ਮੁੰਬਈ(ਬਿਊਰੋ)- ਬਾਲੀਵੁੱਡ ਤੇ ਪਾਲੀਵੁੱਡ ਵਿਚ ਕਈ ਸਿਤਾਰੇ ਅਜਿਹੇ ਹਨ, ਜਿਨ੍ਹਾਂ ਦੀਆਂ ਫਿਲਮਾਂ ਘੱਟ ਬਿਜ਼ਨੈੱਸ ਕਰਨ ਪਰ ਇਸ ਦੇ ਬਾਵਜੂਦ ਉਹ ਕਿਤੇ ਜ਼ਿਆਦਾ ਕਮਾਉਂਦੇ ਹਨ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਪੰਜਾਬੀ ਸਿਤਾਰਿਆਂ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ 2019 ਦੀ ਫੋਰਬਸ ਦੀ ਸਭ ਤੋਂ ਵੱਧ ਕਮਾਈ ਕਰਨ ਦੀ ਲਿਸਟ ’ਚ ਆਉਂਦੇ ਹਨ।
ਦਿਲਜੀਤ ਦੋਸਾਂਝ (ਰੈਂਕ 39)
ਸਾਲ 2019 'ਚ ਦਿਲਜੀਤ ਦੋਸਾਂਝ ਨੇ 36.91 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਦਿਲਜੀਤ ਦਾ ਇਸ ਲਿਸਟ 'ਚ ਸਾਲ 2017 'ਚ 59ਵਾਂ ਰੈਂਕ ਸੀ, ਜੋ ਸਾਲ 2018 'ਚ ਵੱਧ ਕੇ 45ਵਾਂ ਹੋਇਆ ਤੇ ਇਸ ਸਾਲ 39ਵਾਂ ਹੈ।
ਗੁਰੂ ਰੰਧਾਵਾ (ਰੈਂਕ 49)
ਗੁਰੂ ਰੰਧਾਵਾ ਨੂੰ ਦਾਦਾ 'ਸਾਹਿਬ ਫਾਲਕੇ ਐਕਸੀਲੈਂਸ ਐਵਾਰਡ 2019' ਦਿੱਤਾ ਗਿਆ, ਜੋ 'ਮੋਸਟ ਟਰੈਂਡਿੰਗ ਸਿੰਗਰ 2019' ਲਈ ਮਿਲਿਆ। ਗੁਰੂ ਰੰਧਾਵਾ 26.4 ਕਰੋੜ ਰੁਪਏ ਦੀ ਕਮਾਈ ਨਾਲ ਫੋਰਬਸ ਦੀ ਲਿਸਟ 'ਚ 49ਵੇਂ ਰੈਂਕ 'ਤੇ ਹਨ, ਜਿਨ੍ਹਾਂ ਨੇ ਫੋਰਬਸ ਦੀ ਲਿਸਟ 'ਚ ਡੈਬਿਊ ਕੀਤਾ ਹੈ।
ਬਾਦਸ਼ਾਹ (ਰੈਂਕ 58)
ਬਾਦਸ਼ਾਹ ਫੋਰਬਸ ਦੀ ਲਿਸਟ 'ਚ 29.17 ਕਰੋੜ ਰੁਪਏ ਦੀ ਕਮਾਈ ਨਾਲ 58ਵੇਂ ਰੈਂਕ 'ਤੇ ਹਨ। ਇਸ ਲਿਸਟ 'ਚ ਬਾਦਸ਼ਾਹ ਸਾਲ 2017 'ਚ 35ਵੇਂ ਤੇ ਸਾਲ 2018 'ਚ 63ਵੇਂ 'ਤੇ ਸਥਾਨ 'ਤੇ ਸਨ।
ਕਪਿਲ ਸ਼ਰਮਾ (ਰੈਂਕ 53)
ਕਪਿਲ ਸ਼ਰਮਾ 34.98 ਕਰੋੜ ਰੁਪਏ ਦੀ ਕਮਾਈ ਨਾਲ ਇਸ ਲਿਸਟ 'ਚ 53ਵੇਂ ਰੈਂਕ 'ਤੇ ਹਨ। ਕਪਿਲ ਸ਼ਰਮਾ ਸਾਲ 2017 'ਚ ਇਸ ਲਿਸਟ 'ਚ 18ਵੇਂ ਰੈਂਕ 'ਤੇ ਸਨ, ਜਿਨ੍ਹਾਂ ਨੇ 2018 ਦੇ ਗੈਪ ਤੋਂ ਬਾਅਦ ਇਸ ਸਾਲ ਮੁੜ ਫੋਰਬਸ ਦੀ ਲਿਸਟ 'ਚ ਜਗ੍ਹਾ ਬਣਾਈ ਹੈ।