ਜਲੰਧਰ— ਗਿੱਪੀ ਗਰੇਵਾਲ ਦੀ ਫਿਲਮ 'ਕਪਤਾਨ' ਦਾ ਟਰੇਲਰ ਇਨ੍ਹੀਂ ਦਿਨੀਂ ਹਰ ਪਾਸੇ ਚਰਚਾ 'ਚ ਹੈ। ਫਿਲਮ 'ਚ ਗਿੱਪੀ ਗਰੇਵਾਲ, ਮੋਨਿਕਾ ਗਿੱਲ, ਕਰਿਸ਼ਮਾ ਕੋਟਕ ਸਣੇ ਕਈ ਸਿਤਾਰੇ ਨਜ਼ਰ ਆਉਣ ਵਾਲੇ ਹਨ। ਫਿਲਮ ਦਾ ਪਹਿਲਾ ਗੀਤ 'ਆਸਕਰ' ਵੀ ਰਿਲੀਜ਼ ਹੋ ਚੁੱਕਾ ਹੈ। ਇਸ ਗੀਤ ਨੂੰ ਗਿੱਪੀ ਗਰੇਵਾਲ ਤੇ ਰੈਪਰ ਬਾਦਸ਼ਾਹ ਵਲੋਂ ਗਾਇਆ ਗਿਆ ਹੈ। ਦੋਵਾਂ ਨੇ ਪਹਿਲਾਂ ਵੀ ਸੁਪਰਹਿੱਟ ਗੀਤ ਇਕੱਠੇ ਦਿੱਤੇ ਹਨ ਤੇ 'ਆਸਕਰ' 'ਚ ਵੀ ਇਹ ਸੁਪਰਹਿੱਟ ਜੋੜੀ ਇਕੱਠੀ ਨਜ਼ਰ ਆ ਰਹੀ ਹੈ।
ਗੀਤ ਦਾ ਮਿਊਜ਼ਿਕ ਬੀ ਪਰਾਕ ਨੇ ਦਿੱਤਾ ਹੈ, ਜਦਕਿ ਇਸ ਦੇ ਬੋਲ ਜਾਨੀ ਨੇ ਲਿਖੇ ਹਨ। 'ਕਪਤਾਨ' ਫਿਲਮ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ ਗਿੱਪੀ ਗਰੇਵਾਲ ਇਸ 'ਚ ਇਕ ਵਕੀਲ ਦੀ ਭੂਮਿਕਾ ਨਿਭਾਅ ਰਹੇ ਹਨ। ਫਿਲਮ ਦੇ ਟਰੇਲਰ ਨੂੰ ਦੇਖ ਕੇ ਇਹ ਸਾਫ ਨਜ਼ਰ ਆ ਰਿਹਾ ਹੈ ਕਿ 'ਕਪਤਾਨ' 'ਚ ਐਕਸ਼ਨ, ਡਰਾਮਾ, ਸਸਪੈਂਸ ਤੇ ਕਾਮੇਡੀ ਦਾ ਭਰਪੂਰ ਤੜਕਾ ਹੋਵੇਗਾ। ਫਿਲਮ 20 ਮਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।