ਮੁੰਬਈ(ਬਿਊਰੋ)- ਸਿਨੇਮਾ ਦੇ ਖੇਤਰ 'ਚ ਦਿੱਤੇ ਜਾਣ ਵਾਲੇ ਦੁਨੀਆ ਦੇ ਸਭ ਤੋਂ ਮਸ਼ਹੂਰ ਐਵਾਰਡਜ਼ 'ਚੋਂ ਇਕ ‘ਗੋਲਡਨ ਗਲੋਬ ਐਵਾਰਡ’ ਦੀ ਸ਼ੁਰੂਆਤ ਹੋ ਗਈ ਹੈ। ਗੋਲਡਨ ਗਲੋਬ 2020 ਐਵਾਰਡ ਸੈਰੇਮਨੀ ਅਮਰੀਕਾ ਸਥਿਤ ਲਾਸ ਏਂਜਲਸ ਸ਼ਹਿਰ ਦੇ ਬੇਵਰਲੀ ਹਿਲਟਨ ਹੋਲਟਲ 'ਚ ਹੋ ਰਹੀ ਹੈ ਤੇ ਇਸ ਨੂੰ ਆਸਕਰ ਤੋਂ ਬਾਅਦ ਦੂਜਾ ਸਭ ਤੋਂ ਵੱਕਾਰੀ ਐਵਾਰਡ ਮੰਨਿਆ ਜਾਂਦਾ ਹੈ। ਇਸ ਸਾਲ ਵੀ ਭਾਰਤ ਦੀ ਕਿਸੇ ਵੀ ਫਿਲਮ ਦੀ ਐਵਾਰਡਜ਼ 'ਚ ਨੌਮੀਨੇਸ਼ਨ ਨਹੀਂ ਹੋਈ ਹੈ।
ਦੱਸ ਦੇਈਏ ਕਿ ਐਵਾਰਡਜ਼ ਸ਼ੋਅ 'ਚ ਪ੍ਰਿਅੰਕਾ ਚੋਪੜਾ ਦਾ ਜਲਵਾ ਦੇਖਣ ਨੂੰ ਮਿਲਿਆ, ਦਰਅਸਲ ਵਿਚ ਈਵੈਂਟ 'ਚ ਪ੍ਰਿਅੰਕਾ ਚੋਪੜਾ ਨੇ ਆਪਣੇ ਪਤੀ ਨਿੱਕ ਜੋਨਸ ਨਾਲ ਸ਼ਿਰਕਤ ਕੀਤੀ ਸੀ। ਇਸ ਦੌਰਾਨ ਦੀਆਂ ਤਸਵੀਰਾਂ ਸਾਹਮਣੇ ਆ ਗਈਆਂ ਹਨ। ਤਸਵੀਰਾਂ 'ਚ ਪ੍ਰਿਅੰਕਾ ਚੋਪੜਾ ਪਿੰਕ ਡਰੈੱਸ 'ਚ ਪਤੀ ਨਿੱਕ ਨਾਲ ਦਿਖਾਈ ਦੇ ਰਹੀ ਹੈ।
ਇਸ ਦੌਰਾਨ ਕਈ ਹਾਲੀਵੁੱਡ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਕੁਝ ਹਫਤੇ ਪਹਿਲਾਂ ਇਸ ਸਾਲ ਦੇ ‘ਗੋਲਡਨ ਗਲੋਬਜ਼ ਐਵਾਰਡ’ ਲਈ ਨੌਮੀਨੇਸ਼ਨ ਦਾ ਐਲਾਨ ਕਰ ਦਿੱਤਾ ਗਿਆ ਸੀ ਤੇ ਹੁਣ ਐਵਾਰਡਜ਼ ਦਾ ਐਲਾਨ ਕੀਤਾ ਗਿਆ। ਇਸ ਵਾਰ ਐਵਾਰਡਜ਼ 'ਚ ਫਿਲਮ 'ਜੋਕਰ' ਦਾ ਬੋਲਬਾਲਾ ਰਿਹਾ ਤੇ ਫਿਲਮ ਦੇ ਅਦਾਕਾਰ ਯੋਕਿਨ ਫੀਨਿਕਸ ਨੂੰ ਬੈਸਟ ਐਕਟਰ ਦਾ ਐਵਾਰਡ ਮਿਲਿਆ।
