ਮੁੰਬਈ(ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਜੈਨੇਲੀਆ ਡਿਸੂਜ਼ਾ ਅੱਜ ਆਪਣਾ 32ਵਾਂ ਜਨਮਦਿਨ ਮਨਾ ਰਹੀ ਹੈ। ਬਾਲੀਵੁੱਡ ਇੰਡਸਟਰੀ 'ਚ ਫਿਮਲ 'ਜਾਨੇ ਤੂੰ ਯਾ ਨਾ ਜਾਨੇ' 'ਚ ਆਦਿਤੀ ਦੇ ਕਿਰਦਾਰ 'ਚ ਜੈਨੇਲੀਆ ਨੂੰ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ। ਅੱਜ ਅਸੀਂ ਉਨ੍ਹਾਂ ਦੇ ਜਨਮਦਿਨ 'ਤੇ ਜਾਣਦੇ ਹਾਂ ਉਨ੍ਹਾਂ ਦੀ ਜ਼ਿੰਦਗੀ ਦੀਆਂ ਕੁਝ ਦਿਲਚਸਪ ਗੱਲਾਂ।
ਬਾਲੀਵੁੱਡ 'ਚ ਭਾਵੇ ਜੈਨੇਲੀਆ ਨੂੰ ਪਛਾਣ 2005 'ਚ ਆਈ ਫਿਲਮ 'ਜਾਨੇ ਤੂੰ ਯਾ ਨਾ ਜਾਨੇ' ਨਾਲ ਮਿਲੀ ਹੋਵੇ ਪਰ ਤਾਮਿਲ ਅਤੇ ਤੇਲਗੂ ਸਿਨੇਮਾ 'ਚ ਜੈਨੇਲੀਆ ਦਾ ਨਾਂ ਕਾਫੀ ਮਸ਼ਹੂਰ ਹੈ। ਹਿੰਦੀ ਫਿਲਮਾਂ ਤੋਂ ਪਹਿਲਾਂ ਜੈਨੇਲੀਆ ਨੇ ਆਪਣੇ ਪੈਰ ਉੱਥੇ ਜਮਾ ਲਏ ਸਨ। ਜੇਨੇਲੀਆ ਦੀ ਪਹਿਲੀ ਤਾਮਿਲ ਫਿਲਮ 'ਬਵਾਏਜ਼' 2003 'ਚ ਆਈ ਸੀ। ਇਸ 'ਚ ਉਨ੍ਹਾਂ ਇਕ ਅਮੀਰ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ, ਜਿਸ 'ਚ ਇਕ ਸਾਧਾਰਨ ਪਰਿਵਾਰ ਦੇ ਲੜਕੇ ਨਾਲ ਪਿਆਰ ਹੋ ਜਾਂਦਾ ਹੈ। ਤੇਲਗੂ ਫਿਲਮ 'ਹੈਪੀ' ਤੋਂ ਬਾਅਦ ਜੈਨੇਲੀਆ ਦੇ ਫੈਨਜ਼ ਦੀ ਗਿਣਤੀ ਵੱਧ ਗਈ ਸੀ। ਇਸ ਫਿਲਮ 'ਚ ਜੈਨੇਲੀਆ ਨੇ ਹਸੀਨੀ ਰਾਓ ਦਾ ਕਿਰਦਾਰ ਨਿਭਾਇਆ ਸੀ।
ਜੈਨੇਲੀਆ ਸਾਲ 2012 'ਚ ਬਾਲੀਵੁੱਡ ਅਭਿਨੇਤਾ ਰਿਤੇਸ਼ ਦੇਸ਼ਮੁਖ ਨਾਲ ਵਿਆਹ ਦੇ ਬੰਧਨ 'ਚ ਬੱਝੀ ਸੀ। ਦੱਸ ਦੇਈਏ ਕਿ ਹੁਣ ਇਨ੍ਹਾਂ ਦੋਵਾਂ ਦੇ ਦੋ ਬੇਟੇ ਵੀ ਹਨ। ਕਰੀਬ 35 ਫਿਲਮਾਂ 'ਚ ਕੰਮ ਕਰ ਚੁੱਕੀ ਜੈਨੇਲੀਆ ਆਪਣੀ ਅਦਾਕਾਰੀ ਕਰਕੇ ਕਈ ਐਵਾਰਡਜ਼ ਜਿੱਤ ਚੁੱਕੀ ਹੈ। 'ਜਾਨੇ ਤੂੰ ਯਾ ਜਾਨੇ ਨਾ' ਲਈ 'ਸਟਾਰ ਸਕ੍ਰੀਨ ਐਵਾਰਡਸ' ਵਲੋਂਡ ਡੈਨੇਲੀਆ 'ਬੈਸਟ ਅਭਿਨੇਤਰੀ' ਦਾ ਖਿਤਾਬ ਵੀ ਆਪਣੇ ਨਾਂ ਕਰ ਚੁੱਕੀ ਹੈ।