ਨਵੀਂ ਦਿੱਲੀ (ਬਿਊਰੋ) — ਬਾਲੀਵੁੱਡ ਫਿਲਮ ਇੰਡਸਟਰੀ ਦੇ ਹੀਮੈਨ ਧਰਮਿੰਦਰ ਇਨ੍ਹੀਂ ਦਿਨੀਂ ਪਤਨੀ ਤੇ ਅਦਾਕਾਰਾ ਹੇਮਾ ਮਾਲਿਨੀ ਦੇ ਸਮਰਥਨ ਲਈ ਚੋਣ ਪ੍ਰਚਾਰ ਕਰਨ 'ਚ ਰੁੱਝੇ ਹੋਏ ਹਨ। ਦੱਸ ਦਈਏ ਕਿ ਹੇਮਾ ਮਾਲਿਨੀ ਲੋਕ ਸਭਾ ਚੋਣਾਂ 2019 'ਚ ਮਥੁਰਾ ਤੋਂ ਬੀ. ਜੇ. ਪੀ. ਉਮੀਦਵਾਰ ਹੈ। ਪਿਛਲੇ ਕਾਫੀ ਸਮੇਂ ਤੋਂ ਧਰਮਿੰਦਰ ਫਿਲਮੀ ਪਰਦੇ ਤੋਂ ਦੂਰ ਹੈ। ਜੇਕਰ ਧਰਮਿੰਦਰ ਦੇ ਪਰਿਵਾਰ ਬਾਰੇ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਦੇ 6 ਬੱਚੇ ਹਨ।
ਸੰਨੀ ਦਿਓਲ
ਸੰਨੀ ਦਿਓਲ ਸਭ ਤੋਂ ਵੱਡਾ ਬੇਟੇ ਹੈ, ਜਿਸ ਦਾ ਜਨਮ 1956 ਨੂੰ ਹੋਇਆ ਸੀ। ਹਾਲਾਂਕਿ ਸੰਨੀ ਦਿਓਲ ਦੇ ਵੀ ਅੱਗੇ ਦੋ ਬੇਟੇ ਹਨ, ਜਿਸ ਦਾ ਨਾਂ ਕਰਨ ਤੇ ਦੂਜੇ ਦਾ ਨਾਂ ਰਾਜਵੀਰ ਹੈ।
ਬੌਬੀ ਦਿਓਲ
ਬੌਬੀ ਦਿਓਲ ਦਾ ਜਨਮ 1967 ਨੂੰ ਹੋਇਆ ਸੀ। ਬੌਬੀ ਦਿਓਲ ਨੇ ਆਪਣੀ ਬਚਪਨ ਦੀ ਦੋਸਤ ਤਾਨਿਆ ਅਹੂਜਾ ਨਾਲ ਵਿਆਹ ਕਰਵਾਇਆ। ਬੌਬੀ ਦੇ ਵੀ ਦੋ ਬੇਟੇ ਹਨ। ਸੰਨੀ ਤੇ ਬੌਬੀ ਦਿਓਲ ਦੀਆਂ ਸਕੀਆਂ ਭੈਣਾਂ ਅਜਿਤਾ ਤੇ ਵਿਜੇਤਾ ਹਨ।
ਦੋਵੇਂ ਆਪਣੀ ਮਾਂ ਵਾਂਗ ਲਾਈਮਲਾਈਟ ਤੋਂ ਦੂਰ ਰਹਿੰਦੀਆਂ ਹਨ। ਖਬਰਾਂ ਦੀ ਮੰਨੀਏ ਤਾਂ ਦੋਵਂੇ ਭੈਣਾਂ ਕੈਲਫੋਰਨੀਆ ਅਮਰੀਕਾ ਸ਼ਿਫਟ ਹੋ ਗਈਆਂ ਹਨ। ਵਿਜੇਤਾ ਦੇ ਨਾਂ ਤੇ ਧਰਮਿੰਦਰ ਨੇ ਆਪਣਾ ਪ੍ਰੋਡਕਸ਼ਨ ਹਾਊਸ ਖੋਲ੍ਹਿਆ ਸੀ।
ਈਸ਼ਾ ਦਿਓਲ
