ਸਨ। ਐਮਾ ਦੀ ਫਿਲਮ ਨੇ ਦੁਨੀਆ ਭਰ 'ਚ 445 ਮੀਲੀਅਨ ਡਾਲਰ ਦਾ ਕਾਰੋਬਾਰ ਕੀਤਾ ਹੈ। ਇਸ ਫਿਲਮ ਲਈ ਐਮਾ ਨੇ ਕਈ ਆਡੀਸ਼ਨ ਦਿੱਤੇ ਸਨ। 'ਲਾ ਲਾ ਲੈਂਡ' ਨੂੰ ਆਸਕਰ ਐਵਾਰਡ 'ਚ 14 ਨਾਮੀਨੇਸ਼ਨ ਮਿਲੇ ਸਨ।
![Punjabi Bollywood Tadka](http://static.jagbani.com/multimedia/2017_8image_11_30_412860000b4770ed9c5976562f3f0eb4-ll.jpg)
ਐਮਾ ਹਾਲੀਵੁੱਡ 'ਚ ਮੇਲ ਅਤੇ ਫੀਮੇਲ ਅਦਾਕਾਰਾ ਨੂੰ ਇਕੋ ਜਿਹੀ ਫੀਸ ਦੇਣ ਲਈ ਆਵਾਜ਼ ਉਠਾ ਰਹੀ ਹੈ। ਉਹ ਕਈ ਮੌਕਿਆਂ 'ਤੇ ਇਹ ਮੰਗ ਕਰ ਚੁੱਕੀ ਹੈ।
![Punjabi Bollywood Tadka](http://static.jagbani.com/multimedia/2017_8image_11_30_309690000desktop-1438123723-ll.jpg)