ਜਲੰਧਰ (ਬਿਊਰੋ) — ਪੰਜਾਬੀ ਗਾਇਕ ਗੈਰੀ ਸੰਧੂ ਜੋ ਕਿ ਬਹੁਤ ਜਲਦ ਆਪਣਾ ਨਵਾਂ ਸਿੰਗਲ ਟਰੈਕ ਲੈ ਕੇ ਆ ਰਹੇ ਹਨ। ਗੈਰੀ ਸੰਧੂ ਨੇ ਆਪਣੇ ਨਵੇਂ ਗੀਤ ਦੀ ਇੱਕ ਛੋਟੀ ਜਿਹੀ ਝਲਕ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ, ਜਿਸ ਤੋਂ ਬਾਅਦ ਦਰਸ਼ਕ ਗੀਤ ਲਈ ਉਤਸੁਕ ਨਜ਼ਰ ਆ ਰਹੇ ਹਨ। ਫ਼ਿਲਹਾਲ ਹੁਣ ਤੱਕ ਗੈਰੀ ਸੰਧੂ ਨੇ ਗੀਤ ਦੇ ਟਾਈਟਲ ਬਾਰੇ ਕੋਈ ਖ਼ੁਲਾਸਾ ਨਹੀਂ ਕੀਤਾ ਹੈ, ਸਿਰਫ਼ ਉਨ੍ਹਾਂ ਨੇ ਕੈਪਸ਼ਨ 'ਚ ਇਹ ਲਿਖਿਆ ਹੈ ਕਿ 'ਬਹੁਤ ਜਲਦ ਫਰੇਸ਼ ਮੀਡੀਆ ਰਿਕਾਡਸ 'ਤੇ ਆਉਣ ਵਾਲਾ ਹੈ।' ਕੋਰੋਨਾ ਵਾਇਰਸ ਕਰਕੇ ਲਗਭਗ ਸਾਰੇ ਹੀ ਦੇਸ਼ਾਂ ਦੀ ਇੰਟਰਨੈਸ਼ਨਲ ਫਲਾਈਟਸ ਬੰਦ ਹਨ, ਜਿਸ ਕਰਕੇ ਗੈਰੀ ਸੰਧੂ ਵੀ ਵਿਦੇਸ਼ ਹੀ ਰਹਿ ਰਹੇ ਹਨ। ਉਹ ਉਥੋਂ ਲਾਈਵ ਹੋ ਕੇ ਪੰਜਾਬੀ ਕਾਲਾਕਾਰਾਂ ਨਾਲ ਗੱਲਬਾਤਾਂ ਕਰਦੇ ਹੋਏ ਵਿਖਾਈ ਦਿੰਦੇ ਰਹਿੰਦੇ ਹਨ।
ਜੇ ਗੱਲ ਕਰੀਏ ਗੈਰੀ ਸੰਧੂ ਦੇ ਵਰਕ ਫਰੰਟ ਦੀ ਤਾਂ ਉਨ੍ਹਾਂ ਨੇ ਪੰਜਾਬੀ ਸੰਗੀਤ ਜਗਤ ਨੂੰ ਕਈ ਹਿੱਟ ਗੀਤ ਜਿਵੇਂ 'ਯਾਹ ਬੇਬੀ', 'ਵੱਲ੍ਹਾ', 'ਲਾਈਕ ਯੂ', 'ਲੱਡੂ', 'ਰੱਬ ਜਾਣੇ', 'ਜਾ ਨੀ ਜਾ', 'ਟੇਚੀ' ਵਰਗੇ ਕਈ ਸ਼ਾਨਦਾਰ ਗੀਤ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਉਹ 'ਚੱਲ ਮੇਰਾ ਪੁੱਤ 2' ਦੇ ਨਾਲ ਇੱਕ ਵਾਰ ਫਿਰ ਤੋਂ ਅਦਾਕਾਰੀ ਕਰਦੇ ਹੋਏ ਨਜ਼ਰ ਆਏ ਹਨ। ਜਦੋਂ ਹਲਾਤ ਠੀਕ ਹੋ ਜਾਣਗੇ ਤਾਂ ਇਸ ਫ਼ਿਲਮ ਨੂੰ ਮੁੜ ਤੋਂ ਪੰਜਾਬ 'ਚ ਰਿਲੀਜ਼ ਕੀਤਾ ਜਾਵੇਗਾ।