ਬਾਲੀਵੁੱਡ ਅਦਾਕਾਰਾ ਈਸ਼ਾ ਦਿਓਲ ਦਾ ਜਨਮ ਸਾਲ 1982 'ਚ ਹੋਇਆ ਸੀ। ਈਸ਼ਾ ਹੇਮਾ ਮਾਲਿਨੀ ਤੇ ਧਰਮਿੰਦਰ ਦੀ ਬੇਟੀ ਹੈ। ਦੱਸ ਦਈਏ ਕਿ ਈਸ਼ਾ ਦਿਓਲ ਕਈ ਫਿਲਮਾਂ 'ਚ ਵੀ ਕੰਮ ਕਰ ਚੁੱਕੀ ਹੈ। ਈਸ਼ਾ ਦਿਓਲ ਨੇ ਮੁੰਬਈ ਦੇ ਮਸ਼ਹੂਰ ਕਾਰੋਬਾਰੀ ਭਰਤ ਤਖਤਾਨੀ ਨਾਲ ਵਿਆਹ ਕਰਵਾਇਆ ਹੈ।
ਇਸ ਤੋਂ ਇਲਾਵਾ ਈਸ਼ਾ ਦਿਓਲ ਦੀ ਇਕ ਭੈਣ ਹੈ, ਜਿਸ ਦਾ ਨਾਂ ਆਹਨਾ ਦਿਓਲ ਹੈ। ਦੱਸ ਦਈਏ ਕਿ ਆਹਨਾ ਦਾ ਜਨਮ 1985 'ਚ ਹੋਇਆ ਸੀ। ਆਹਨਾ ਧਰਮਿੰਦਰ ਦੇ ਹੇਮਾ ਮਾਲਿਨੀ ਦੀ ਦੂਜੀ ਬੇਟੀ ਹੈ। ਆਹਨਾ ਨੇ ਵੀ ਸਾਲ 2014 'ਚ ਕਾਰੋਬਾਰੀ ਵੈਭਵ ਕੁਮਾਰ ਨਾਲ ਵਿਆਹ ਕਰਵਾਇਆ ਸੀ।
ਦੱਸ ਦਈਏ ਕਿ ਬੀਤੇ ਕੁਝ ਦਿਨ ਪਹਿਲਾਂ ਚੋਣ ਜਨ ਸਭਾ 'ਚ ਧਰਮਿੰਦਰ ਨੇ ਫਿਲਮੀ ਸਟਾਈਲ 'ਚ ਹੇਮਾ ਮਾਲਿਨੀ ਲਈ ਵੋਟ ਦੀ ਅਪੀਲ ਕੀਤੀ ਸੀ। ਹੇਮਾ ਮਾਲਿਨੀ ਚੋਣ ਮੈਦਾਨ 'ਚ ਜਿੱਤ ਦਰਜ ਕਰਨ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ।
ਕੁਝ ਦਿਨ ਪਹਿਲਾਂ ਹੇਮਾ ਮਾਲਿਨੀ ਦੀ ਮਥੁਰਾ ਦੇ ਖੇਤਾਂ 'ਚ ਕਣਕ ਦੀ ਵਾਡੀ ਕਰਦਿਆਂ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਸਨ।
ਦੱਸਣਯੋਗ ਹੈ ਕਿ ਧਰਮਿੰਦਰ ਇਨ੍ਹੀਂ ਦਿਨੀਂ ਫਿਲਮੀ ਪਰਦੇ ਤੋਂ ਦੂਰ ਆਪਣੀ ਨਿੱਜ਼ੀ ਜ਼ਿੰਦਗੀ 'ਚ ਰੁੱਝੇ ਹੋਏ ਹਨ। ਉਹ ਸੋਸ਼ਲ ਮੀਡੀਆ 'ਤੇ ਅਕਸਰ ਹੀ ਆਪਣੀਆਂ ਵੀਡੀਓਜ਼ ਫੈਨਜ਼ ਨਾਲ ਸ਼ੇਅਰ ਕਰਦੇ ਰਹਿੰਦੇ ਹਨ।