ਮੁੰਬਈ(ਬਿਊਰੋ)- ਸੰਨੀ ਦਿਓਲ ਦਾ ਬੇਟਾ ਕਰਨ ਦਿਓਲ ਅੱਜ ਆਪਣਾ 29ਵਾਂ ਜਨਮਦਿਨ ਮਨਾ ਰਿਹਾ ਹੈ। ਕਰਨ ਦਾ ਜਨਮਦਿਨ 27 ਨਵੰਬਰ 1990 ਨੂੰ ਹੋਇਆ ਸੀ। ਕਰਨ ਦੇ ਜਨਮਦਿਨ ਤੇ ਸੰਨੀ ਦਿਓਲ ਨੇ ਉਸ ਨੂੰ ਬਹੁਤ ਹੀ ਖਾਸ ਅੰਦਾਜ਼ ਵਿਚ ਜਨਮਦਿਨ ਦੀ ਵਧਾਈ ਦਿੱਤੀ ਹੈ । ਸੰਨੀ ਨੇ ਆਪਣੇ ਬੇਟੇ ਦੀ ਤਸਵੀਰ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਸ਼ੇਅਰ ਕੀਤੀ ਹੈ। ਸੰਨੀ ਵੱਲੋਂ ਸ਼ੇਅਰ ਕੀਤੀ ਤਸਵੀਰ ਕਰਨ ਦੇ ਬਚਪਨ ਦੀ ਹੈ।
ਇਸ ਤਸਵੀਰ ਵਿਚ ਕਰਨ ਸੰਨੀ ਦੀ ਛਾਤੀ ਨਾਲ ਲੱਗ ਕੇ ਮੁਸਕਰਾ ਰਿਹਾ ਹੈ। ਇਸ ਤਸਵੀਰ ਨਾਲ ਸੰਨੀ ਨੇ ਬਹੁਤ ਹੀ ਪਿਆਰਾ ਕੈਪਸ਼ਨ ਦਿੱਤਾ ਹੈ । ਸੰਨੀ ਵੱਲੋਂ ਸ਼ੇਅਰ ਕੀਤੀ ਇਹ ਤਸਵੀਰ ਕਾਫੀ ਵਾਇਰਲ ਹੋ ਰਹੀ ਹੈ। ਇਸ ਦੇ ਨਾਲ ਹੀ ਕਰਨ ਦੇ ਦਾਦੇ ਧਰਮਿੰਦਰ ਨੇ ਵੀ ਕਰਨ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਹੈ। ਦੱਸ ਦੇਈਏ ਕਿ ਕਰਨ ਦਿਓਲ ਨੇ ਹਾਲ ਹੀ ਵਿਚ ਫਿਲਮ ‘ਪਲ ਪਲ ਦਿਲ ਕੇ ਪਾਸ’ ਨਾਲ ਬਾਲੀਵੁੱਡ ਵਿਚ ਕਦਮ ਰੱਖਿਆ ਹੈ ।