ਜਲੰਧਰ (ਬਿਉਰੋ) ਸਾਲ 2017 'ਚ ਆਇਆ ਗੁਰਨਾਮ ਭੁੱਲਰ ਦਾ ਗੀਤ 'ਡਰਾਈਵਰੀ' ਕਾਫੀ ਹਿੱਟ ਹੋਇਆ ਸੀ।ਗੁਰਨਾਮ ਭੁੱਲਰ ਤੇ ਦੀਪਕ ਢਿਲੋਂ ਵੱਲੋਂ ਗਾਇਆ ਇਹ ਡਿਊਟ ਗੀਤ ਸਰੋਤਿਆਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ ਸੀ ਤੇ ਹੁਣ ਇਸ ਗੀਤ ਦੀ ਤਰਜ਼ 'ਤੇ ਹੀ ਗੁਰਨਾਮ ਭੁੱਲਰ ਆਪਣਾ ਨਵਾਂ ਗੀਤ 'ਡਰਾਈਵਰੀ 2' ਲੈ ਕੇ ਆ ਰਹੇ ਹਨ। ਪਰ ਇਸ ਵਾਰ ਗੁਰਨਾਮ ਭੁੱਲਰ ਨਾਲ ਦੀਪਕ ਢਿਲੋਂ ਨਹੀਂ ਬਲਕਿ ਬਾਲੀਵੁੱਡ ਤੇ ਪਾਲੀਵੁੱਡ ਗਾਇਕਾ ਸ਼ਿਪਰਾ ਗੋਇਲ ਸਾਥ ਦੇ ਰਹੀ ਹੈ।
ਦੱਸਣਯੋਗ ਹੈ ਕਿ ਗੁਰਨਾਮ ਭੁੱਲਰ ਤੇ ਸ਼ਿਪਰਾ ਗੋਇਲ ਦੇ ਇਸ ਨਵੇਂ ਗੀਤ ਨੂੰ ਗੀਤਕਾਰ ਦਲਬੀਰ ਭੁੱਲਰ ਨੇ ਲਿਖਿਆ ਹੈ ਤੇ ਮਿਊਜ਼ਿਕ ਇੰਪਾਇਰ ਨੇ ਇਸ ਦਾ ਮਿਊਜ਼ਿਕ ਤਿਆਰ ਕੀਤਾ ਹੈ।ਟਰੂ ਰੂਟਸ ਨੇ ਇਸ ਗੀਤ ਦੀ ਵੀਡੀਓ ਬਣਾਈ ਹੈ।ਜੱਸ ਰਿਕਾਰਡਸ ਦੇ ਬੈਨਰ ਹੇਠ ਇਹ ਗੀਤ 28 ਜੂਨ ਨੂੰ ਰਿਲੀਜ਼ ਕੀਤਾ ਜਾਵੇਗਾ ।ਗੁਰਨਾਮ ਭੁੱਲਰ ਇਸ ਤੋਂ ਪਹਿਲਾ 'ਮੈਂ ਕਰਦੀ', 'ਸ਼ਨੀਵਾਰ', 'ਡਾਇਮੰਡ' ਤੇ 'ਵਾਕੇ' ਵਰਗੇ ਹਿੱਟ ਗੀਤ ਪੰਜਾਬੀ ਸੰਗੀਤ ਜਗਤ ਨੂੰ ਦੇ ਚੁੱਕੇ ਹਨ।ਗੁਰਨਾਮ ਭੁੱਲਰ ਗਾਇਕੀ ਦੇ ਨਾਲ-ਨਾਲ ਫਿਲਮਾਂ 'ਚ ਵੀ ਕਾਫੀ ਸਰਗਰਮ ਹੈ।