ਮੁੰਬਈ(ਬਿਊਰੋ)- ਬਾਲੀਵੁੱਡ ਐਕਟਰ ਗੋਵਿੰਦਾ ਕਾਫੀ ਸਮੇਂ ਤੋਂ ਫਿਲਮਾਂ ਤੋਂ ਦੂਰ ਹਨ। ਹਾਲ ਹੀ ਵਿਚ ਉਹ ਕਪਿਲ ਸ਼ਰਮਾ ਦੇ ਸ਼ੋਅ ‘ਦਿ ਕਪਿਲ ਸ਼ਰਮਾ’ ਵਿਚ ਪਹੁੰਚੇ। ਇਸ ਦੌਰਾਨ ਉਨ੍ਹਾਂ ਨਾਲ ਉਨ੍ਹਾਂ ਦੀ ਪਤਨੀ ਅਤੇ ਧੀ ਵੀ ਮੌਜੂਦ ਸੀ। ਇਸ ਸ਼ੋਅ ਵਿਚ ਗੋਵਿੰਦਾ ਨੇ ਆਪਣੀ ਪਤਨੀ ਨਾਲ ਦੁਬਾਰਾ ਵਿਆਹ ਦੀਆਂ ਰਸਮਾਂ ਨਿਭਾਈਆਂ। ਦਰਅਸਲ, ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਤਸਵੀਰ ਵਿਚ ਗੋਵਿੰਦਾ, ਆਪਣੀ ਪਤਨੀ ਸੁਨੀਤਾ ਦੀ ਮਾਂਗ ਵਿਚ ਸੰਧੂਰ ਭਰ ਰਹੇ ਹਨ ਅਤੇ ਉਸ ਤੋਂ ਬਾਅਦ ਉਹ ਪਤਨੀ ਨਾਲ ਰੋਮਾਂਟਿਕ ਡਾਂਸ ਕਰਦੇ ਹਨ।
ਦੱਸ ਦੇਈਏ ਕਿ ਇਸ ਦੌਰਾਨ ਸੁਨੀਤਾ ਨੇ ਰੈੱਡ ਐਂਡ ਗੋਲਡਨ ਕਲਰ ਦਾ ਹੈਵੀ ਸੂਟ ਪਾਇਆ ਹੋਇਆ ਸੀ ਅਤੇ ਇਸ ਵਿਚ ਉਹ ਬਿਲਕੁੱਲ ਦੁਲਹਨ ਵਰਗੀ ਨਜ਼ਰ ਆ ਰਹੀ ਸੀ। ਗੋਵਿੰਦਾ ਸ਼ੋਅ ਵਿਚ ਆਪਣੀ ਧੀ ਲਈ ਗਏ ਸਨ। ਦਰਅਸਲ, ਗੋਵਿੰਦਾ ਦੀ ਧੀ ਟੀਨਾ ਦਾ ਹਾਲ ਹੀ ਵਿਚ ਐਲਬਮ ਸਾਂਗ ਰਿਲੀਜ਼ ਹੋਇਆ ਹੈ।
ਇਸ ਐਲਬਮ ਦੇ ਪ੍ਰਮੋਸ਼ਨ ਲਈ ਗੋਵਿੰਦਾ ਆਪਣੀ ਪਤਨੀ ਨਾਲ ਇੱਥੇ ਪਹੁੰਚੇ। ਇਸ ਦੀ ਨਾਲ ਹੀ ਸਿੰਗਰ ਗਜੇਂਦਰ ਵਰਮਾ ਵੀ ਇਨ੍ਹਾਂ ਨਾਲ ਨਜ਼ਰ ਆਏ।