ਜਲੰਧਰ (ਬਿਊਰੋ) — ਕਿਸੇ ਸ਼ਖਸ ਦੇ ਜੀਵਨ 'ਚ ਗੁਰੂ ਦਾ ਖਾਸ ਮਹੱਤਵ ਬੇਹੱਦ ਜ਼ਿਆਦਾ ਹੁੰਦਾ ਹੈ। ਇਹ ਗੁਰੂ ਹੀ ਹੈ, ਜੋ ਕਿਸੇ ਮੁੱਨਖ ਨੂੰ ਪ੍ਰਮਾਤਮਾ ਨਾਲ ਮਿਲਾਉਣ ਦਾ ਰਸਤਾ ਦਿਖਾਉਂਦਾ ਹੈ। ਪੰਜਾਬੀ ਸੰਗੀਤ ਜਗਤ ਦੇ ਉੱਘੇ ਗਾਇਕ ਗੁਰਦਾਸ ਮਾਨ 'ਪੀਰ ਸਾਈਂ ਲਾਡੀ ਸ਼ਾਹ' ਨੂੰ ਆਪਣਾ ਗੁਰੂ ਮੰਨਦੇ ਹਨ। ਜੀ ਹਾਂ, ਇਹ ਅਸੀਂ ਨਹੀਂ ਸਗੋਂ ਖੁਦ ਗੁਰਦਾਸ ਮਾਨ ਜੀ ਆਖ ਰਹੇ ਹਨ।
ਦਰਅਸਲ ਇਨ੍ਹੀਂ ਦਿਨੀਂ ਗੁਰਦਾਸ ਮਾਨ ਦਾ ਇਕ ਪੁਰਾਣਾ ਇੰਟਰਵਿਊ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਨ੍ਹਾਂ ਨੇ ਖੁਲਾਸਾ ਕੀਤਾ ਹੈ ਕਿ ਨਕੋਦਰ ਵਾਲੇ ਪੀਰ ਸਾਈਂ ਲਾਡੀ ਸ਼ਾਹ ਉਨ੍ਹਾਂ ਦੇ ਜੀਵਨ 'ਚ ਕੀ ਮਹੱਤਵ ਰੱਖਦੇ ਹਨ।
ਇਸ ਇੰਟਰਵਿਊ 'ਚ ਗੁਰਦਾਸ ਦੱਸਦੇ ਹਨ ''ਗੁਰੂ ਬਹੁਤ ਹੀ ਭਾਗਾਂ ਵਾਲੇ ਲੋਕਾਂ ਨੂੰ ਮਿਲਦਾ ਹੈ। ਮੈਨੂੰ ਸਾਈਂ ਲਾਡੀ ਸ਼ਾਹ ਨਾਲ ਸਭ ਤੋਂ ਪਹਿਲਾਂ ਸੁਰਿੰਦਰ ਸ਼ਿੰਦਾ ਨੇ ਮਿਲਾਇਆ ਸੀ ਪਰ ਗੁਰਦਾਸ ਮਾਨ ਦਾ ਕਹਿਣਾ ਹੈ ਕਿ ਇਸ ਮੁਲਾਕਾਤ ਤੋਂ ਪਹਿਲਾ ਹੀ ਮੈਂ ਸਾਈਂ ਲਾਡੀ ਸ਼ਾਹ ਨੂੰ ਸੁਪਨੇ 'ਚ ਦੇਖ ਲਿਆ ਸੀ।
ਗੁਰਦਾਸ ਮਾਨ ਪਹਿਲੀ ਮੁਲਾਕਾਤ ਦੌਰਾਨ ਹੀ ਇੰਨੇ ਪ੍ਰਭਾਵਿਤ ਹੋਏ ਕਿ ਉਹ ਸਾਈਂ ਲਾਡੀ ਸ਼ਾਹ ਦੇ ਮੁਰੀਦ ਹੋ ਗਏ।
ਇਸ ਮੁਲਾਕਾਤ ਤੋਂ ਬਾਅਦ ਗੁਰਦਾਸ ਮਾਨ 5 ਸਾਲਾਂ ਦੇ ਲੰਮੇ ਅਰਸੇ ਦੌਰਾਨ ਸਾਈਂ ਲਾਡੀ ਸ਼ਾਹ ਨੂੰ ਨਹੀਂ ਮਿਲੇ ਪਰ ਜਦੋਂ ਦੂਜੀ ਮੁਲਾਕਾਤ ਹੋਈ ਤਾਂ ਮੈਂ ਸਾਈਂ ਲਾਡੀ ਸ਼ਾਹ ਨੂੰ ਹੀ ਆਪਣਾ ਗੁਰੂ ਮੰਨ ਲਿਆ।''