ਕਾਬਿਲੇਗ਼ੌਰ ਹੈ ਕਿ ਭਾਰਤ ਵੱਲੋਂ ਇਸ ਸਾਲ ਵੀ ਗੋਲਡਨ ਗਲੋਬ ਲਈ ਇਕ ਵੀ ਨੌਮੀਨੇਸ਼ਨ ਨਹੀਂ ਹੈ। ਭਾਰਤ ਦੀ ਕੋਈ ਵੀ ਫਿਲਮ ਇਸ ਐਵਾਰਡ ਤੱਕ ਨਹੀਂ ਪਹੁੰਚ ਪਾ ਰਹੀ। ਆਖਿਰੀ ਵਾਰ 2002 'ਚ ਮੀਰਾ ਨਾਇਰ ਦੀ ਫਿਲਮ 'ਮੌਨਸੂਨ ਵੈਡਿੰਗ' ਬੈਸਟ ਫੌਰਨ ਲੈਂਗਵੇਜ ਮੋਸ਼ਨ ਪਿਕਚਰ ਕੈਟਾਗਰੀ 'ਚ ਨੌਮੀਨੇਟ ਹੋਈ ਸੀ। ਉੱਥੇ ਹੀ 37 ਸਾਲ ਪਹਿਲਾਂ ਫਿਲਮ 'ਗਾਂਧੀ' ਇਸ ਖਿਤਾਬ ਨੂੰ ਜਿੱਤਣ ਵਾਲੀ ਆਖਰੀ ਭਾਰਤੀ ਫਿਲਮ ਸੀ।
ਗੋਲਡਨ ਗਲੋਬ 2020 ਐਵਾਰਡ Winner List :
ਫਿਲਮ ‘1917’ ਨੂੰ ਮਿਲਿਆ ਬੈਸਟ ਮੋਸਨ ਪਿਕਚਰ ਡਰਾਮਾ ਐਵਾਰਡ।
Renee Zellweger ਨੂੰ ਫਿਲਮ Judy ਲਈ ਮਿਲਿਆ ਬੈਸਟ ਅਦਾਕਾਰਾ ਦਾ ਐਵਾਰਡ।
Joaquin Phoenix ਨੂੰ ਫਿਲਮ ‘ਜੋਕਰ’ ਲਈ ਮਿਲਿਆ ਬੈਸਟ ਅਦਾਕਾਰ ਦਾ ਐਵਾਰਡ।
Once Upon a Time...in Hollywood ਨੂੰ ਮਿਲਿਆ ਬੈਸਟ ਮੋਸ਼ਨ ਪਿਕਚਰ ਦਾ ਐਵਾਰਡ।
Awkwafina ਨੂੰ ਮਿਲਿਆ ਬੈਸਟ ਐਕਟ੍ਰੈੱਸ ਮੋਸ਼ਨ ਪਿਕਚਰ, ਮਿਊਜ਼ੀਕਲ ਆਰ ਕਾਮੇਡੀ ਫਾਰ ਦਿ ਫੇਅਰਵੈੱਲ।
‘ਬ੍ਰੈਡਪਿਟ’ ਨੂੰ ਮਿਲਿਆ ਬੈਸਟ ਸਪੋਰਟਿੰਗ ਐਕਟਰ ਇਨ ਮੋਸ਼ਨ ਪਿਕਚਰ ਐਵਾਰਡ।
‘ਜੋਕਰ’ ਨੂੰ ਮਿਲਿਆ ਬੈਸਟ ਓਰੀਜਨਲ ਸਕੋਰ ਐਵਾਰਡ।
Michelle Williams ਨੂੰ ਮਿਲਿਆ ਬੈਸਟ ਐਕਟ੍ਰੈੱਸ ਇਨ ਲਿਮਟਿਡ ਸੀਰੀਜ਼ ਦਾ ਐਵਾਰਡ।