ਜਲੰਧਰ (ਬਿਊਰੋ) — ਕੁਝ ਦਿਨ ਪਹਿਲਾਂ ਹੀ 'ਮੈੱਟ ਗਾਲਾ 2019' ਦਾ ਆਯੋਜਨ ਕੀਤਾ ਗਿਆ ਸੀ, ਜਿਸ 'ਚ ਵੱਖ-ਵੱਖ ਬਾਲੀਵੁੱਡ ਤੇ ਹਾਲੀਵੁੱਡ ਸੈਲੇਬ੍ਰਿਟੀਜ਼ ਨੇ ਸ਼ਿਰਕਤ ਕੀਤੀ ਸੀ। ਇਸੇ ਦੌਰਾਨ 'ਮੈੱਟ ਗਾਲਾ' ਦੇ ਪਿੰਕ ਕਾਰਪੇਟ 'ਤੇ ਬਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਯੰਕਾ ਚੋਪੜਾ ਸਿਲਵਰ ਕਲਰ ਦੀ ਆਊਟਫਿੱਟ ਤੇ ਅਜੀਬੋ-ਗਰੀਬ ਹੇਅਰ ਸਟਾਈਲ 'ਚ ਦਿਸੀ ਸੀ, ਜਿਸ ਤੋਂ ਬਾਅਦ ਉਸ ਨੂੰ ਲੋਕਾਂ ਵਲੋਂ ਖੂਬ ਟਰੋਲ ਕੀਤਾ ਜਾਣ ਲੱਗਾ।
ਇਸ ਤੋਂ ਬਾਅਦ ਵੱਖ-ਵੱਖ ਖੇਤਰ ਦੇ ਲੋਕਾਂ ਨੂੰ ਉਸ ਦੀ ਤਸਵੀਰ ਨਾਲ ਜੋੜ ਕੇ ਟਰੋਲ ਕੀਤਾ ਜਾ ਰਿਹਾ ਹੈ। ਇਸ ਲਿਸਟ 'ਚ 'ਸਲੇਟੀਆਂ' ਗੀਤ ਨਾਲ ਚਰਚਾ 'ਚ ਆਉਣ ਵਾਲੇ ਹਰਮਨ ਚੀਮਾ ਦੀ ਵੀ ਲੁੱਕ ਵਾਇਰਲ ਹੋਈ ਹੈ, ਜਿਸ 'ਤੇ ਹਰਮਨ ਚੀਮਾ ਨੂੰ ਖੂਬ ਟਰੋਲ ਵੀ ਕੀਤਾ ਜਾ ਰਿਹਾ ਹੈ।
ਹਰਮਨ ਦੀ ਇਸ ਲੁੱਕ 'ਤੇ ਲੋਕ ਲਗਾਤਾਰ ਵੱਖ-ਵੱਖ ਤਰ੍ਹਾਂ ਦੇ ਕੁਮੈਂਟਸ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਦੂਜੀ ਤਸਵੀਰ 'ਚ ਹਰਮਨ ਚੀਮਾ ਪੰਜਾਬੀ ਸਿੰਗਰ ਸੋਨੀ ਮਾਨ ਨਾਲ ਵੀ ਨਜ਼ਰ ਆ ਰਹੇ ਹਨ, ਜਿਸ 'ਚ ਦੋਵਾਂ ਨੂੰ ਲੋਕ ਖੂਬ ਟਰੋਲ ਕਰ ਰਹੇ ਹਨ।
