ਮੁੰਬਈ (ਬਿਊਰੋ) — ਟੀ. ਵੀ. ਸੀਰੀਅਲ 'ਨਾਗਿਨ 3' 'ਚ ਕੰਮ ਕਰ ਰਹੀ ਚਾਈਲਡ ਆਰਟਿਸਟ ਅਲੀਨਾ ਲਾਂਬੇ ਕੁਝ ਦਿਨਾਂ 'ਚ ਟੀਮ ਦੀ ਪਸੰਦੀਦਾ ਬਣ ਗਈ ਹੈ। ਅਲੀਨਾ ਸ਼ੋਅ 'ਚ ਤਾਮਸੀ ਦਾ ਕਿਰਦਾਰ ਨਿਭਾ ਰਹੀ ਹੈ। ਸੀਰੀਅਲ 'ਚ ਆਉਣ ਤੋਂ ਬਾਅਦ ਤਾਮਸੀ ਨੂੰ ਬਾਲ ਕਲਾਕਾਰ ਦੇ ਤੌਰ 'ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਹਾਲ ਹੀ 'ਚ ਅਲੀਨਾ ਆਪਣੀ ਪਸੰਦੀਦਾ ਸਟਾਰ ਹਿਨਾ ਖਾਨ ਨੂੰ ਮਿਲਣ ਪਹੁੰਚੀ ਸੀ। ਟੀ. ਵੀ. ਦੀ ਕੋਮੋਲਿਕਾ ਯਾਨੀ ਹਿਨਾ ਖਾਨ ਵੀ ਅਲੀਨਾ ਨੂੰ 'ਕਸੌਟੀ ਜ਼ਿੰਦਗੀ ਕੀ 2' ਦੇ ਸ਼ੂਟਿੰਗ ਸੈੱਟ 'ਤੇ ਦੇਖ ਕੇ ਕਾਫੀ ਖੁਸ਼ ਹੋ ਗਈ।
ਅਲੀਨਾ ਨੂੰ ਜਿਵੇਂ ਹੀ ਪਤਾ ਲੱਗਾ ਕਿ ਉਸ ਦੇ ਸੈੱਟ ਦੇ ਕੋਲ ਹੀ 'ਕਸੌਟੀ ਜ਼ਿੰਦਗੀ ਕੀ 2' ਦਾ ਸੈੱਟ ਲੱਗਾ ਹੋਇਆ। ਉਹ ਤੁਰੰਤ ਹੀ ਹਿਨਾ ਖਾਨ ਨੂੰ ਮਿਲਣ ਪਹੁੰਚ ਗਈ। ਅਲੀਨਾ ਨੂੰ ਦੇਖ ਕੇ ਹਿਨਾ ਵੀ ਕਾਫੀ ਖੁਸ਼ ਹੋ ਗਈ। ਹਿਨਾ ਖਾਨ ਨਾਲ ਮੁਲਾਕਾਤ ਕਦੀਆਂ ਕੁਝ ਤਸਵੀਰਾਂ ਅਲੀਨਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਵੀ ਪੋਸਟ ਕੀਤੀਆਂ ਹਨ। ਅਲੀਨਾ ਨੇ ਰੈੱਡ ਕਲਰ ਦਾ ਲਹਿੰਗਾ ਪਾਇਆ ਸੀ, ਉਥੇ ਹੀ ਹਿਨਾ ਖਾਨ ਸੰਤਰੀ ਤੇ ਕਾਲੇ ਰੰਗ ਦੀ ਸਾੜ੍ਹੀ ਪਾਈ ਸੀ। ਇਸ ਲੁੱਕ 'ਚ ਦੋਵੇਂ ਕਾਫੀ ਸਟਾਈਲਿਸ਼ ਲੱਗ ਰਹੀਆਂ ਸਨ।