ਮੁੰਬਈ(ਬਿਊਰੋ)— ਹਿਨਾ ਖਾਨ ਟੀ. ਵੀ. ਦੀ ਫੇਮਸ ਪ੍ਰਸਨੈਲਟੀ ਹੈ। 'ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ', 'ਬਿੱਗ ਬੌਸ' ਅਤੇ 'ਖਤਰੋਂ ਕੇ ਖਿਲਾੜੀ' ਕਰਨ ਤੋਂ ਬਾਅਦ ਹਿਨਾ ਦੇ ਫੈਨਜ਼ ਦੀ ਗਿਣਤੀ ਦਿਨੋਂ-ਦਿਨ ਵਧਦੀ ਜਾ ਰਹੀ ਹੈ। ਹਿਨਾ ਨੇ ਆਪਣੀ ਬਹੂ ਵਾਲੀ ਇਮੇਜ਼ ਨੂੰ ਖਤਮ ਕਰ ਆਪਣੇ ਆਪ ਨੂੰ ਫੈਨਜ਼ ਆਈਕਨ ਵਜੋਂ ਲੋਕਾਂ ਅੱਗੇ ਪਛਾਣ ਬਣਾਈ ਹੈ, ਜਿਸ 'ਚ ਉਹ ਕਮਾਯਾਬ ਵੀ ਰਹੀ।
ਇਸ ਤੋਂ ਬਾਅਦ ਹਿਨਾ ਨੇ ਪਿਛੇ ਮੁੜ ਕੇ ਨਾ ਦੇਖਣ ਦਾ ਫੈਸਲਾ ਲਿਆ ਹੈ। ਐਕਟਿੰਗ 'ਚ ਲੋਕਾਂ ਨੂੰ ਆਪਣਾ ਦੀਵਾਨਾ ਬਣਾਉਣ ਵਾਲੀ ਹਿਨਾ ਖਾਨ ਗਾਇਕੀ ਦਾ ਸ਼ੌਂਕ ਵੀ ਰੱਖਦੀ ਹੈ। ਉਸ ਦੇ ਹਾਲ ਹੀ 'ਚ ਰਿਲੀਜ਼ ਗੀਤ 'ਭਸੂੜੀ' ਨੂੰ ਲੋਕਾਂ ਨੇ ਕਾਫੀ ਪਿਆਰ ਦਿੱਤਾ। ਇਸ ਦੇ ਨਾਲ ਹੀ ਹਿਨਾ ਕਾਫੀ ਫਿਟਨੈੱਸ ਫ੍ਰੀਕ ਵੀ ਹੈ।
ਹਿਨਾ ਕਿੰਨੀ ਵੀ ਬਿਜ਼ੀ ਕਿਉਂ ਨਾ ਹੋਵੇ ਪਰ ਉਹ ਜਿਮ 'ਚ ਵਰਕਆਊਟ ਕਰਨਾ ਕਦੇ ਨਹੀਂ ਛੱਡਦੀ। ਹਿਨਾ ਕਈ ਵਾਰ ਜਿਮ ਦੀ ਤਸਵੀਰਾਂ ਅਤੇ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਵੀ ਸ਼ੇਅਰ ਕਰ ਚੁੱਕੀ ਹੈ।
ਹੁਣ ਹਿਨਾ ਨੇ ਆਪਣੇ ਜਿਮ ਦੀ ਇਕ ਹੋਰ ਤਸਵੀਰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਕਾਫੀ ਫਿੱਟ ਨਜ਼ਰ ਆ ਰਹੀ ਹੈ। ਇਨ੍ਹਾਂ ਤਸਵੀਰਾਂ 'ਚ ਹਿਨਾ ਦੀ ਟੋਂਡ ਬੌਡੀ ਸਾਫ ਨਜ਼ਰ ਆ ਰਹੀ ਹੈ। ਇਸ ਨੂੰ ਸ਼ੇਅਰ ਕਰਦਿਆਂ ਹਿਨਾ ਨੇ ਕੈਪਸ਼ਨ ਵੀ ਦਿੱਤਾ ਹੈ, ''ਹਾਉ ਕੈਨ ਮਾਈ ਸਟਾਇਲ ਨੌਟ ਰੀਚ ਦਿ ਜਿਮ।''
ਹਿਨਾ ਖਾਨ ਜਲਦੀ ਹੀ ਏਕਤਾ ਕਪੂਰ ਦੇ ਨਵੇਂ ਸੀਰੀਅਲ 'ਕਸੌਟੀ ਜ਼ਿੰਦਗੀ ਕੀ' 'ਚ ਨਜ਼ਰ ਆਵੇਗੀ, ਜਿਸ 'ਚ ਉਹ 'ਕਮੌਲੀਕਾ' ਦਾ ਨੈਗਟਿਵ ਕਿਰਦਾਰ ਨਿਭਾਵੇਗੀ। ਇਸ ਚੰਗੀ ਇਮੇਜ਼ ਤੋਂ ਬਾਅਦ ਹਿਨਾ ਨੂੰ ਨੈਗਟਿਵ ਕਿਰਦਾਰ 'ਚ ਦੇਖਣਾ ਕਾਫੀ ਦਿਲਚਸਪ ਹੋਵੇਗਾ।