ਮੁੰਬਈ(ਬਿਊਰੋ)— 'ਕਸੌਟੀ ਜ਼ਿੰਦਗੀ ਕੀ 2' 'ਚ ਕੋਮੋਲਿਕਾ ਯਾਨੀ ਕਿ ਹਿਨਾ ਖਾਨ ਇਨ੍ਹੀਂ ਦਿਨੀਂ ਆਪਣੀ ਜਨਮ ਭੂਮੀ ਸ਼੍ਰੀਨਗਰ 'ਚ ਸਮਾਂ ਬਿਤਾ ਰਹੀ ਹੈ। ਦਰਅਸਲ, ਹਿਨਾ ਖਾਨ ਆਪਣੀ ਨਵੀਂ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨ ਤੋਂ ਪਹਿਲਾਂ ਇੱਥੇ ਵਰਕਸ਼ਾਪ ਅਟੈਂਡ ਕਰਨ ਲਈ ਪਹੁੰਚੀ ਹੋਈ ਹੈ। ਦੱਸ ਦੇਈਏ ਕਿ ਹਿਨਾ ਖਾਨ ਦਾ ਜਨਮ ਸ਼੍ਰੀਨਗਰ 'ਚ ਹੋਇਆ ਸੀ।
ਬਚਪਨ ਦੇ ਦਿਨਾਂ ਨੂੰ ਯਾਦ ਕਰਦੇ ਹੋਏ ਹਿਨਾ ਇੱਥੋਂ ਦੀ ਮਸ਼ਹੂਰ ਦਰਗਾਹ 'ਤੇ ਮੱਥਾ ਟੇਕਣ ਵੀ ਪਹੁੰਚੀ। ਖਾਸ ਗੱਲ ਇਹ ਸੀ ਕਿ ਹਿਨਾ ਦਰਗਾਹ 'ਤੇ ਨੰਗੇ ਪੈਰੀ ਬੁਰਕਾ ਪਹਿਨ ਪਹੁੰਚੀ ਸੀ। ਹਿਨਾ ਨੇ ਇਸ ਦੌਰਾਨ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਵੀ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ ਹਨ।
ਹਿਨਾ ਨੇ ਇਨ੍ਹਾਂ ਤਸਵੀਰਾਂ ਨੂੰ ਇਕ ਕੈਪਸ਼ਨ ਵੀ ਦਿੱਤਾ ਹੈ ਹਿਨਾਂ ਨੇ ਲਿਖਿਆ,''ਮੈਂ ਬਚਪਨ 'ਚ ਸਵੇਰ ਦੇ ਸਮੇਂ ਇਸ ਦਰਗਾਹ ਤੇ ਦੁਆ ਕਰਨ ਲਈ ਨੰਗੇ ਪੈਰੀ ਆਉਂਦੀ ਸੀ। ਇਸ ਲਈ ਮੈਂ ਇਹ ਸਭ ਕੁਝ ਦੁਬਾਰਾ ਕਰਨਾ ਚਾਹੁੰਦੀ ਸੀ। ਜਿੱਥੇ ਵਿਸ਼ਵਾਸ਼ ਹੁੰਦਾ ਹੈ, ਉੱਥੇ ਰਸਤਾ ਖੁਦ ਬਣ ਜਾਂਦਾ ਹੈ।''
