ਜਲੰਧਰ (ਬਿਊਰੋ): ਪੰਜਾਬੀ ਗਾਇਕ ਹਰਜੀਤ ਹਰਮਨ ਦਾ ਨਵਾਂ ਗੀਤ 'ਦਿਲ ਦੀਆਂ ਫਰਦਾਂ' ਅੱਜ ਰਿਲੀਜ਼ ਕੀਤਾ ਗਿਆ। ਹਰਜੀਤ ਹਰਮਨ ਦਾ ਲੰਮੇ ਸਮੇਂ ਬਾਅਦ ਬੀਟ ਸੌਂਗ ਰਿਲੀਜ਼ ਹੋਇਆ ਹੈ। ਹਾਲਾਂਕਿ ਇਸ ਗੀਤ ਨੂੰ ਹਰਜੀਤ ਹਰਮਨ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕਰਦੇ ਸਮੇਂ ਭਾਵੁਕ ਵੀ ਹੋ ਗਏ। ਹਰਜੀਤ ਹਰਮਨ ਗੀਤਕਾਰ ਪਰਗਟ ਸਿੰਘ ਨੂੰ ਯਾਦ ਕਰਕੇ ਭਾਵੁਕ ਹੋਏ, ਜਿਨ੍ਹਾਂ ਦਾ ਮਾਰਚ, 2019 ਵਿਚ ਦਿਹਾਂਤ ਹੋ ਗਿਆ ਸੀ।ਹਰਜੀਤ ਹਰਮਨ ਨੇ ਫੇਸਬੁੱਕ 'ਤੇ ਗੀਤ ਸਾਂਝਾ ਕਰਦਿਆਂ ਲਿਖਿਆ, 'ਦੋਸਤੋ ਆ ਗਿਆ ਆਪਣਾ ਗੀਤ 'ਦਿਲ ਦੀਆਂ ਫ਼ਰਦਾਂ'।
ਕਾਫ਼ੀ ਲੰਮੇ ਸਮੇਂ ਬਾਅਦ ਆਪਣਾ ਬੀਟ ਸੌਂਗ ਆਇਆ ਤੇ ਮੈਨੂੰ ਪੂਰੀ ਉਮੀਦ ਹੈ ਕਿ ਤੁਸੀਂ ਹਮੇਸ਼ਾ ਦੀ ਤਰ੍ਹਾਂ ਪਿਆਰ ਦਿਓਗੇ। ਜਿਥੇ ਮੈਂ ਤੁਹਾਡੇ ਨਾਲ ਆਪਣਾ ਗੀਤ ਸ਼ੇਅਰ ਕਰਕੇ ਖ਼ੁਸ਼ੀ ਮਹਿਸੂਸ ਕਰ ਰਿਹਾ ਹਾਂ, ਦੋਸਤੋ ਉਥੇ ਸਰਦਾਰ ਪਰਗਟ ਸਿੰਘ ਦੀ ਘਾਟ ਵੀ ਮਹਿਸੂਸ ਕਰ ਰਿਹਾ ਹਾਂ।' ਤੁਹਾਨੂੰ ਦੱਸ ਦਈਏ ਕਿ 'ਦਿਲ ਦੀਆਂ ਫਰਦਾਂ' ਗੀਤ ਦੇ ਬੋਲ ਮਸ਼ਹੂਰ ਪੰਜਾਬੀ ਗੀਤਕਾਰ ਬਚਨ ਬੇਦਿਲ ਵਲੋਂ ਲਿਖੇ ਗਏ ਹਨ। ਗੀਤ ਨੂੰ ਸੰਗੀਤ ਮਿਕਸ ਸਿੰਘ ਨੇ ਦਿੱਤਾ ਹੈ। ਗੀਤ ਦੀ ਵੀਡੀਓ ਬੀ 2 ਗੈਦਰ ਵਲੋਂ ਫਿਲਮਾਈ ਗਈ ਹੈ। ਪਿੰਕੀ ਧਾਲੀਵਾਲ ਵਲੋਂ ਹਰਜੀਤ ਹਰਮਨ ਦੇ ਇਸ ਗੀਤ ਨੂੰ ਪ੍ਰੋਡਿਊਸ ਕੀਤਾ ਗਿਆ ਹੈ, ਜੋ ਯੂਟਿਊਬ 'ਤੇ ਮੈਡ 4 ਮਿਊਜ਼ਿਕ ਦੇ ਬੈਨਰ ਹੇਠ ਰਿਲੀਜ਼ ਹੋਇਆ ਹੈ।
https://www.youtube.com/watch?v=X2XWKDbq2jc&feature=youtu.be