ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਮਸ਼ਹੂਰ ਤੇ ਸਟਾਈਲਿਸ਼ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਬੀ-ਟਾਊਨ ਦੀ ਕਿਊਟ ਗਰਲ ਆਲੀਆ ਭੱਟ ਦੀ ਮੁਰੀਦ ਬਣ ਗਈ ਹੈ। ਐਸ਼ਵਰਿਆ ਨੇ ਆਲੀਆ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਇਹ ਬਹੁਤ ਹੀ ਚੰਗੀ ਗੱਲ ਹੈ ਕਿ ਉਹ ਆਪਣੇ ਕੰਮ ਨੂੰ ਹੋਰ ਜ਼ਿਆਦਾ ਐਕਸਪਲੋਰ ਕਰ ਰਹੀ ਹੈ ਅਤੇ ਫਿਲਮਾਂ ਵਿਚ ਚੰਗਾ ਕੰਮ ਕਰ ਰਹੀ ਹੈ।
ਮੈਂ ਇਹ ਖੁਦ ਆਲੀਆ ਨੂੰ ਵੀ ਕਿਹਾ ਸੀ ਕਿ ਜਿਵੇਂ ਤੁਹਾਨੂੰ ਕਰਨ ਜੌਹਰ ਦੀ ਸਪੋਰਟ ਮਿਲੀ ਹੈ, ਉਹ ਤੁਹਾਡੇ ਲਈ ਕਾਫੀ ਚੰਗਾ ਹੈ। ਇਕ ਅਦਾਕਾਰ ਦੇ ਨਾਤੇ ਆਲੀਆ ਦੇ ਅੱਗੇ ਕਾਫੀ ਸਾਰੇ ਮੌਕੇ ਹਨ ਅਤੇ ਇਸ ਲਈ ਉਸ ਦੀ ਜਿੰਨੀ ਤਾਰੀਫ ਕੀਤੀ ਜਾਵੇ ਘੱਟ ਹੈ।''
ਦੱਸਣਯੋਗ ਹੈ ਕਿ ਹਾਲ ਹੀ ਵਿਚ ਪ੍ਰਦਰਸ਼ਿਤ ਫਿਲਮ 'ਰਾਜ਼ੀ' ਵਿਚ ਆਲੀਆ ਦੀ ਐਕਟਿੰਗ ਦੀ ਵੀ ਸ਼ਲਾਘਾ ਕੀਤੀ ਗਈ। ਛੇਤੀ ਹੀ ਉਹ ਰਣਵੀਰ ਕਪੂਰ ਅਤੇ ਮਹਾਨਾਇਕ ਅਮਿਤਾਭ ਬੱਚਨ ਨਾਲ ਫਿਲਮ 'ਬ੍ਰਹਮਅਸਤਰ' ਵਿਚ ਨਜ਼ਰ ਆਵੇਗੀ।
