ਜਲੰਧਰ— ਪੰਜਾਬੀ ਇੰਡਸਟਰੀ 'ਚ 'ਸੋਚ', 'ਜੋਕਰ', 'ਨਾ ਜੀ ਨਾ' ਵਰਗੇ ਸੁਪਰਹਿੱਟ ਗੀਤਾਂ ਨਾਲ ਪ੍ਰਸਿੱਧੀ ਖੱਟਣ ਵਾਲੇ ਪੰਜਾਬੀ ਗਾਇਕ ਹਾਰਡੀ ਸੰਧੂ ਦਾ ਅੱਜ 31ਵਾਂ ਜਨਮਦਿਨ ਹੈ। ਇਸ ਗੀਤ ਨੇ ਹਾਰਡੀ ਨੂੰ ਪੂਰੀ ਇੰਡਸਟਰੀ 'ਚ ਇਕ ਵੱਖਰੀ ਪਛਾਣ ਦਿੱਤੀ ਹੈ। ਇਸ ਗੀਤ ਨਾਲ ਹਾਰਡੀ ਨੂੰ ਬਹੁਤ ਫਾਇਦਾ ਹੋਇਆ ਸੀ ਤੇ ਇੰਡਸਟਰੀ 'ਚ ਹੋਰ ਕੰਮ ਮਿਲਣਾ ਸ਼ੁਰੂ ਹੋਇਆ।
ਹਾਰਡੀ ਸੰਧੂ ਦੇ ਜ਼ਿਆਦਾਤਰ ਗੀਤ ਰੋਮਾਂਟਿਕ ਸਨ। ਫਿਰ ਹਾਰਡੀ ਨੇ ਆਪਣੇ ਆਪ ਨੂੰ ਬੀਟ ਗੀਤਾਂ 'ਚ ਵੀ ਪੇਸ਼ ਕੀਤਾ ਤੇ 'ਹਾਰਨ ਬਲੋਅ', 'ਬੈਕਬੋਨ' ਵਰਗੇ ਗੀਤ ਕੱਢੇ।
ਇਨ੍ਹਾਂ ਗੀਤਾਂ ਨੂੰ ਵੀ ਉਨਾ ਹੀ ਪਿਆਰ ਮਿਲਿਆ, ਜਿੰਨਾ ਹਾਰਡੀ ਦੇ ਰੋਮਾਂਟਿਕ ਗੀਤਾਂ ਨੂੰ ਮਿਲਿਆ।
ਜਾਣਕਾਰੀ ਮੁਤਾਬਕ ਹਾਰਡੀ ਸੰਧੂ ਦੇ ਨਾਮ ਹੁਣ ਤੱਕ ਦਾ ਸਭ ਤੋਂ ਵੱਡਾ ਰਿਕਾਰਡ ਜੁੜ ਚੁੱਕਾ ਹੈ। ਇਹ ਰਿਕਾਰਡ ਗੀਤ 'ਬੈਕਬੋਨ' ਨੇ ਬਣਾਇਆ ਹੈ। ਹਾਰਡੀ ਸੰਧੂ ਦੇ ਗੀਤ 'ਬੈਕਬੋਨ' ਨੂੰ ਯੂਟਿਊਬ 'ਤੇ 100 ਮਿਲੀਅਨ ਭਾਵ 10 ਕਰੋੜ ਲੋਕਾਂ ਨੇ ਦੇਖਿਆ ਸੀ।
ਇਸ ਗੀਤ ਨੂੰ ਜਾਨੀ ਨੇ ਲਿਖਿਆ ਹੈ ਤੇ ਸੰਗੀਤ ਬੀ ਪਰਾਕ ਦਾ ਹੈ। ਸਭ ਤੋਂ ਵੱਧ ਵਿਊਜ਼ ਵਾਲਾ ਇਹ ਪਹਿਲਾ ਪੰਜਾਬੀ ਗੀਤ ਹੈ। ਇਸ ਤੋਂ ਪਹਿਲਾਂ ਯੋ ਯੋ ਹਨੀ ਸਿੰਘ ਦੇ ਗੀਤ 'ਬਰਾਊਨ ਰੰਗ' ਨੂੰ ਸਭ ਤੋਂ ਵੱਧ ਵਿਊਜ਼ ਮਿਲੇ ਸਨ। ਹੁਣ 'ਬਰਾਊਨ ਰੰਗ' ਦੇ ਵਿਊਜ਼ ਸਿਰਫ 36 ਮਿਲੀਅਨ ਹਨ ਤੇ 'ਬੈਕਬੋਨ' ਦੇ ਅੱਜ ਦੀ ਤਰੀਕ 'ਚ ਵਿਊਜ਼ 150 ਮਿਲੀਅਨ ਤਕ ਪਹੁੰਚ ਗਏ ਹਨ।