ਮੁੰਬਈ (ਬਿਊਰੋ)— ਅਮਰੀਕੀ ਅਭਿਨੇਤਾ ਜਾਰਜ ਕਲੂਨੀ ਆਪਣੀ ਪਤਨੀ ਅਮਾਲ ਕਲੂਨੀ ਨਾਲ ਡਿਨਰ ਡੇਟ 'ਤੇ ਇਕੱਠੇ ਨਜ਼ਰ ਆਏ। ਜਾਰਜ ਨੇ ਪਤਨੀ ਅਮਾਲ ਨਾਲ ਕੋਕੋ ਝੀਲ ਦੇ ਨੇੜੇ ਇਕ ਰੈਸਟੋਰੈਂਟ 'ਚ ਡਿਨਰ ਦਾ ਆਨੰਦ ਲੈਂਦੇ ਨਜ਼ਰ ਆਏ।
ਇਹ ਤਸਵੀਰਾਂ ਉਦੋਂ ਕਲਿੱਕ ਕੀਤੀਆਂ ਗਈਆਂ, ਜਦੋਂ ਦੋਵੇਂ ਡਿਨਰ ਕਰਨ ਤੋਂ ਬਾਅਦ ਰੈਸਟੋਰੈਂਟ 'ਚੋਂ ਬਾਹਰ ਨਿਕਲ ਰਹੇ ਸੀ। ਇਸ ਦੌਰਾਨ ਅਮਾਲ ਸਫੈਦ ਅਤੇ ਕਾਲੇ ਰੰਗ ਦੀ ਡਰੈੱਸ ਕਾਫੀ ਖੂਬਸੂਰਤ ਲੱਗ ਰਹੀ ਸੀ, ਜਦਕਿ ਜਾਰਜ ਬਲੈਕ ਸੂਟ 'ਚ ਕਾਫੀ ਸਟਾਈਲਿਸ਼ ਨਜ਼ਰ ਆਏ।
ਜਾਰਜ ਦੀ ਪਤਨੀ ਅਮਾਲ ਨੇ ਪਿਛਲੇ ਸਾਲ ਜੁੜਵਾ ਬੱਚਿਆਂ ਨੂੰ ਜਨਮ ਦਿੱਤਾ ਸੀ। ਦੱਸਣਯੋਗ ਹੈ ਕਿ ਜਾਰਜ 10 ਜੁਲਾਈ ਨੂੰ 'ਕੈਚ 22' ਦੀ ਸ਼ੂਟਿੰਗ ਦੌਰਾਨ ਹਾਦਸੇ 'ਚ ਜ਼ਖਮੀ ਹੋ ਗਏ ਸਨ। ਹਾਲਾਂਕਿ ਉਨ੍ਹਾਂ ਨੂੰ ਕੋਈ ਗੰਭੀਰ ਸੱਟ ਨਹੀਂ ਲੱਗੀ ਸੀ।